Bæjarfulltrúi gagnrýnir áhugaleysi á leikskólamálum
Ekki fá öll börn pláss á leikskóla næsta haust. Mynd/Þröstur Ernir
Bæjaryfirvöld á Akureyri draga lappirnar þegar kemur að dagvistunarúrræðum og sýna þarf meiri metnað og áhuga í málaflokknum. Leikskólakerfið eins og það er í dag er úrelt. Þetta segir Sóley Björk Stefánsdóttir oddviti Vinstri grænna í bæjarstjórn Akureyrar.
Sóley skrifar grein í Vikudegi sem kom út í gær ásamt Edward H. Huijbens þar sem þau gagnrýna að sum börn fái ekki leikskólapláss næsta haust. Fyrr í vetur fjallaði Vikudagur um óánægju foreldra vegna dagvistunarúrræða og settur var af stað undirskriftalisti þar sem skorað var á bæjaryfirvöld á Akureyri að fjölga leikskólaplássum og tryggja börnum frá að a.m.k. 18 mánaða aldri aðgang að leikskólaplássi í sveitarfélaginu.
Margir foreldrar komast ekki með börnin sín á leikskóla fyrr en um tveggja og hálfs árs aldur. Frá áramótum hefur myndast biðlisti eftir dagvistun hjá dagforeldrum. Þá var haft eftir fræðslustjóranum á Akureyri í Fréttablaðinu á dögunum að 40 börn komist ekki inn á leikskóla bæjarins næsta haust.
Sóley Björk segir í samtali við Vikudag að ástandið sé óviðunandi.
„Þetta er tvíþætt vandamál. Annars vegar er kerfið í dag ekki að virka. Það er óheppilegt fyrir foreldra ef barnið fæðist t.d. í apríl þegar kemur að leikskólaplássi og það er fáránleg staða. Hins vegar er um að ræða tímabundið ástand vegna lokunar leikskóla og fjölda aðfluttra barna sem gerir ástandið verra en stundum áður. Það er þó ekki mikill vilji til þess að bæta kerfið. Að mínu mati er kerfið í dag barn síns tíma og ástæða þess að ekki hefur verið tekið til óspilltra málana við að breyta því er sú að það er fólk, oftast nær konur, úti í bæ að bjarga málunum. Þetta er kerfislægt vandamál,“ segir Sóley.
Í þessu ljósi segir Sóley að það sé sérstaklega mikilvægt að konur séu viðloðandi bæjarmálin þar sem sjónarmið og áhugasvið séu ólík. „Staðreyndin er sú að oddvitar meirihlutans á Akureyri hafa oftar en ekki verið miðaldra karlmenn. Vissulega eru allir að gera sitt besta og vilja vel, en við erum hins vegar ólík og erum ekki sammála um forgangsröðun. Þegar öllu er á botninn hvolft þá er þetta spurning um hvernig við viljum forgangsraða og eins og staðan er í dag eru leikskólamál ekki ofarlega á lista.“
Sóley segir ennfremur að það sé mikilvægt að gefa bæjarbúum kost á því að koma að forgangsröðun á fjárreiðum bæjarins með bættu íbúalýðræði. „Við þurfum að heyra skoðanir fólks og taka mið af fjöldanum,“ segir Sóley, en í grein hennar og Edwards er minnt á að bærinn þurfi sárlega á ungu fjölskyldufólki að halda ef til dæmis er horft til fjölgunar bæjarbúa til framtíðar.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
