Akureyrarbær fundar með forsvarsmönnum SÁÁ
Að óbreyttu mun göngudeild SÁÁ á Akureyri loka.
Akureyrarbær mun funda með forsvarsmönnum SÁÁ í bæjarráði á fimmtudaginn kemur þann 1. febrúar. Þar verður farið yfir stöðuna en eins og greint var frá í síðustu viku mun SÁÁ loka göngudeildinni á Akureyri á þessu ári að óbreyttu vegna niðurskurðar.
Guðmundur Baldvin Guðmundsson, formaður bæjarráðs Akureyrar, segir í skriflegu svari til Vikudags að Akureyrarbær hafi skrifað undir samning við SÁÁ í desember sl. sem gildir út árið 2018. Þar var m.a. kveðið á um að aðilar myndu vinna að því í sameiningu á samningstímanum að tryggja rekstur göngudeildarinnar til framtíðar.
„Við höfum vitað af erfiðleikum í rekstri SÁÁ en þessi ákvörðun kemur okkur í opna skjöldu,“ segir Guðmundur Baldvin. Hann segir Akureyrarbæ hafa lagt til fjármagn með starfseminni um árabil og hafi þannig stutt við þessa starfsemi.
Spurður segir Guðmundur Baldvin að á þessum tímapunkti hafi engin ákvörðun verið tekin um aukið framlag.
„Við höfum þrýst á, í gegn um árin, að hluti af fjárframlögum ríkisins til SÁÁ sé eyrnarmerktur þeirri starfsemi sem hér er rekin þannig að menn byrji ekki á því að skera af þessa mikilvægu þjónustu sem veitt er á landsbyggðinni um leið og rekstur þyngist á suðvesturhorninu. Við höfum þegar vakið athygli þingmanna á þessari stöðu og ég er fullur bjartsýni á að þegar allir leggjast á eitt takist okkur að tryggja þessa mikilvægu þjónustu hér til framtíðar,“ segir Guðmundur Baldvin.
Rúv greindi frá því að kostnaður við rekstur göngudeildar SÁÁ á Akureyri sé 17 milljónir á ári. Göngudeild SÁÁ hefur verið starfrækt á Akureyri frá 1993 og veitt ráðgjöf og greiningu fyrir áfengis- og vímuefnasjúklinga á Norðurlandi. Þá hefur fólk með spilafíkn einnig fengið aðstoð þar. Í fyrra voru um 1.200 komur á göngudeildina, þar af 350 viðtöl við ráðgjafa. Flestir koma þangað að lokinni meðferð á Vogi eða í Vík, segir í frétt Rúv.
Nýjast
-
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00