Árstekjur af 16 þúsund útlendum ferðamönnum um 1,5 milljarður
Akureyrarflugvöllur. Mynd: Hörður Geirsson.
Flugklasinn Air 66N stefnir á að koma á reglulegu millilandaflugi um Akureyrarflugvöll allt árið. Markmiðið er að fjölga ferðamönnum á öllu Norðurlandi og lengja dvöl þeirra. Verkefnið er sett upp til 5 ára og er miðað við að gerður verði þriggja ára samningur við flugfélag um reglulegt millilandaflug um Akureyrarflugvöll.
Framhaldsstofnfundur Air 66N fyrir hagsmunaaðila og þá sem hafa áhuga á að leggja málefninu lið var haldinn í Hofi nýlega. Þar fór Arnheiður Jóhannsdóttir verkefnisstjóri yfir helstu verkefni Air 66N, áætlanir um samstarf, kostnað við að koma á reglulegu millilandaflugi og fjármögnun. Sigrún Hlín Sigurðardóttir, þróunarstjóri markaðsmála innanlands hjá Ferðamálastofu fjallaði um vöruþróunarverkefni og gaf dæmi um árangursrík samstarfsverkefni. Guðný María Jóhannsdóttir hjá Isavia fór yfir mikilvægi samstarfs við flugfélög, samningsstöðu klasans og fjármál vegna samstarfsverkefna. Áhersla verður á ferðaþjónustu yfir vetrartímann og fór Ásbjörn Björgvinsson yfir árangur sem náðist á kynningarfundi um vetrarferðaþjónustu sem nýlega var haldinn í London. Þar lagði hann m.a. áherslu á að koma á samstarfi við breskar ferðaskrifstofur.
Arnheiður segir að verkefni Air 66N sé sett upp til 5 ára og er miðað við að gerður verði þriggja ára samningur við flugfélag um reglulegt millilandaflug um Akureyrarflugvöll. Flugið verði sett upp sem áætlun á ákveðnum tímabilum, frá 5 mánuðum fyrsta árið upp í 11 mánuði á ári. Air 66N mun taka þátt í áhættu flugfélagsins með niðurgreiðslum á farþega- og lendingargjöldum. Einnig verður þátttaka í markaðssetningu nýrrar flugleiðar.
Air 66N er rekið sem sjálfstætt verkefni innan Markaðsstofu ferðamála á Norðurlandi. Verkefnið er samstarfsverkefni fyrirtækja í ferðaþjónustu á Norðurlandi, fyrirtækja í útflutningi, sveitarfélaga, stofnana og annarra hagsmunaaðila. Þróaðir verða þjónustupakkar fyrir markhópa til sölu fyrir innlenda og erlenda ferðaheildsala sem samstarf verður við. Arnheiður segir að lögð verði áhersla á Breta, Dani og Þjóðverja. Stefna í kynningum miðar að því að kynna náttúru, sögu og menningu Norðurlands auk tækifæra í vetrarferðaþjónustu. Unnið verður með ímynd Norðurlands og upplifun ferðamanna um kyrrð, orku og töfra.
Ávinningurinn er mikill, sýnt hefur verið fram á að gistinóttum fjölgar um rúmlega 5 hjá þeim ferðamönnum sem lenda beint á Akureyrarflugvelli miðað við þá sem ferðast í gegnum Keflavík. Árstekjur af þeim 16.000 erlendu ferðamönnum sem áætlað er að fari um Akureyrarflugvöll 2015 ef áætlanir Air 66N ganga eftir eru áætlaðar um 1.500 milljónir króna og mun verkefnið skapa 95 heilsársstörf, segir Arnheiður.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.