Dekurdagar handan hornsins Vantar sjálfboðaliða til að aðstoða
Fyrstu slaufur haustsins klárar Myndir á facebook síðu Dekurdaga
Dekurdagar verða í ár haldnir dagana 9 til 12. október. Vilborg Jóhannsdóttir kaupmaður í Centro byrjaði að hnýta bleiku slaufurnar í byrjun mánaðar, þannig að slaufurnar verði klárar þegar Dekurdagar hefjast.
Marta Kristín Rósudóttir verkefnastjóri dagskrár og viðburða hjá Krabbameinsfélagi Akureyrar og nágrennis segir að nú standi yfir leit að fleiri sjálfboðaliðum til að aðstoða við að koma slaufunum á sýna staði. „Í ár leggjum við áherslu á að fólk og fyrirtæki sem sæki slaufurnar sínar til Vilborgar í Centro, en þeir sem ekki treysta sér til þess munu fá þær sendar og eins munum við sjá um að hengja þær upp,“ segir Marta Kristín. Ástæða þessa breytta fyrirkomulags er að mikil aukning hefur orðið í sölu á slaufur á ljósastaura, „sem er alveg frábært,“ segir hún, en til að létta álagið er fólk beðið um að sækja slaufurnar.
Marta Kristín segir að óskað sé eftir sjálfboðaliðum, m.a. fyrirtækjaeigendum sem vilja leggja fram aðstoð við skipulagningu og eins hópum sem vilja aðstoða við að hengja slaufur upp.
Á liðnu ári söfnuðust 6,7 milljónir króna með sölu á bleikum slaufum og rann ágóðinn til Krabbameinsfélags Akureyrar og nágrennis. „Það væri auðvitað mjög gaman ef við næðum að toppa þá upphæð nú í haust,“ segir Marta Kristín. Alls hefur frá upphafi verið safnað tæpum 38 milljónum króna með sölu á bleikum slaufum sem runnið hafa til KAON.
Ýmislegt verður um að vera í tengslum við Dekurdaga, fjölbreyttir viðburðir hér og hvar um bæinn sem kynntir verða þegar nær dregur.
Bleiku slaufurnar setja svip sinn á bæjarbraginn á Akureyri á haustin
Nýjast
-
Dekurdagar handan hornsins Vantar sjálfboðaliða til að aðstoða
Dekurdagar verða í ár haldnir dagana 9 til 12. október. Vilborg Jóhannsdóttir kaupmaður í Centro byrjaði að hnýta bleiku slaufurnar í byrjun mánaðar, þannig að slaufurnar verði klárar þegar Dekurdagar hefjast. -
Hjúkrunarheimili við Þursaholt verður með 100 rýmum í stað 80 möguleiki á að bæta síðar við 40 rýmum
Bæjarstjórn Akureyrar hefur samþykkt breytingu á deiliskipulagi Holtahverfis sem nær til lóða við Þursaholt og var það gert með 11 samhljóða atkvæðum. -
Um 60 manns mættu á samráðsfund um framtíð tæknináms
Afar vel heppnaður Súpufundur atvinnulífsins fór fram í DriftEA við Ráðhústorg á Akureyri í gær, þar sem rætt var um framtíð tæknináms á Norðausturlandi. -
Vísindadagur SAk og Heilbrigðisvísindastofnunar HA og SAk
Fimmtudaginn 18. september fer fram Vísindadagur SAk og Heilbrigðisvísindastofnunar HA og SAk. Á dagskránni eru fjölbreytt og áhugaverð erindi þar sem starfsmenn SAk og samstarfsaðilar kynna rannsóknir og þróunarverkefni. Viðburðurinn fer fram í fundarherberginu Kjarna á SAk og verður einnig í beinu streymi á Teams. -
Ég reyni að láta flesta mína drauma rætast.
Sigrún María Óskarsdóttir ætlar að taka þátt í Aðgengisstrollinu sem fram fer í dag í tengslum við Evrópsku samgönguvikuna og hvetur öll til að koma og vera með. Sigrún María er Akureyringur vikunnar. -
Heilsufarsstaða Íslendinga - Landskönnun á hreyfingu, kyrrsetu og svefni hafin
Ný rannsókn er hafin á Íslandi þar sem hreyfing, kyrrseta og svefn fólks í landinu á aldrinum 20–69 ára verða mæld með hlutlægum hætti. Rannsóknin, sem nefnist Landskönnun á hreyfingu, kyrrsetu og svefni, er hluti af stóru Evrópuverkefni, JA Prevent, sem hefur það markmið að efla forvarnir gegn ósmitbærum sjúkdómum. -
Unglingadeildin Lambi er viðbót við Súlur
Unglingadeildin Lambi er ný viðbót í starf björgunarsveitarinnar Súlna haustið 2025. Fyrsta árið verða teknir inn krakkar sem verða 14 ára á árinu og hefst þannig spennandi nýtt ævintýri þar sem ungir krakkar fá að kynnast starfi björgunarsveita á öruggan og skemmtilegan hátt. -
Evrópska samgönguvikan fer fram dagana 16.–22. september en að þessu sinni er yfirskrift hennar „Samgöngur fyrir öll“.
Akureyrarbær tekur þátt í vikunni með fjölbreyttum viðburðum. Aðalviðburður vikunnar verður svokallað Aðgengisstroll, sem haldið verður í samstarfi við Sjálfsbjörg á Akureyri og Virk efri ár, miðvikudaginn 17. september kl. 16.30. Farið verður frá Lystigarðinum að Íþróttahöllinni, um 400 metra leið. Á bílaplaninu við Íþróttahöllina verður boðið upp á grillaðar pylsur og samtal um upplifun þátttakenda. Þar verður einnig aðgengilegur strætisvagn til sýnis og gestum gefst tækifæri til að prófa að fara yfir minni hindranir í hjólastól undir leiðsögn Sjálfsbjargar. Bæjarfulltrúar munu fara leiðina í hjólastólum sem Sjálfsbjörg útvegar og öðlast þannig innsýn í daglega reynslu fólks með skerta hreyfigetu. Öll eru velkomin til að taka þátt og ræða saman um aðgengi og hindranir í nærumhverfinu. -
„Okkar hlutverk er að allt virki vel“
Sigurbjörn Tryggvason hefur verið vélstjóri á skipum Útgerðarfélags Akureyringa og Samherja svo að segja frá því hann útskrifaðist sem vélstjóri árið 1984. Lengst var hann vélstjóri á Sléttbak EA 304. Síðustu fimm árin hefur Sigurbjörn verið vélstjóri á Björgúlfi EA 312, sem hann segir prýðilegt skip í alla staði.