Ánægður með að vera hluti af þessum hópi
Arnór Þór Gunnarsson í leik með TV Bittenfeld.
Akureyringurinn Arnór Þór Gunnarsson, leikmaður TV Bittenfeld í Þýskalandi, stendur í ströngu þessa dagana með landsliðinu sem undirbýr sig af kappi fyrir lokakeppni Evrópumótsins í handknattleik sem fram fer í Serbíu síðar í mánuðinum. Arnór, sem er 24 ára, hefur verið viðriðinn hópinn undanfarin misseri og verið með liðinu á æfingamótum. Hann hefur hins vegar aldrei spilað með liðinu á stórmóti. Arnór er ekki í 18 manna hópnum sem fer á æfingamót til Danmerkur í dag og við það minnkuðu möguleikar hans töluvert, en eru þó ekki alveg úr sögunni. Guðmundur Þ. Guðmundsson landsliðsþjálfari mun tilkynna 16 manna lokahóp skömmu fyrir mót. Arnór var á leiðinni á morgunæfingu með landsliðinu í vikunni þegar Vikudagur heyrði í honum hljóðið.
Það er fín stemmning í hópnum og menn eru að komast í gírinn. Það væri auðvitað frábært að komast á stórmót og það þýðir ekkert annað en að hafa trú á þeim hlutum sem maður er að gera hverju sinni, sagði hann. Arnór leikur með TV Bittenfeld í 2. deildinni í Þýskalandi og er á sínu öðru ári með liðinu. Hann lék með Val hér heima áður en hann hélt út og segist hafa verið fljótur að aðlagast þýska handboltanum.
Það tók nokkra leiki að komast inn í hraðann sem liðið er að spila. Þetta er aðeins öðruvísi hérna en Þýskaland er algjörlega staðurinn þar sem ég vil spila og mér líkar svakalega vel þarna úti," segir Arnór.
Nánar er rætt við Arnór um landsliðið og dvölina í Þýskalandi í Vikudegi sem kom út í dag.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.