Áhersla á aukinn kaupmátt í komandi kjaraviðræðum
Björn segir að um 1.500 manns hafi tekið þátt í vinnu vegna undirbúnings fyrir komandi kjaraviðræður, en félagið hefur nú sent sínar kröfur til Starfsgreinasambandsins en þar á bæ er verið að safna saman kröfum stéttarfélaganna. Björn telur að í kringum 10. nóvember næstkomandi verði kröfur tilbúnar og endanlega frá þeim gengið. „Menn ætla að vanda undirbúning og fara sér hægt í þessum efnum. Það er alveg ljóst að það er á brattann að sækja víða, ástandið er miserfitt eftir starfsgreinum," segir Björn. Sumar greinar standi ágætlega og hafi meira bolmagn en aðrar.
Björn segir að félagið krefjist aukins kaupmáttar og að samið verði um kauphækkanir í krónutölu. Þá sé mikilvægt að lægstu taxtar hækki umfram önnur laun. Eins vill félagið að ríkið hækki skattleysismörk og skattprósenta á laun undir 250 þúsund krónum lækki. „Aðaláherslan er sú að kaupmáttur aukist, það skiptir ekki endilega máli hvað krónurnar eru margar heldur hvað fæst fyrir hverja krónu. Ég er hæfilega bjartsýnn, enda hef ég þá trú að ef við stöndum saman næst árangur," segir Björn.
Úlfhildur segir að félagið hafi efnt til kjaraþings i september síðastliðinum þar sem línur voru lagðar og kröfur þess hafi verið sendar til Landssambands íslenskra verslunarmanna sem fer með samningsumboð fyrir hönd FVSA. Hún segir að mikil áhersla sé lögð á að auka kaupmátt í kröfugerð félagsins og eins sé mikilvægt að lægstu laun hækki. Það sé algjörlega út í hött að lægstu laun séu svipuð og atvinnuleysisbætur. Á kjaraþingi félagsins í liðnum mánuði kom einnig skýrt fram sterk óánægja félagsmanna með það óréttlæti sem ríkir varðandi lífeyrisréttindi og þann mismun sem er á milli starfsmanna á almennum vinnumarkaði og opinberum. Lífeyrisréttindi hinna fyrrnefndu hafa verið skert umtalsvert, en ríkið tryggi rétt sinna starfsmanna. „Þetta finnst fólki hróplegt óréttlæti," segir Úlfhildur.
Þá nefnir hún að menn hafi miklar áhyggjur af atvinnuleysi innan félagsins, en alltof hátt hlutfall verslunar- og skrifstofufólks sé án atvinnu. „Atvinnuleysi innan okkar raða er því miður vaxandi og engin teikn á lofti um að breyting verði til batnaðar strax. Það er erfiðir tímar og margir eru komnir í þrot, það er því ekki hægt að segja að bjart sé framundan," segir Úlfhildur.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.