Afmælismerki Akureyrarkaupstaðar formlega kynnt
Í tilefni af 150 ára afmæli Akureyrarkaupstaðar á næsta ári, var efnt til hönnunarsamkeppni á vegum Akureyrarbæjar í samstarfi við Myndlistarskólann á Akureyri nú í haust og verkefnið lagt fyrir 22 nemendur, á fyrsta, öðru og þriðja ári, við listhönnunardeild skólans. Fyrir valinu varð merki Sigrúnar Bjargar Aradóttur, nemanda á þriðja ári en merkin í hönnunarsamkeppninni voru kynnt eftir hádegi í dag. Fyrir utan heiðurinn fékk Sigrún 150.000 krónur í sigurlaun.
Sigrún var að vonum ánægð með niðurstöðu dómnefndar. Hún sagði að vinna við merkið hafi tekið þó nokkurn tíma. Eins og sennilega flestir aðrir var ég búin að gera mörg slæm merki áður en þetta kom. En þetta var ótrúlega gaman og það er mjög mikill heiður fyrir mig að eiga þetta afmælismerki, sagði Sigrún Björg. Að mati dómnefndar uppfyllir merki Sigrúnar allar kröfur sem gerðar eru til tækifærismerkis sem þessa. Þannig býður uppbygging merkisins upp á ólíkar birtingarmyndir, t.d. í smækkaðri framsetningu á minjagripum. Í greinargerð sem fylgir vinningstillögunni segir hönnuðurinn m.a.: Merkið er byggt á merki Akureyrarkaupstaðar með tilvísun í örninn. Það er álit dómnefndar að þessi tilvísun gangi fyllilega upp. "Sumpart leitar höfundurinn fanga í fortíðinni sem núverandi byggðamerki byggir á og um leið er framsetningin framsækin og í takt við núið. Myndmál merkisins er sterkt og tengingin við Akureyri skýr; áberandi form í merkinu eru vængir arnarins sem teygjast til himins en eru um leið umfaðmandi. Með því að rjúfa merkið í nokkur form, þá myndar bilið á milli þeirra töluna 150. Þetta gerir að verkum að merkið stendur vel fyrir sínu án stuðnings af letri, sem sannarlega er styrkur.
Dómnefndina skipuðu: Pétur Bolli Jóhannesson, skipulags- og byggingarfulltrúi Akureyrarbæjar, Bryndís Óskarsdóttir, grafískur hönnuður, Guðrún Harpa Örvarsdóttir, formaður Myndlistarfélagsins á Akureyri, Helgi Vilberg, skólastjóri Myndlistaskólans á Akureyri, Arnfríður Arnardóttir, myndlistarmaður og kennari og Þórhallur Kristjánsson, grafískur hönnuður.
Hér má sjá afmælismerkið og önnur merki sem bárust í samkeppnina. Pétur Bolla formann dómnefndar og Sigrúnu Björgu sigurvegara í samkeppninni.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.