Litir lífs Myndlistarsýning Aðalsteins Þórssonar í Mjólkurbúðinni
Aðalsteinn við vinnu sína hjá Listhúsinu Dyngjunni árið 2022. Myndina tók Brynhildur Kristinnsdóttir.
Dagana 6. til 17. nóvember má sjá, inn um glugga Mjólkurbúðarinnar í Listagilinu á Akureyri, myndlistarmanninn Aðalstein Þórsson mála sjö málverk.
Listamaðurinn byrjar með sex dúka hvern í einum lit regnbogans auk eins hálfkláraðs málverks. Á sýningartímanum verða dúkarnir málaðir auk hálfkláraða málverksins. Þatta verður verknaður án frekari undirbúnings segir í tilkynningu. Þarna stendur listamaðurinn fyrir verkinu í augnsjá þeirra sem leið eiga fram hjá sýningarsalnum. Er þetta list í sköpun eða er þetta mögulega örvæntingarfullur gjörningur afvegaleidds einstaklings,? segir ennfremur.
Auk þess að horfa á gjörninginn í gegnum hina frábæru glugga Mjólkurbúðarinnar dag sem nótt verður hægt að heimsækja sýninguna þegar listamaðurinn er að störfum. Að lokum býður Aðalsteinn gestum í sýningarslútt sunnudaginn 16. nóvember frá 15.00 - 17.00.
Aðalsteinn Þórsson er fæddur 1964 á Akureyri. Hefur víða komið við í sínu listræna starfi. 1989 hóf hann nám í Myndlistaskólanum á Akureyri. Hann lauk MFA námi frá Dutch Artinstitute, ArtEz árið 1998, þá Aki2 í borginni Enchede í Hollandi og hefur verið starfandi myndlistamaður síðan. Fyrst í Hollandi en hann hefur verið búsettur á Íslandi frá árinu 2016.
Aðalsteinn hefur haldið fjölda einkasýninga, tekið þátt í samsýningum og viðburðum bæði hér heima og erlendis, auk þess að vera sýningarstjóri. Hann hefur einnig látið að sér kveða í félagsmálum menningarinnar. Megin verkefni Aðalsteins er þó Einkasafnið, umhverfisverk sem hann starfrækir í gróðurvin í landi Kristness u.þ.b. 10 km. sunnan Akureyrar. Þess utan teiknar hann og málar þegar tími vinst til, því lengi býr að fyrstu gerð.
Nýjast
-
Engin ákvörðun um lóð við Norðurtanga
Skipulagsráð Akureyrar hefur hafnað erindi frá fyrirtækinu Ásco ehf sem sótti um iðnaðar- og athafnalóð undir starfsemi sína við Norðurtanga 7 á Akureyri. -
Litir lífs Myndlistarsýning Aðalsteins Þórssonar í Mjólkurbúðinni
Dagana 6. til 17. nóvember má sjá, inn um glugga Mjólkurbúðarinnar í Listagilinu á Akureyri, myndlistarmanninn Aðalstein Þórsson mála sjö málverk. -
Píanókvartettinn Negla heldur tónleika í Hofi
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16. -
Velferðarstjarnan 2025 – Velferð er verkefni okkar allra
Í þriðja sinn í röð stendur Velferðarsjóður Eyjafjarðar fyrir sölu á Velferðarstjörnunni, í samstarfi við Glerártorg og Slippinn Akureyri. Nýtt útlit stjörnunnar fyrir jólin 2025 er hannað af Elvu Ýr Kristjánsdóttur og Kristínu Önnu Kristjánsdóttur, verkefnastjórum markaðsmála á Glerártorgi, og framleitt og styrkt af Slippnum Akureyri líkt og undanfarin ár. -
Ný hönnun bygginga við Viðjulund 1
Bæjarstjórn hefur nú samþykkt breytingar á skipulagi lóðarinnar við Viðjulund 1 á Akureyri en sú lóð er í eigu dótturfélags KEA og Húsheildar-Hyrnu. -
Lítil skref á leið til læsis hlaut íslensku menntaverðlaunin
Verkefnið er samstarfsverkefni Borgarhólsskóla, leikskólans Grænuvalla, Miðstöð skólaþróunar Háskólans á Akureyri og Natöschu Damen sjúkraþjálfara -
Ráðgjöf um málefni einstaklinga með heilabilun og aðstandendur þeirra
Þær Petra Sif og Björg Jónína iðjuþjálfar hjá Heilsuvernd Hjúkrunarheimili, hófu haustið 2024 nám í Ráðgjöf um málefni einstaklinga með heilabilun og aðstandendur þeirra sem er ný námsleið hjá Háskólanum á Akureyri og Háskóla Íslands -
Höggvið á raforkuhnútinn á Norðausturlandi
Ráðist verður strax í aðgerðir á Norðausturlandi til að auka afhendingargetu og afhendingaröryggi raforku í landshlutanum. Þannig skapast forsendur fyrir aukinni atvinnuuppbyggingu og jákvæðri byggðaþróun á svæðinu til skemmri og lengri tíma. -
Vélfag leggur fram kvörtun til ESA vegna brota á EES-reglum
Vélfag ehf., í samstarfi við meirihlutaeiganda félagsins, hefur lagt fram kvörtun til Eftirlitsstofnunar EFTA (ESA) með beiðni um hraðaða brotamálsmeðferð gegn íslenska ríkinu.
