Hafnasamlag Norðurlands býður út byggingu nýs verkstæðis

Hafnasamlag Norðurlands hefur auglýst eftir tilboðum í byggingu nýs verkstæðis
Hafnasamlag Norðurlands hefur auglýst eftir tilboðum í byggingu nýs verkstæðis

Hafnasamlag Norðurlands hefur auglýst eftir tilboðum í byggingu nýs verkstæðis. Um er að ræða stálgrindarhús með milligólfi sem verður klætt samlokueiningum.

Verkið felur í sér fullnaðarfrágang hússins, en raflögn verður þó aðeins að hluta til innifalin í framkvæmdinni.

Samkvæmt útboðsgögnum er gert ráð fyrir að verktími hefjist við undirritun samnings og ljúki eigi síðar en 4. janúar 2028.

Útboðsgögn verða afhent rafrænt á útboðsvef Akureyrarbæjar frá og með deginum í dag.

Áhugasamir bjóðendur geta nálgast gögnin með því að sækja um þau í þjónustugátt Akureyrarbæjar. Gögnin verða aðgengileg sjálfvirkt í gáttinni að lokinni umsókn og verða ekki send sérstaklega til bjóðenda.

Nýjast