Arngrímur Arnarson ráðinn safnstjóri Hvalasafnsins
Arngrímur hefur störf í mars. Mynd/Hvalasafnið á Húsavík.
Hvalasafnið á Húsavík hefur ráðið Arngrím Arnarson til að sinna starfi safnstjóra. Arngrímur, sem flestir þekkja sem Agga, er fæddur og uppalinn á Húsavík og býr þar ásamt fjölskyldu sinni. Hann er kerfisfræðingur að mennt, með framhaldsmenntun í margmiðlunarhönnun frá Danmörku. Aggi hefur víðtæka reynslu af nýsköpun, verkefnastjórnun, rekstri og stjórnun fyrirtækja og hefur lengi starfað í tengslum við ferðaþjónustu. Hann býr yfir yfirgripsmikilli þekkingu á miðlun upplýsinga og skapandi kynningarstarfi og hefur meðal annars hlotið íslensku vefverðlaunin. Þetta kemur fram í tilkynningu á vef Hvalasafnsins.
Þar segir að síðustu ár hafi Aggi starfað sem markaðs- og sölustjóri hjá Norðursiglingu, þar sem hann hefur unnið að fjölbreyttum verkefnum tengdum hvalaskoðun, gestaupplifun, fræðslu og skapandi miðlun. Í starfi sínu hefur hann átt náið samstarf við helstu hagaðila á sviði hafrannsókna, ferðaþjónustu og sjálfbærni — þar á meðal Hvalasafnið.
Aggi þekkir vel til Hvalasafnsins. Hann hefur í gegnum tíðina unnið að fjölmörgum samvinnuverkefnum með safninu, meðal annars gerð bæklinga og heimasíðu safnsins á upphafsárum þess, auk þess sem hann hefur aðstoðað við uppsetningu á viðburðum og sýningum í húsinu. Sterk persónuleg tenging hans við safnið og hvalamenningu svæðisins endurspeglast í áralangri þátttöku hans í fræðslu, menningarstarfi og hvalaskoðun á Skjálfanda.
„Það er mér mikill heiður að taka við starfi safnstjóra Hvalasafnsins á Húsavík. Ég hlakka til að vinna með öflugu teymi að áframhaldandi uppbyggingu og þróun safnsins, sem hefur verið frábær síðustu ár undir stjórn Evu.“
Með ráðningu Agga stefnir Hvalasafnið að því að efla enn frekar fræðslu, rannsóknatengda starfsemi og upplifun gesta, ásamt því að styrkja tengsl safnsins við nærsamfélagið. Aggi mun leggja áherslu á að safnið sé lifandi vettvangur sem sameinar fróðleik, upplifun og samstarf — og gegni sífellt mikilvægara hlutverki í samhengi sjálfbærrar ferðaþjónustu og þekkingar á hvölum og umhverfi þeirra, hafinu.
Aggi mun hefja störf í mars.
Nýjast
-
Arngrímur Arnarson ráðinn safnstjóri Hvalasafnsins
Aggi hefur í gegnum tíðina unnið að fjölmörgum samvinnuverkefnum með safninu, meðal annars gerð bæklinga og heimasíðu safnsins á upphafsárum þess, auk þess sem hann hefur aðstoðað við uppsetningu á viðburðum og sýningum í húsinu. -
Miklar framkvæmdir hafa staðið yfir í Glerárskóla síðustu ár og skólinn er nú orðinn hinn glæsilegasti
Fyrsti skólinn í Þorpinu var byggður í Bótinni árið 1908, í kjölfar fræðslulaganna 1907. Árið 1937 reis Árholt, austan núverandi skólahúsnæðis, þar sem skólahald var til 1972 þegar skólinn flutti í nýjan Glerárskóla, í húsnæðið sem í dag kallast A-álma. -
Mikil þörf fyrir fagmenntað fólk í veitingageiranum
Alls hófu sex nemendur nám í 2. bekk í matreiðslu í VMA nú um áramót. Þetta er fyrri áfanginn af tveimur í námi að loknu grunnnámi sem nemendur þurfa að ljúka til þess að fara í sveinspróf í matreiðslu. Framhaldið með 3. bekkinn ræðst af fjölda umsókna, en hann verður mögulega í boði á næstu haustönn eða vorönn að ári liðnu. -
Akureyri VG stillir upp framboðslista
Tillaga sem borin var upp á almennum félagsfundi hjá svæðisfélagi VG á Akureyri um að stilla upp framboðslista hreyfingarinnar fyrir sveitarstjórnarkosningar í vor var einróma samþykkt. -
Framsýn Félagsmenn fengu tæpar 170 milljónir í styrki
Á árinu 2025 voru 1414 styrkir greiddir úr sjúkrasjóði Framsýnar til félagsmanna. Samtals námu greiðslur vegna sjúkradagpeninga, annarra bóta og styrkja ríflega 134 milljónum króna, þar af voru sjúkradagpeningar rúmlega 91 milljón og aðrir styrkir s.s. sálfræðikostnaður félagsmanna og heilsurækt tæplega 43 milljónir króna. -
MýSköpun lýkur fjármögnun og stefnir á uppbyggingu á Þeistareykjum
Örþörungafyrirtækið MýSköpun ehf. hefur lokið 300 milljón króna fjármögnun vegna uppbyggingar örþörungaræktar á Þeistareykjum. Framtakssjóðurinn Landvættir slhf. á Akureyri verður nýr kjölfestufjárfestir félagsins og aðkoma sjóðsins gerir félaginu kleift að ljúka undirbúningi nýrrar hátækniframleiðslueiningar félagsins. MýSköpun stefnir að því að framleiða verðmæta örþörunga í sérhæfðu framleiðsluhúsnæði sem reist verður við jarðvarmavirkjun Landsvirkjunar á Þeistareykjum. Áætlað er að reisa um 10.000 m2 framleiðsluhúsnæði og stórauka framleiðslu í áföngum sem mun skapa tugi starfa á Norðausturlandi. Afurðir MýSköpunar verða að mestu seldar á erlenda markaði til notkunar í fæðubótarefni, en slíkir markaðir hafa verið í miklum vexti. -
Sparisjóðirnir og Símenntun Háskólans á Akureyri (SMAHA) sameinast um fræðslu fyrir eldri borgara í upplýsingaöryggi
Sparisjóðirnir og Símenntun Háskólans á Akureyri hafa tekið höndum saman um samfélagsverkefni sem miðar að því að fræða eldri borgara um upplýsingaöryggi. Markmiðið er að fræða um helstu hættur sem fylgja netinu og notkun snjalltækja á einfaldan og aðgengilegan hátt. -
Talsvert svifryk í bænum
Unnið er að rykbindingu en þó er hætt við að viðkvæmir einstaklingar geti fundið fyrir einkennum vegna mengunar. -
Eyjafjörður má ekki verða að næsta tilraunasvæði sjókvíaeldis
Undanfarin misseri hafa áform um sjókvíaeldi í Eyjafirði verið rædd af auknum þunga. Oft er bent á mögulega atvinnusköpun, en mun minna rætt um þá áhættu sem fylgir – sérstaklega fyrir náttúruna, villta fiskistofna og samfélagið sem lifir með firðinum.