99% ánægð með stuðningsþjónustu Akureyrarbæjar
Niðurstöður þjónustukönnunar sem velferðarsvið Akureyrarbæjar lét framkvæma meðal eldri borgara á Akureyri sem nýta stuðningsþjónustu bæjarins eru afar jákvæðar Mynd akureyri.is
Niðurstöður þjónustukönnunar sem velferðarsvið Akureyrarbæjar lét framkvæma meðal eldri borgara á Akureyri sem nýta stuðningsþjónustu Akureyrarbæjar eru afar jákvæðar. Þátttaka var góð, eða um 70%, en tæplega 60% þeirra sem svöruðu voru 80 ára eða eldri. Markmið könnunarinnar var að fá fram upplifun og viðhorf notenda til þjónustunnar og kanna hvort hún mætti þörfum og væntingum þeirra.
Frá þessu segir á vef Akureyrarbæjar.
Ákveðið var að ráðast í könnunina í kjölfar Gallup-könnunar þar sem ánægja með þjónustu við eldri borgara á Akureyri mældist ekki ásættanleg. Þótti mikilvægt að afla frekari upplýsinga beint frá notendum þjónustunnar og fá skýrari mynd af því hvað væri að ganga vel og hvort einhverjir þættir kölluðu á frekari skoðun eða úrbætur.
Alls sögðust 98% þátttakenda hafa gagn af stuðningnum og 99% sögðu stuðninginn bæta lífsgæði sín. Þá upplifðu 99% vingjarnlegt viðmót starfsfólks og 98% sögðust upplifa að á þau væri hlustað. Þegar á heildina er litið sögðust 99% vera ánægð með stuðningsþjónustuna, og þar af mældust 83% mjög ánægð.
79% vilja helst búa heima
Þá var spurt hvar fólk myndi helst vilja búa ef færni þess versnaði. Niðurstöðurnar sýna að 79% myndu vilja búa áfram heima með viðeigandi stuðningi, en 21% myndu frekar vilja flytja á hjúkrunarheimili.
Könnunin tók jafnframt til félagslegrar stöðu eldri borgara, með sérstakri áherslu á einmanaleika og félagslega einangrun. Um 27% þátttakenda sögðust upplifa félagslega einangrun. Þær upplýsingar geta verið mikilvægar við áframhaldandi skipulagningu og þróun þjónustu og úrræða sem stuðla að félagslegri virkni, þátttöku og auknum lífsgæðum eldri borgara.
Nýjast
-
Sprellmótið — áratuga gömul hefð sem sameinar HA-inga
Búningar, þrautir, hæfileikakeppni og heilbrigður keppnisandi einkenna Sprellmótið, einn stærsta viðburð skólaársins hjá Stúdentafélagi Háskólans á Akureyri (SHA). Á bak við sprellið býr þó enn meira. Viðburðurinn á sér áratuga sögu við HA og hefur mikilvægu hlutverki að gegna við að tengja stúdenta saman og styrkja námssamfélagið. -
99% ánægð með stuðningsþjónustu Akureyrarbæjar
Niðurstöður þjónustukönnunar sem velferðarsvið Akureyrarbæjar lét framkvæma meðal eldri borgara á Akureyri sem nýta stuðningsþjónustu Akureyrarbæjar eru afar jákvæðar. Þátttaka var góð, eða um 70%, en tæplega 60% þeirra sem svöruðu voru 80 ára eða eldri. Markmið könnunarinnar var að fá fram upplifun og viðhorf notenda til þjónustunnar og kanna hvort hún mætti þörfum og væntingum þeirra. -
Vill styrkja getu þyrlusveitar Landhelgisgæslunnar.
Njáll Trausti Friðbertsson, þingmaður Sjálfstæðisflokksins, segir stuðning við tillögu um fasta starfsstöð björgunarþyrlu Landhelgisgæslu Íslands á Akureyri fara vaxandi. Hann greinir frá þessu í færslu á Facebook-síðu sinni, Í gær 3. október 2026 var tillaga mín til þingsályktunar um fasta starfsstöð þyrlu Landhelgisgæslu Íslands á Akureyri útbýtt sem þingskjali á Alþingi. Tillagan er nú lögð fram í fimmta sinn og málið hefur þróast og styrkst með hverju árinu sem líður. Fleiri þingmenn hafa bæst í hóp þeirra sem styðja málið og skilningur á mikilvægi þess hefur aukist í samfélaginu. -
Lokaorðið - Gamla góða Ísland
Fyrir síðari heimsstyrjöld var Ísland eitt fátækasta ríki Evrópu. Fólk bjó við allt aðrar aðstæður og kjör en við þekkjum í dag. Í dag er Ísland meðal ríkustu þjóða heims. Í alþjóðlegum samanburði þegar hagsæld og almenn lífsgæði þjóða eru borin saman er Ísland iðulega í efstu sætum, ásamt hinum Norrænu ríkjunum. Þetta eru samfélög sem þekkt eru fyrir mikil lífsgæði, jafnrétti, hagsæld og öflugt velferðarkerfi. -
Fallið frá áformum um fjölbýlishús við Hvannavelli 10
Fyrirtækið Vesturkantur ehf. hefur óskað eftir breytingu á deiliskipulagi Hvannavalla 10-12 og 14 sem snýr að lóð Hvannavalla 10. Þar var fyrirhugað að byggja fjölbýlishús. Á lóðinni er nú hús sem áður fyrr hýsi starfsemi Hjálpræðishersins. -
Janus-heilsueflingin byrjar af krafti í Þingeyjarsveit
Um 40–45 manns hafa skráð sig til þátttöku og aðsóknin hefur verið svo góð að tví- og þrískipta hefur þurft æfingahópunum. Gunnhildur Hinriksdóttir, verkefnastjóri æskulýðs-, tómstunda- og menningarmála hjá Þingeyjarsveit og umsjónaraðili Janus-verkefnisins fyrir hönd sveitarfélagsins, segir þátttökuna hafa farið fram úr væntingum. -
Mildum höggið
Við í Framsókn styðjum markmiðið um hallalaus fjárlög, en það má ekki vera sama hvað það kostar. Fjárlögin þurfa að byggjast á raunhæfum forsendum og meta þarf hvað leiðin að hallalausum ríkisrekstri þýðir fyrir fjölskyldur í landinu. -
Við þráum öruggt heimili - Bréf frá Rafa
Vefnum barst fyrir skömmu skilaboð frá konu sem býr í Rafa á Gaza, Doaà Youssef, hún er gift þriggja barna móðir. Skrif hennar eru hér fyrir neðan. Til allra á Íslandi sem heyra rödd okkar – vinsamlegast hlustið á okkur. Við erum fimm manna fjölskylda – móðir, faðir og þrjú börn. Við búum í litlu tjaldi sem er allt of þröngt fyrir okkur, en þrátt fyrir það reynum við að gera það að skjóli sem geti verndað börnin okkar og veitt þeim örlitla tilfinningu fyrir öryggi. -
Styrktarbingó fyrir almannaheillafélagið Vonarbrú
Styrktarbingó fyrir almannaheillafélagið Vonarbrú verður haldið æa morgun sunnudaginn 4. október kl. 14 í Safnaðarheimili Akureyrarkirkju.
