Áhersla á vetrarflug til að jafna árstíðasveiflur
Voigt Travel/Transavia er með nokkur flug á áætlun, tvisvar í viku fram til 10. Mars.
„Farþegarnir sem koma hingað að vetri eru að leita að ævintýrum og náttúru yfir vetrartímann. Þeir sækja hingað til að sjá norðurljósin, prófa böðin okkar og fara í jeppaferðir, sleðaferðir, hundasleða, heimsækja söfn og sýningar og gönguferðir svo eitthvað sé nefnt,“ segir Arnheiður Jóhannsdóttir framkvæmdastjóri Markaðsstofu Norðurlands. . „Við leggjum mesta áherslu á vetrarflugin, en þannig getum við lagfært árstíðarsveiflu sem við búum enn þá við hér á svæðinu.“
Arnheiður segir margt fram undan í ferðaþjónustu norðan heiða. Auk þess sem flug á vegum heimafélagsins Niceair sé í boði eru þrjú erlend flugfélög með beint flug á Akureyrarflugvöll í ár og segir hún meira fram undan í þeim efnum
Fyrsta vetrarflug Voigt Travel/Transavia var í liðinni viku frá Amsterdam. Félagið er með 9 flug á áætlun, tvisvar í viku fram til 10. mars. Voigt Travel hefur flogið beint til Akureyrar yfir vetrartímann frá árinu 2019 og þá frá Amsterdam, en í sumar býður félagið að auki upp á flug frá Rotterdam. Alls verða 13 flug þaðan í sumar, á tímabilinu frá júní til ágúst.
Í ár er von á 6-700 flugferðum um Akureyrarflugvöll sem koma í beinu flugi frá 8 til 10 áfangastöðum Gera má ráð fyrir að farþegar sem komi beint til Akureyrar verði á bilinu 40 til 50 þúsund talsins.
Condor og Niceair verða með áætlunarflug og Voigt og Edelweiss eru með tímabundin leiguflug. Condor hefur boðað 24 flug frá miðjum maí og fram í lok október og er flogið frá Frankfurt. Edelweiss flýgur frá Zurich, alls 7 flug í júlí og ágúst.
Nánast allir ánægðir með heimsókn á Norðurland
Farþegar sem koma yfir veturinn eru margir í skipulögðum ferðum og segir hún ferðaskipuleggjendur á svæðinu mjög vana því að sinna farþegum í hvaða veðri sem er, „og breyta áætlunum eftir þörfum til að tryggja góða upplifun gestanna.“ Þó farþegar lendi á Akureyri og ferðist um svæðið í kring fari sumir hverjir í lengri ferðir, jafnvel um Austurland og Suðurland.
„Þessi fjöldi sem kemur í beinu flugi er mikil lyftistöng fyrir svæðið hérna og kallar á mikinn undirbúning og skipulag,“ segir Arnheiður. Mikil vinna sé hafin við vöruþróun og markaðssetningu fyrir allt það svæði sem hefur ávinning af beinu flugi, alveg frá Hrútafirði og austur á land. „Samstarf fyrirtækjanna skiptir öllu máli í uppbyggingu á nýjum áfangastað og hefur það sýnt sig að þannig náum við bestum árangri fyrir svæðið og fyrir gestina okkar en 97% þeirra fara héðan ánægðir með heimsóknina á Norðurland.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.