Ánægja með lögreglustörf á Norðurlandi
„Mér finnst þetta mjög gott og sýna það að fólk ber traust til okkar þó eitthvað á móti blási af og til,” segir Ólafur Ásgeirsson, aðstoðaryfirlögregluþjónn hjá lögreglunni á Akureyri, um niðurstöður könnunar sem Capacent Gallup gerði fyrir ríkislögreglustjóra og náði yfir allt landið. Könnunin var gerð í apríl sl. og var birt fjölmiðlum í gær.
Þar kemur m.a. fram að um 33 prósent eru mjög ánægð með lögregluna á Norðurlandi og hennar störf en um 63 prósent töldu lögreglu skila nokkuð góðu starfi. Samtals voru 84 prósent mjög eða nokkuð ánægð með aðgengi að lögreglunni á Norðurlandi.
„Það er hvergi betra að vera lögregla en á Akureyri. Flestir bæjarbúar bera mikið traust til okkar og líta á okkur sem vini sína.” Ólafur segir niðurstöður könnunarinnar ekki hafa komið sér mikið á óvart nema fyrir þær sakir hversu neikvæð umræða hefur verið í garð lögreglunnar undanfarna mánuði. „Það hefur verið talað mikið niður til lögreglunnar og það er heldur neikvæð umræða og árangurinn er því mjög góður í ljósi þess. Fólkið í bænum er mjög hlynnt löggæslu og þeir vilja hafa sínar löggur og getað leitað til okkar. Ég hef alltaf fundið það að fólk ber traust til okkar en ég hélt samt að við myndum ekki skora svona hátt núna, þannig að það kemur mest á óvart og það er auðvitað mikill sigur fyrir okkur,” segir Ólafur Ásgeirsson.
Nýjast
-
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir.