123. þáttur 27. mars 2014
Málrugl og misskilningur
Í Morgunblaðinu 19. mars 2014 var að finna eftirfarandi fyrirsögn: Verri staða en menn vonuðust til. Eðlilegra hefði verið að segja: Verri staða en menn óttuðust eða Verri staða en menn bjuggust við - enda segir orðtakið: Vona það besta, búast við því versta.
Fyrirsögnin minnir á frétt í Ríkitúvarpinu um miðja síðustu öld. Ungur fréttamaður á Fréttastofu gamla Ríkisútvarpsins, Stefán Jónsson, síðar rithöfundur og alþingismaður, skrifaði frétt sem hljóðaði einhvern veginn á þennan hátt: Farþegavél bandaríska flugfélagsins Pan American World Airways hrapaði í sjóinn vestur af Írlandi í morgun. Þess er vænst að allir hafi farist. Jón Magnússon fréttastjóri, málvís og athugull, sagði við fréttamanninn unga: Heldurðu, Stefán, að væri ekki betra að segja: Óttast er að allir hafi farist? Stefán Jónsson féllst á það, því að auk þess að vera einkar skemmtilegur samstarfsmaður var hann námfús og gerhugull og að lokum orðvís - af því að hann vildi læra.
Auður Eiríksdóttir hjúkrunarfræðingur frá Kristnesi sendi þættinum skemmtileg dæmi um undarlegt orðalag úr sjúkraskýrslum. Hér koma nokkur dæmi: Á öðrum degi var hnéð betra og á þriðja degi var það alveg horfið. Sjúklingi batnar ef lagst er ofan á hann. Sjúklingur fær verki í bringuna ef hún liggur á vinstri hliðinni lengur en eitt ár. Það sem fyllti mælirinn var þvagleki.
Stundum gerir fólk sér það til gamans að setja saman málrugl, sjálfum sér og öðrum til skemmtunar. Dæmi um þetta er: *Það er ekki hundur í hettunni, sbr. : Það er ekki hundrað í hættunni. *Allt fór afsíðis sem gat farið afsíðis, sbr. Allt fór úrskeiðis sem gat farið úrskeiðis. *Þegar ein báran rís er önnur stök, sbr. Sjaldan er ein báran stök. *Hún sat eftir með súrt eplið, sbr. Sitja eftir með sárt ennið og Þykja súrt í broti. *Hann vissi ekki í hvort skrefið hann ætti að stíga. sbr. Vita ekki í hvorn fótinn á að stíga.
Valgeir S. Kárason á Sauðárkróki skrifaði þættinum og sagði sér þætti hvimleitt þegar menn tali um snjósleða en eigi við vélsleða, samanber fyrirsögn í Vikudegi 4. mars s.l.: Tjón af völdum snjósleða.
Samkvæmt ritmálssafni Orðabókar Háskóla Íslands kemur orðið snjósleði fyrst fyrir í Árbók Þingeyinga árið 1967 þar sem segir: Tveir snjósleðar komu í dalinn, reyndust þeir hin þörfustu verkfæri við fjárleitir. Orðið vélsleði kemur hins vegar fyrst fyrir í prentuðu máli í Morgunblaðinu 16. janúar 1914. Þar stendur: Hvor vélsleði getur flutt 2000 pund. Þarna var verið að lýsa ferð Sir Ernest Henry Shackleton til Suðurskautsins árið 1914. Orðið vélsleði kemur síðan ekki fyrir í rituðu máli fyrr en í Náttúrufræðingnum árið 1951 sem skrifar: Síðar er ætlunin að reisa vistlegan skála í Esjufjöllum og hafa þar snjóbíla eða vélsleða til ferða um Vatnajökul. Ástæða er til að taka undir orð Valgeirs S. Kárasonar að orðið vélsleði lýsir betur þessu faratæki sem á öðrum Evrópumálum heitir snowscooter.
Tryggvi Gíslason
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.