Áhyggjur af auknum fjölda fólks sem glímir við kvíða og áhyggjur
Stefnt er að því að fulltrúar Akureyrarbæjar taki að sér að boða til sérstaks fundar um málefnið með það fyrir augum að kortleggja úrræði og samhæfa. Fundarfólk greindi frá stöðunni í þeim málaflokkum og starfsemi sem það er fulltrúar fyrir. Almennt virðist staða mála lítið hafa breyst frá því fyrir áramót.
- Hjá Heilsugæslustöð og búsetudeild er horft fram á vaxandi álag m.a. vegna samdráttar annars staðar.
- Aukning varð á fjárhagsaðstoð bæjarins á síðasta ári. Nýlega var gerð breyting á framfærslugrunni sveitarfélagsins og grunnupphæðin hækkuð.
- Í leik- og grunnskólum er reynt að draga eins lítið úr þjónustu við börn og hægt er. Foreldrar finna helst fyrir því að forföllum kennara er ekki mætt eins mikið og áður. Áherslan við gerð fjárhagsáætlunar bæjarins var sú að verja velferðar- og skólamál eins og mögulegt var.
- Í MA var áhersla lögð á að skera ekki niður þjónustu námsráðgjafa. Ekki hefur orðið vart við aukna ásókn í styrki úr sérstökum nemendasjóði.
- Vinnumálastofnun heldur áfram átaki til að koma ungu fólki sem er án atvinnu í virkni. Í skoðun er að Ungmenna-Húsið í Rósenborg taki að sér hlutverk athafnaseturs í samstarfi við Vinnumálastofnun og fleiri. Einnig liggur fyrir að beina sjónum sérstaklega að ungu fólki sem gengur illa að fóta sig í þeim tilboðum sem þeim standa til boða.
- Stéttarfélögin finna fyrir auknum fyrirspurnum félagsfólks um réttindi sín. Í byggingariðnaði er enn eitthvað um verkefni og atvinnuleysi í þeirri grein er minna en áður. Það skýrist að hluta af því að margir hafa horfið úr greininni í störf erlendis eða snúið sér að ólíkum verkefnum.
Atvinnuleysi nú er minna en á sama tíma í fyrra. Á Akureyri eru alls 845 manns á atvinnuleysisskrá, þar af 26%
í hlutastörfum eða minnkuðu starfshlutfalli sem er mun hærra hlutfall en á landsvísu. Konur án atvinnu eru 336 og karlar 506. Fjölgað hefur
á skrá frá því í desember en það skýrist af árstíðabundinni sveiflu. Á Norðurlandi eystra eru 35% þeirra
sem eru skráðir án atvinnu skilgreindir sem langtíma atvinnulausir þ.e. hafa verið án vinnu í 6 mánuði eða lengur. Upplýsingar
frá lögreglunni voru kynntar fyrir fundarfólki og þar kom fram að lögreglan mæti ástandið á Akureyri þannig að það
sé nokkuð rólegt og hafi lítið breyst frá því fyrir hrun. Umræða varð um fyrirkomulag og samstarf þeirra aðila sem veita
fólki neyðaraðstoð á Akureyri. Stefnt er að því að koma á fundi með fulltrúum viðkomandi hjálparstofnana þar sem
ræða á um samstarf, segir í fundargerð almannaheillanefndar.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
