Beint flug frá Akureyri til Portúgals í sumar
Í Portúgal hafa margir af fremstu snillingum golfsins slegið sín fyrstu högg og líka þeir sem eru skemmra komnir, en þar er fleira fyrir áhugamenn um útiveru, svo sem gönguferðir, siglingar, brimbrettaæfingar, köfun, fiskveiðar, svo fátt eitt sé nefnt. Börnin geta skemmt sér á sólarströndinni, við sundlaugina eða í vatnsrennibrautagörðunum. Í sumar verða íslenskir fararstjórar á vegum Úrvals Útsýnar í Portúgal og eru þeir til þjónustu reiðubúnir fyrir farþega meðan á dvöl þeirra stendur. Undir þeirra leiðsögn gefst farþegum kostur á spennandi skoðunarferðum fyrir alla aldurshópa.
Sólarstaðurinn Albufeira er borg í suðurhluta Portúgals. Íbúar borgarinnar eru rétt rúmlega 35,000 og búa þeir á 140 km² svæði. Í boði eru frábærir gististaðir í ýmsum verðflokkum, áhugaverðar skoðunarferðir eða bara sleikja sólina og flatmaga á ströndinni með góða bók. Portúgalskur matur er ljúffengur og spennandi, sérstaklega saltfiskréttirnir. Í Albufeira er úrval matsölustaða í öllum verðflokkum. Það er fátt betra en frí á sólarströnd, þar sem blátær sjórinn og himinninn renna saman í eitt. Óskafrí þar sem hægt er að hlaða batteríin og koma heim með orku fyrir veturinn.
Nánari upplýsingar um gististaði og verð er að finna á http://www.urvalutsyn.is/Sol/Portugal/
Úrval Útsýn á rætur sínar að rekja til frumkvöðla ferðaþjónustu á Íslandi og getur rakið sögu sína áratugi aftur í tímann. Úrval-Útsýn er í dag ein umsvifamesta ferðaskrifstofa landsins og er í eigu Ferðaskrifstofu Íslands ehf. sem á og rekur auk Úrvals-Útsýnar, ferðaskrifstofurnar Sumarferðir, Plúsferðir og Express ferðir.
Nýjast
-
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.