„Game of Thrones“ langoftast nefnd sem áhrifavaldur
Mynd/Hac.is
Út er komin skýrsla með niðurstöðum spurningakönnunar sem Þekkingarnet Þingeyinga framkvæmdi meðal erlendra ferðamanna sumarið 2024 í Mývatnssveit. Hún varpar ljósi á ferðavenjur, upplifun og helstu áhrifavalda í ferðavali gesta. Niðurstöðurnar sýna að svæðið heldur áfram að laða að sér fjölbreyttan hóp gesta hvaðanæva að úr heiminum og að náttúran er enn í aðalhlutverki. Greint er frá þessu á heimasíðu Þekkingarnetsins.
Sérstaklega voru skoðuð áhrif kvikmynda og sjónvarpsefnis á ferðaval gesta en niðurstöðurnar sýna að kvikmyndir og sjónvarpsefni geta haft áhrif þó þau séu mismikil eftir þjóðerni og áhugasviði. Um 28% þátttakenda sögðust einhvern tímann hafa valið áfangastað út frá kvikmynd eða sjónvarpsþætti og 23% voru sammála því að slíkt efni hefði áhrif á val þeirra almennt. Þegar spurt var sérstaklega um Mývatnssveit sögðust þó aðeins 8% hafa orðið fyrir áhrifum af kvikmynda- eða sjónvarpsefni við ákvörðun um að heimsækja svæðið.
„Game of Thrones“ var langoftast nefnd sem áhrifavaldur, enda voru atriði úr þáttunum tekin upp í Mývatnssveit. Einnig komu fram heimildamyndir og Eurovision-myndin sem tekin var á Húsavík. Þeir sem urðu fyrir áhrifum nefndu helst náttúrufegurð, ævintýri og sögulega tengingu í myndum og þáttum sem helstu áhrifaþætti. Þetta bendir til þess að kvikmyndatengd markaðssetning geti haft áhrif á ákveðna hópa ferðamanna og styrkt ímynd svæðisins enn frekar sem áfangastaðar.
Þessar niðurstöður og fleiri má finna í útgefinni skýrslu á heimasíðu Þekkingarnetsins.
Nýjast
-
„Game of Thrones“ langoftast nefnd sem áhrifavaldur
Út er komin skýrsla með niðurstöðum spurningakönnunar sem Þekkingarnet Þingeyinga framkvæmdi meðal erlendra ferðamanna sumarið 2024 í Mývatnssveit -
Nýju tröppurnar við Árgil hafa verið opnaðar
Frumhönnun var unnin af Faglausn ehf., vinnuteikningar voru höndum Verkís hf. og Trésmiðjan Rein ehf. sá á um byggingu og uppsetningu -
Akureyri iðar af lífi alla verslunarmannahelgina
Fjölskylduhátíðin Ein með öllu verður haldin á Akureyri um verslunarmannahelgina, dagana 31. júlí til 3. ágúst. -
Helguskúr verður rifinn - hvað gerist þegar átan fer?
Kristín Helgadóttir og Helgi Benediktsson skrifa -
Mærudagar á Húsavík 2025 – Bæjarhátíðin sem sameinar samfélagið hefst núna um helgina!
Nú um helgina hefjast Mærudagar, árleg og rótgróin bæjarhátíð Húsvíkinga, þar sem gleði, litadýrð og samfélagsandi ráða ríkjum -
Gamall draumur föðurins að rætast
Feðgar sigldu skútu sinni frá Skotlandi til Húsavíkur til fundar við ættingja -
Viðræður um rekstur eða yfirtöku á veitum
Hörgársveit sendi stjórn Norðurorku erindi um málið síðastliðið sumar og hafa viðræður verið í gangi síðan. -
Hverjir eru að niðurgreiða fyrir hverja?
Grýtubakkahreppur vill samræmda gjaldskrá hituveitu hjá Norðurorku -
Hákarl gladdi hvalaskoðendur í Eyjafirði
Farþegar um borð fengu heldur betur upplifun á dögunum þegar stærðarinnar sjávarskepna heilsaði upp á farþega
