Búist við straumi skíðafólks norður á komandi vikum
Á sunnudag verður efnt til alþjóðlegs skíðadags undir heitinu; Snjór um víða veröld, m.a. í Hlíðarfjalli.
Skíðatíðin hefur gengið ágætlega það sem af er, segir Guðmundur Karl Jónsson forstöðumaður í Hlíðarfjalli, en skíðasvæðið var opnað 3. desember síðstaliðinn. Hlákan undanfarið hefur orðið þess valdandi að af og til hefur orðið að loka, en Guðmundur Karl er engu að síður bjartsýnn á að komandi mánuðir verði góðir. Hann segir að mikill fjöldi fólks hafi lagt leið sína í Hlíðarfjall þá daga sem opið hefur verið, margt var um manninn um jól og áramót, þannig að þetta byrjaði bara mjög vel hjá okkur, segir Guðmundur Karl.
Hann segir að alltaf megi búast við hláku, umhleypingar séu hluti af því að búa á Íslandi og það viti menn og kippi sér ekki mikið upp við það. Enn er nægur snjór á helstu skíðaleiðum, en vissulega ekki mikill, að sögn forstöðumanns. Guðmundur Karl segir að búast megi við straumi skíðafólks í Hlíðarfjall á næstu vikum og mánuðum, en m.a. eru framundan vetrarfrí í skólum landsins og margir nýti þau til skíðaferða. Vetrarfríin eru í grunnskólum á suðvesturhorni landsins nú í febrúar og vitað er að margir munu vera á ferðinni í Hlíðarfjalli af því tilefni. Guðmundur Karl segir að þó svo að skíðasvæði, t.d. í Bláfjöllum, séu opin hafi það ekki mikil áhrif í Hlíðarfjalli, fólk komi engu að síður enda margir búnir að skipuleggja ferðina með nokkrum fyrirvara.
Þá eru væntanlegir tveir hópar frá Færeyjum í skíðaferð til Akureyrar og koma þeir seinni partinn í mars. Fylla þeir tvær flugvélar, 98 manns í hvorri og munu Færeyingar dvelja við skíðaiðkun yfir langa helgi. Bæjarbúar nýta svo vélarnar til að ferðast með vélunum til baka til Færeyja.
Nú á sunnudag verður efnt til alþjóðlegs skíðadags með heitinu; Snjór um víða veröld, sem að standa Alþjóðaskíðasambandið, Skíðasamband Íslands og skíðasvæðin á landinu og er fólki boðið að koma á skíði á svæðunum, fá kennslu, þiggja kakósopa og loks verður lukkupottur fyrir börn yngri en 12 ára.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.