Tónleikar með Hymnodiu & Kammerkór Norðurlands í Akureyrarkrikju
Tónleikarnir verði í Akureyrarkirkju á morgun sunnudag
Kór og orgel sameinast í hátíðlegum og ljóðrænum tónum í Akureyrarkirkju sunnudaginn 9. nóvember. Kórarnir Hymnodia og Kammerkór Norðurlands sameinast í söng undir stjórn Guðmundar Óla Gunnarssonar en Eyþór Ingi Jónsson mun spila á orgel.
Á efnisskránni verður fjölbreytt íslensk tónlist eftir Báru Grímsdóttur, Jón Nordal og Þorvald Örn Davíðsson, sem og hin mikilfenglega Missa Brevis eftir Zoltán Kodály (1882-1967). Missa Brevis var frumflutt í óperuhúsinu í Búdapest þann 11. febrúar árið 1945. Borgin var umsetin stórskotaliði Rauða hersins og rigndi sprengjunum látlaust yfir borgina en óperuhúsið hafði á einhvern undraverðan hátt staðið árásirnar af sér. Frumflutningurinn átti sér stað í fatahenginu sem hafði verið breytt í lítinn tónleikasal. Þar sungu óperusöngvarar borgarinnar við undirleik harmoníums en þessar aðstæður skýra líklega undirtitil verksins sem er „á stríðstímum.“
Það sem öðru fremur einkennir verkið er tilfinningaþunginn sem ofinn er í tónvefnaðinn og dregur fram örvæntingu, löngun og þrá eftir betri og friðsælli heimi. Í lokin hljómar bæn um frið sem klifuð er svo að angistin verður allt að því óbærileg. Vonin og trúin sigra að lokum þar sem bænin er send með von og gleði í hjarta upp til himna. Sá kafli verður hér fluttur í upprunalegri mynd sem öflugt orgeleftirspil. Verið hjartanlega velkomin í Akureyrarkirkju - kirkju Matthíasar Jochumssonar sunnudaginn 9. nóvember kl. 17:00. Miðaverð er 5000 krónur.
Miðasala fer fram við innganginn.
Nýjast
-
Tónleikar með Hymnodiu & Kammerkór Norðurlands í Akureyrarkrikju
Kór og orgel sameinast í hátíðlegum og ljóðrænum tónum í Akureyrarkirkju sunnudaginn 9. nóvember. Kórarnir Hymnodia og Kammerkór Norðurlands sameinast í söng undir stjórn Guðmundar Óla Gunnarssonar en Eyþór Ingi Jónsson mun spila á orgel. -
Álögur á heimili og fyrirtæki hafa aukist verulega á kjörtímabilinu
Það er hlutverk sveitarfélaga að tryggja sanngjarna skattlagningu sem endurspeglar raunverulega stöðu íbúa og atvinnulífs. -
Íbúar Grenilundar hjóla af krafti í alþjóðlegri keppni
Keppnin er árleg og tengir saman hjúkrunarheimili og þjónustumiðstöðvar víðs vegar um heiminn með því markmiði að hvetja eldri borgara til hreyfingar, samkeppni og samveru -
Skipulagsráð tekur jákvætt í að starfs- mannabústaðir rísi á athafnalóð
Erindi um hvort heimilt sé að nýta efri hæðir í húsi sem byggt verður á lóð við Baldursnes 11 fyrir rekstur starfsmannaíbúða til tímabundinnar búsetu, alls 28 íbúða hefur borist til skipulagsráðs Akureyrar. Lóðarhafi við Baldursnes er að því er fram kemur í erindinu öflugur verktaki á Akureyri „og hefur oft á tíðum mikla þörf vinnuafl sem ekki fyrirfinnst hér á Eyjafjarðarsvæðinu,“ eins og það er orðað. -
Sláturtíð lokið á Húsavík Aukning í haust vegna lokunar á Blönduósi
Sláturtíð lauk á Húsavík, 31 október s.l. og var alls 88.277 fjár slátrað að þessu sinni, 79.330 lömbum, 8.847 fullorðnum og 100 geitum. Þetta er samtals 2.580 fleira en var árið 2024. -
Akureyri er jólabærinn
Jólatorgið á Ráðhústorgi verður opnað laugardaginn 29. nóvember þegar ljósin á jólatrénu verða tendruð við hátíðlega athöfn. -
Engin ákvörðun um lóð við Norðurtanga
Skipulagsráð Akureyrar hefur hafnað erindi frá fyrirtækinu Ásco ehf sem sótti um iðnaðar- og athafnalóð undir starfsemi sína við Norðurtanga 7 á Akureyri. -
Litir lífs Myndlistarsýning Aðalsteins Þórssonar í Mjólkurbúðinni
Dagana 6. til 17. nóvember má sjá, inn um glugga Mjólkurbúðarinnar í Listagilinu á Akureyri, myndlistarmanninn Aðalstein Þórsson mála sjö málverk. -
Píanókvartettinn Negla heldur tónleika í Hofi
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16.
