Dagur leikskólans haldinn hátíðlegur um allt land
Eiríkur Björn bæjarstjóri með veggspjaldið sem starfsfólk og leikskólabörn á Pálmholti færðum honum.
Dagur leikskólans er haldinn hátíðlegur í leikskólum landsins í dag, mánudaginn 6. febrúar. Þetta er merkisdagur í íslenskri leikskólasögu því þennan dag árið 1950 stofnuðu frumkvöðlar leikskólakennara fyrstu samtök sín. Dagur leikskólans er samstarfsverkefni Félags leikskólakennara, Félags stjórnenda leikskóla, mennta- og menningarmálaráðuneytis, Sambands íslenskra sveitarfélaga og Heimilis og skóla. Tilgangurinn er að auka jákvæða umræðu um leikskólann, vekja fólk til umhugsunar um hlutverk leikskóla og starf leikskólakennara og kynna starfsemina út á við. Dagur leikskólans er nú haldinn í fimmta sinn. Í tilefni dagsins hefur m.a. verið auglýst eftir gullkornum frá leikskólum landsins. Þau þurftu að vera lýsandi fyrir það nám sem leikskólabörn stunda og óskað var eftir mynd með. "Bestu" gullkornin hafa verið valin á veggspjald og er þeim dreift til leikskóla og sveitafélaga.
Auk þess var óskað eftir myndböndum með stuttum viðtölum við leikskólabörn um leikskólalífið. Dæmi um spurningar sem þau svöruðu: Hvað lærir þú í leikskólanum? Hvað gera leikskólakennarar og hvernig eiga góðir leikskólakennarar að vera? Myndböndin verða notuð við ýmis tækifæri og reynt að koma efni þeirra á framfæri í fjölmiðlum. Leikskólar hafa á undanförnum árum haldið upp á dag leikskólans með margbreytilegum hætti. Leikskólar á Akureyri og nágrenni taka þátt í deginum með ýmsum hætti. Leikskólabörn á Pálmholti hengdu upp listaverk sín í strætó í tilefni af degi leikskólans. Einnig heimsóttu leikskólakennarar og börn á Pálmholti, Eirík Björn Björgvinsson bæjarstjóra, í morgum og afhentu honum veggspjald með gullkornum. Bæjarstjóri spjallaði við gestina og söng svo með þeim lagið; Krummar krunkar úti.
Naustatjörn á Akureyri skreytti gluggana í Bónus í Naustahverfi en það verkefni tengist bæði Degi leikskólans og 150 ára afmæli Akureyrarbæjar. Holtakoti á Akureyri er með sýningu í bakarínu við Langholt. Listaverkasýningin er unnin úr heimilissorpi og fleiru en þessi efniviður var valinn af því að Akureyrarbær er framarlega í flokkunnarmálum. Álfasteinn í Hörgársveit verður með opið hús alla vikuna frá kl. 9 til 11 og 14 til 16. Lundarsel á Akureyri er með opið hús í dag frá kl. 9 til 11 og 13 til 15 - þar þar sem afmæliskort til Akureyrar verða til sýnis fyrir gesti og gangandi, sömuleiðs verður myndband úr daglega starfi yngstu barnanna til sýnis. Iðavellir á Akureyri á samvinnu við foreldrafélagið að standa fyrir fjölskyldufjöri milli kl. 15:30 og 17:30. Börnin og starfsfólk leikskólans bjóða foreldrum/forráðamönnum í leikskólann og kynna hvað þau hafa verið að gera í vetur. Kiðagil á Akureyri er með myndlistasýninginu á Flugsafninu, Sunnuból er með opið hús milli klukkan 9.00-11.00 og 13.00-15.00 - Kynnt verður þemavinna um Hrafninn sem unnin hefur verið undanfarnar vikur. Þá er leikskólinn Flúðir á Akureyri með sýningu í Hrísalundi.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.