Dagvistunarmál verða í brennidepli í nýjum málefnasamningi
Fyrsti fundur nýrrar bæjarstjórnar á Akureyri verður þriðjudaginn 12. júní.
Málefnasamningur Framsóknarflokks, L-listans og Samfylkingarinnar sem mynda meirihluta á næsta kjörtímabili á Akureyri verður kynntur á allra næstu dögum. Fyrsti fundur nýrrar bæjarstjórnar verður þriðjudaginn 12. júní.
Guðmundur Baldvin Guðmundsson, oddviti Framsóknarflokksins, segir í samtali við Vikudag að vinna við málefnasamningin gangi vel. „Það eru engin stór ágreiningsmál,“ segir Guðmundur Baldvin. Dagvistunarmálin voru mikið til umfjöllunar fyrir kosningar og lögðu allir flokkar áherslu á að bæta þau mál í sinni stefnuskrá. Spurður hvort dagvistunarmálin verði í forgangi í nýjum málefnasamning segir Guðmundur Baldvin:
„Ég ætla ekki að tjá mig nákvæmlega um innihald málefnasamningsins, en miðað við áherslumál flokkana fyrir kosningar gefur augaleið að þau mál verði ofarlega á baugi.“
Guðmundur Baldvin var formaður bæjarráðs á síðasta kjörtímabili. Spurður hvort hann muni gegna því embætti áfram vill hann ekki svara því. „Verkaskiptingin í bæjarstjórn liggur fyrir og hún verður kynnt þegar málefnasamningurinn verður lagður fram,“ segir Guðmundur.
Nýr meirihluti ætlar að ráða bæjarstjóra en ekki hefur verið tekin ákvörðun um hvort staðan verði auglýst. „Við erum að velta fyrir okkur þeim möguleikum sem eru í stöðinni.“
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.