Smáhýsi fyrir fólk með fjölþættan vanda sett upp í Baldursnesi í mars
Húsin verða staðsett á þremur svæðum á Akureyri, við Baldursnes, Síðubraut og Hlíðarfjallsveg
Stefnt er að því að fyrstu smáhýsin fyrir fólk með fjölþættan vanda verði sett upp við Baldursnes í mars.
Verkefnið er unnið í samstarfi við félagsþjónustu Akureyrarbæjar og byggir á hugmyndafræðinni „Húsnæði fyrst“, þar sem markmiðið er að veita heimilislausum einstaklingum öruggt og varanlegt húsnæði án annarra skilyrða en vilja til að eignast heimili.
Húsin verða staðsett á þremur svæðum á Akureyri, við Baldursnes, Síðubraut og Hlíðarfjallsveg, þar sem gert er ráð fyrir snyrtilegum frágangi lóða með stígum og gróðri svo svæðin fái heimilislega ásýnd. Verkefnið verður unnið í áföngum og húsin tekin í notkun stig af stigi á árunum 2026 og 2027.
Húsin eru ætluð einstaklingum sem búa við heimilisleysi og fjölbreyttar áskoranir sem geta haft áhrif á heilsu og lífsaðstæður. Félagslegur stuðningur verður veittur samhliða eftir þörfum hvers og eins. Lögð er áhersla á að húsnæðið sé heilnæmt, öruggt og mannsæmandi og að íbúar geti verið stoltir af heimili sínu, auk þess sem hönnunin miðar að því að húsin falli vel að bæjarmyndinni. Um er að ræða stúdíóíbúðir með einföldu og aðgengilegu skipulagi. Hvert hús hefur einnig afmarkað útisvæði eða verönd sem veitir næði og öryggistilfinningu.
Að loknu opnu útboði var samið við Verklausn ehf. sem annast hönnun og uppbyggingu húsanna, ásamt Esju arkitektum. Framkvæmdir hófust í nóvember 2025. Smíði húsanna fer fram í húsnæði Verklausnar á Skagaströnd, þar sem byggt er í einingum innandyra óháð veðri.
Nýjast
-
Enginn titill
Meiri hluti íbúa á Akureyri telur að stöðu lýðheilsutengdra þátta í góðu horfi í bænum. . Um 57% telja sveitarfélagið styðja sig vel við að lifa heilsusamlegu lífi og tæplega 40% telja það vera meira heilsueflandi en önnur sveitarfélög. -
Smáhýsi fyrir fólk með fjölþættan vanda sett upp í Baldursnesi í mars
Stefnt er að því að fyrstu smáhýsin fyrir fólk með fjölþættan vanda verði sett upp við Baldursnes í mars. -
Stofnaði fyrirtæki í 8. bekk
Aldur er afstæður þegar kemur að því að stofna og reka fyrirtæki. Flestir fara í fyrirtækjarekstur að loknu námi en það er þó hreint ekki algilt. Dæmi um hið gagnstæða er Gunnar Þór Sigurðarson, nemandi í húsasmíði í VMA. Hann stofnaði fyrirtæki um garðsláttarþjónustu þegar hann var í 8. bekk grunnskóla og garðslátturinn hefur verið hans sumaratvinna síðan og raunar er vertíðin lengur en bara rétt yfir sumarið því hann býður upp á runnaklippingar á haustin og snemma á vorin. Þó að vetrarveðrin séu enn válynd styttist því óðum í vertíðina hjá Gunnari Þór. -
Íslensk orkufyrirtæki senda búnað til Úkraínu
Landsnet, Norðurorka og Veitur í samvinnu við utanríkisráðuneytið hafa tekið höndum saman til að styðja við endurreisn og rekstur raforkukerfa í Úkraínu. Á næstu dögum munu fara út gámar með rafbúnaði sem munu nýtast við rekstur og viðgerðir raforkukerfa sem hafa orðið fyrir miklum skemmdum í árásum Rússa í stríðinu. -
Allar götur í Hrísey verði vistgötur árið 2030
Hverfisráð Hríseyjar hefur óskað eftir því að vinna hefjist við að gera götur í þéttbýli í Hrísey að vistgötum. -
Breyting á verðskrá veggjalda í Vaðlaheiðargöng
Ný verðskrá veggjalda í Vaðlaheiðargöngum tekur gildi 2. mars 2026. Um er að ræða almenna 4% hækkun gjaldskrár. Árs- og mánaðaráskriftir hækka hins vegar ekki og haldast óbreyttar. -
Fráflæðisvandi
Ég horfði á Kastljós og hlustaði á forstjóra Landsspítalans. Og enn og aftur flýgur orðið sem er farið að fara illilega í mínar fínustu: -
Örtröð á Akureyrarflugvelli
Sjaldan eða aldrei hafa jafn margar farþegaþotur verið saman komnar á Akureyrarflugvelli eins og nú er. Ástæað er sú að Keflavikurflugvellur er lokaður vegna óveðurs sem skall á eins og hendi væri veifað nú laust eftir kl 15. -
Ný rannsókn sýnir mun á notkun myndgreiningar hjá unglingum í áverkateymum fullorðinna og barna
Bergþór Steinn Jónsson bráðalæknir og barnabráðalæknir á SAk birti nýlega grein ásamt meðhöfundum frá Mayo Clinic og Children's Minnesota í vísindaritinu Pediatric Emergency Care. Rannsóknin bendir til þess að læknar í áverkateymum fyrir fullorðna noti tölvusneiðmyndir mun oftar en barnateymi þegar þeir sinna unglingum með áverka, þrátt fyrir sambærilegan alvarleika áverkanna.
