Álögð fasteignagjöld rúmir 2,2 milljarðar króna
Akureyrarbær hefur lokið álagningu fasteignagjalda fyrir árið 20012. Heildarálögð gjöld á bæjarbúa á árinu nema rúmum 2,2 milljörðum króna, á móti rúmlega 2,1 milljörðum á árinu 2011 og nemur hækkunin 7,23%. Afsláttur til tekjulítilla elli- og örorkulífeyrisþega hefur þó aukist á milli ára, eða úr tæpum 12 milljónum króna í 21 milljón króna. Að sögn Dans Brynjarssonar fjáramálastjóra Akureyrarbæjar hefur sú breyting verið gerð nú að álagningarseðlar, þar sem álagningin kemur fram, er nú birt á vefnum island.is. Þar geta bæjarbúar skráð sig inn eftir sérstökum leiðbeiningum, líkt og þeir gera t.d. varðandi skattframtalið. Álagningarseðlar eru því ekki sendir út á pappír líkt og áður og segir Dan að það þýði sparnað fyrir samfélagið. Við munum þó áfram senda út álagningarseðla til íbúa 67 ára og eldri og einnig til fyrirtækja og stofnana.
Dan segir að fasteignamat bæjarbúa hafi verið birt sl. sumar, sem tók gildi nú um áramótin og er það líka að finna á vefnum island.is eins og reyndar margt annað. Dan segir að álagningarprósenta fasteignarskatts, lóðarleigu og fráveitugjalds sé óbreytt á milli ára. Hins vegar hafi mat á fasteignum hækkað, sem þýði auknar tekjur fyrir bæjarsjóð, auk þess sem íbúðum hafi fjölgað í bænum. Vatnsskattur hækkaði miðað við neysluverðsvísitölu, eða um rúm 5% og sorphirðugjald hækkaði úr 22.000 krónum á íbúð í 23.100 krónur, eða um 5%. Líkt og undanfarin ár eru gjalddagar fasteignagjalda alls átta á árinu, frá febrúar til september.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.