Barnshafandi kona dæmd í fangelsi fyrir brot gegn valdstjórninni
Héraðsdómur Norðurlands eystra á Akureyri
Kona á fertugsaldri var nýverið dæmd í héraðsdómi Norðurlands eystra í átta mánaða fangelsi fyrir brot gegn valdstjórninni.
Konunni var gefið að sök að hafa miðvikudaginn 28. desember á síðasta ári hótað tveimur lögreglumönnum og fjölskyldum þeirra auk þess að hafa gert tilraun til að sparka í annan þeirra. Hún hótaði lögreglumönnunum í íbúðarhúsi á Akureyri þar sem hún var handtekin og hélt áfram að hóta þeim þegar komið var á lögreglustöðina á Akureyri.
Konan hefur áður verið dæmd í 90 daga fangelsi skilorðsbundið til tveggja ára þann 13. desember 2016, fyrir brot gegn valdstjórninni. Hún rauf því skilorð og var fyrri dómurinn tekin upp og dæmdur með að þessu sinni. Þá hefur konan einnig verið dæmd tvíveigis fyrri ölvunarakstur, nytjastuld og fyrir að hafa ekið ökutæki svipt ökurétti.
Fyrir dómi 16. júní sl. játaði konan skýlaust brot sitt. Við ákvörðun refsingar var litið til þess að konan hafði áður gerst sek um sama brot og þótti refsing hæfileg 8 mánaða fangelsi. Við meðferð málsins fyrir dómi lagði verjandi konunnar fram vottorð Heilbrigðisstofnunar Norðurlands, sem dagsett er 14. júní 2017. Í vottorðinu kemur fram að konan sé nú þunguð af sínu sjötta barni og eigi von á sér um miðjan nóvember næstkomandi. Í vottorðinu segir einnig frá því að ákærða hafi mætt vel í hefðbundið meðgöngueftirlit og að þann 12. júní sl. hafi verið tekin þvagprufa fyrir fíkniefnum, og að sú prufa hafi verið „alveg hrein.“
Vegna aðstæðna konunnar var að áliti dómsins rétt að fresta fullnustu refsingar haldi konan skilorð í þrjú ár. Þá var frestun refsingar einnig bundin því að konan sæti sérstakri umsjón á skilorðstímanum. „Að öllu ofangreindu virtu, en einnig með hliðsjón af undanbragðalausri játningu ákærðu fyrir dómi, þá sérstaklega í ljósi áðurgreindra aðstæðum hennar, er að áliti dómsins rétt að fresta fullnustu refsingar hennar með skilyrðum. Skal refsing ákærðu þannig niður falla að liðnum þremur árum frá uppkvaðningu dóms að telja, haldi hún almenn skilorð 57. gr. almennra hegningarlaga nr. 19/1940, sbr. 4. gr. laga nr. 22/1995. Þá þykir einnig rétt, svo sem atvikum máls er háttað, að binda frestun fullnustunnar því skilyrði að ákærða sæti á skilorðstímanum sérstakri umsjón, sbr. 1. og 2. tl. 3. mgr. 57. gr. laga nr. 19/1940. Gert er ráð fyrir að Fangelsismálastofnun tilnefni þann aðila sem hafa skal með hendi umsjónina,“ segir í dómnum.
Þá var konan dæmd til að greiða verjanda sínum 194.990 krónur í málsvarnarlaun.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.