Akureyri í bikarúrslit í 2. flokki í handbolta
Strákarnir í 2. flokki í handboltaliði Akureyrar voru nú rétt í þessu að tryggja sér sæti í bikarúrslitum 2. flokks með öruggum sigri á Selfossi í Íþróttahúsi Síðuskóla. ,,Þetta hefur mikla þýðingu fyrir okkur og er eitthvað sem við höfum stefnt að alveg síðan í sumar. Nú ætlum við að hefna ófaranna gegn HK sem við töpuðum fyrir í fyrra í úrslitum og það er óhætt að segja að þar verði barist til síðasta manns að þessu sinni," sagði kátur þjálfari Akureyrar, Geir Kristinn Aðalsteinsson eftir leik.
Fyrri hálfleikur var jafn lengst um og staðan 15-14 Selfyssingum í vil í hálfleik. Akureyrarstrákarnir voru að spila undir getu í fyrri hálfleiknum, ragir í sókninni og óákveðnir í vörninni.
Í seinni hálfleik var allt annað uppi á teningnum, þeir strákar sem átt hafa fast sæti í meistaraflokki félagsins stigu upp og tóku leikinn hreinlega í sýnar hendur fyrir heimamenn. Skyttan Anton Rúnarsson og hornamennirnir Heiðar Aðalsteinsson og Oddur Gretarsson áttu hreinlega stórleik, þó sérstaklega þeir tveir fyrstnefndu sem voru hreinlega óstöðvandi í seinni hálfleik.
Ekki skyldi gleyma frábærri innkomu Siguróla Magna Sigurðssonar í mark Akureyrarliðsins þegar stutt var liðið af seinni hálfleik, en hann varði eflaust um 60 % þeirra skota sem á hann komu.
Heimamenn hreinlega völtuðu yfir gestina í seinni hálfleiknum og höfðu þegar best lét átta marka forystu en leikurinn endaði með sjö marka sigri Akureyrar 37-30.
,,Fyrri og seinni hálfleikur voru eins og svart og hvítt hjá okkur, fyrri hálfleikurinn frekar slakur en sá seinni var sennilega besti hálfleikurinn okkar í vetur og það gekk allt upp," sagði Geir Kristinn. Aðspurður um framtíð þessara stráka sagði hann: ,,við erum með stórefnilegt lið í höndunum hér og ég sé flesta þessara stráka taka við í meistaraflokk eftir nokkur ár. Við eigum líka frábæran 3. flokk í báðum félögum og efnilega stráka í 4. flokki líka. Sé einhverstaðar björt framtíð á Íslandi í handbolta þá er hún svo sannarlega hér á Akureyri."
Mörk Akureyrar: Anton Rúnarsson 11, Heiðar Þór Aðalsteinsson 9, Oddur Gretarsson 6, Hlynur Matthíasson 4, Bjarni Jónasson 3, Ágúst Stefánsson 1, Halldór Logi Árnason 1, Jón Þór Sigurðsson 1, Atli Ingólfsson 1.
Akureyri mætir HK í úrslitaleik 1. mars nk.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.