Fráflæðisvandi
Ásta F. Flosadóttir skrifar
Ég horfði á Kastljós og hlustaði á forstjóra Landsspítalans. Og enn og aftur flýgur orðið sem er farið að fara illilega í mínar fínustu:
Fráflæðisvandi.
Rúmlega 120 rúm teppt af gamalmennum sem stífla eðlilegt flæði sjúklinga milli deilda á spítalanum. Það er aumt að vera allsstaðar fyrir. Aumt er að vera orðinn fráflæðisvandi spítalans, samfélagsins. Allar þær sístarfandi hendur, tilheyrandi fólkinu sem vann og spann og byggði upp þjóðfélagið sem við búum í. Nú skjálfandi, máttlitlar, lasnar. Og allsstaðar fyrir.
Fráflæðisvandi. Orðið er til þess fallið að steypa hópinn saman í eitt stykki andlitslaust vandamál. Það er bara þægilegra. Draga athyglina frá því hversu illa þjóðfélagið hefur brugðist sínum elstu þegnum. Bestu þegnum. Laun stritsins, langra vinnudaga og andvökunótta; að vera orðinn hluti vanda. Fráflæðisvanda.
En þetta er ekki bara á Lansanum, þetta vandamál. Fráflæðisvandinn er líka á SAk. Og fyrir mér er hann ekki vandi og fyrir mér er hann ekki andlitslaus. Hann er að verða 97 ára og hefur hingað til ekki slitið gólfdúkum heilbrigðisstofnanna. Fengi hann einhverju um ráðið væri hann enn að brasa eitthvað heima. Og eins er það með alla hina, þetta fólk er ekki vandi og þetta fólk er ekki andlitslaust. Fráflæðisvandinn eru afar og ömmur, mæður og feður, langafar og langömmur. Ástvinir. Fjölskylda.
Fólk sem á skilið virðingu rétt eins og annað fólk. Fjórar vikur og hann bíður eftir plássi heima í sveit og biðstofan er skurðdeild SAk, af því lyfjadeildin er yfirfull.
ÞAÐ er vandi.
Nýjast
-
Fráflæðisvandi
Ég horfði á Kastljós og hlustaði á forstjóra Landsspítalans. Og enn og aftur flýgur orðið sem er farið að fara illilega í mínar fínustu: -
Örtröð á Akureyrarflugvelli
Sjaldan eða aldrei hafa jafn margar farþegaþotur verið saman komnar á Akureyrarflugvelli eins og nú er. Ástæað er sú að Keflavikurflugvellur er lokaður vegna óveðurs sem skall á eins og hendi væri veifað nú laust eftir kl 15. -
Ný rannsókn sýnir mun á notkun myndgreiningar hjá unglingum í áverkateymum fullorðinna og barna
Bergþór Steinn Jónsson bráðalæknir og barnabráðalæknir á SAk birti nýlega grein ásamt meðhöfundum frá Mayo Clinic og Children's Minnesota í vísindaritinu Pediatric Emergency Care. Rannsóknin bendir til þess að læknar í áverkateymum fyrir fullorðna noti tölvusneiðmyndir mun oftar en barnateymi þegar þeir sinna unglingum með áverka, þrátt fyrir sambærilegan alvarleika áverkanna. -
Birtingur frumsýndur í Samkomuhúsinu
Leikverkið Birtingur verður frumsýnt hjá Leikfélagi Akureyrar í kvöld, fimmtudagskvöldið 26. febrúar. -
Samfélag sem velur framþróun yfir stöðnun
Benóný Valur Jakobsson skrifar -
Skólastarf Akureyrarbæjar styrkt með farteymi sérfræðinga
Í leik- og grunnskólum hjá Akureyrarbæ starfar öflugt fagfólk sem daglega vinnur gríðarlega mikilvægt starf með börnum og fjölskyldum þeirra. Á undanförnum árum hefur þó orðið sífellt skýrara að sum mál eru svo flókin og krefjandi að hefðbundin úrræði skóla og skólaþjónustu duga ekki alltaf til. Þegar svo er þarf að bregðast við með markvissum og samstilltum hætti. -
Fish & Chips Lake Mývatn valinn besti fisk og franskar staður utan Bretlands
Veitingastaðurinn Fish & Chips Lake Mývatn hefur verið valinn besti fisk- og franskar staður í heiminum utan Bretlands. Staðurinn bar sigur úr býtum í flokki alþjóðlegra rekstraraðila á hinum virtu National Fish and Chip Awards, sem haldin voru í London í gær. -
Samstarfssamningur Háskólans á Akureyri og Drift EA endurnýjaður
Áslaug rektor segir að samvinnan hafi þróast á skemmtilegan hátt, „það hefur verið gaman að fylgjast með aukningu í þátttöku starfsfólks og stúdenta í umræðu um nýsköpun við HA og á þeim frumkvöðlavettvöngum sem í boði eru. Þá hefur nýsköpunastjóri aukið upplýsingagjöf og framboð af viðburðum hvað varðar nýsköpun og frumkvöðlaumhverfið sem hefur komið sér afar vel. Ég hlakka til áframhaldandi samstarfs og þeirra verkefna sem myndast í samstarfinu" -
SAk - Ný þjónusta á Rannsóknastofu í lífeðlisfræði fyrir fólk sem þarf að nota kæfisvefnsvél
Vilji Ragnarsson, líftæknifræðingur, er kominn er til starfa á SAk og mun þjónusta þá sem þurfa að nota kæfisvefnsvél. Hans helsta hlutverk er að sjá um innstillingar á nýjum kæfisvefnsvélum, grímumátun og annað eftirlit. Hann mun starfa í nánu samstarfi við Svefnrannsóknardeild LSH.
