Ný rannsókn sýnir mun á notkun myndgreiningar hjá unglingum í áverkateymum fullorðinna og barna
Bergþór Steinn Jónsson bráðalæknir og barnabráðalæknir á SAk
Bergþór Steinn Jónsson bráðalæknir og barnabráðalæknir á SAk birti nýlega grein ásamt meðhöfundum frá Mayo Clinic og Children's Minnesota í vísindaritinu Pediatric Emergency Care. Rannsóknin bendir til þess að læknar í áverkateymum fyrir fullorðna noti tölvusneiðmyndir mun oftar en barnateymi þegar þeir sinna unglingum með áverka, þrátt fyrir sambærilegan alvarleika áverkanna.
Rannsóknin skoðaði gögn frá stóru sjúkrahúsi í Bandaríkjunum sem sinnir greiningu og meðferð slasaðra fullorðinna og barna. Gögn frá árunum 2015 til 2019 voru skoðuð, þar sem bornir voru saman sjúklingar á aldrinum 12–14 ára sem fengu meðferð hjá barnateymi og 15–17 ára sjúklingar hjá teymi fullorðinna.
Niðurstöður sýndu að tölvusneiðmyndir af öllum líkamanum (höfuð, háls, brjósthol og kviðarhol) voru framkvæmdar í 64% tilfella hjá teymi fullorðinna þegar sjúklingar komu beint af vettvangi slyss, en aðeins í 12% tilfella hjá barnateyminu. Einnig voru sneiðmyndir af einstökum líkamssvæðum oftar framkvæmdar hjá teymi fullorðinna. Enginn marktækur munur fannst hins vegar á alvarleika áverkanna eða legutíma sjúklinganna. Fjöldi áverka þar sem töf varð á greiningu var svipaður og ekki fundust nein tilfelli áverka sem fóru ógreindir vegna þess að tölvusneiðmynd hafi ekki verið framkvæmd.
Rannsakendur benda á að óþarfa myndgreining geti aukið geislunaráhættu, sérstaklega hjá börnum og unglingum, auk þess að auka kostnað og álag á heilbrigðiskerfið. Á sama tíma geti of lítil notkun rannsókna leitt til þess að alvarlegir áverkar greinist seint.
Niðurstöðurnar benda því til að mismunandi nálgun í meðferð unglinga eftir því hvort þeir lenda hjá áverkateymi barna eða fullorðinna geti haft áhrif á hversu mikið er notast við myndgreiningu, án þess að það virðist hafa áhrif á klínískar útkomur sjúklinga.
Þessar niðurstöður sýna okkur að meira er ekki alltaf betra þegar kemur að notkun myndgreiningar sem felur í sér geislun hjá börnum og ungu fólki. Uppvinnsla ætti að ráðast af ástandi hvers sjúklingsins og þannig mætti í mörgum tilvikum koma í veg fyrir óþarfa rannsóknir án þess að það bitni á öryggi sjúklinganna,“ segir Bergþór Steinn Jónsson bráðalæknir og barnabráðalæknir á SAk.
Rannsóknina má lesa hér: Comparison of Diagnostic Imaging Patterns Between Pediatric and Adult Trained Physicians in Adolescent Trauma Activations
sak.is sagði fyrst frá
Nýjast
-
Ný rannsókn sýnir mun á notkun myndgreiningar hjá unglingum í áverkateymum fullorðinna og barna
Bergþór Steinn Jónsson bráðalæknir og barnabráðalæknir á SAk birti nýlega grein ásamt meðhöfundum frá Mayo Clinic og Children's Minnesota í vísindaritinu Pediatric Emergency Care. Rannsóknin bendir til þess að læknar í áverkateymum fyrir fullorðna noti tölvusneiðmyndir mun oftar en barnateymi þegar þeir sinna unglingum með áverka, þrátt fyrir sambærilegan alvarleika áverkanna. -
Birtingur frumsýndur í Samkomuhúsinu
Leikverkið Birtingur verður frumsýnt hjá Leikfélagi Akureyrar í kvöld, fimmtudagskvöldið 26. febrúar. -
Samfélag sem velur framþróun yfir stöðnun
Benóný Valur Jakobsson skrifar -
Skólastarf Akureyrarbæjar styrkt með farteymi sérfræðinga
Í leik- og grunnskólum hjá Akureyrarbæ starfar öflugt fagfólk sem daglega vinnur gríðarlega mikilvægt starf með börnum og fjölskyldum þeirra. Á undanförnum árum hefur þó orðið sífellt skýrara að sum mál eru svo flókin og krefjandi að hefðbundin úrræði skóla og skólaþjónustu duga ekki alltaf til. Þegar svo er þarf að bregðast við með markvissum og samstilltum hætti. -
Fish & Chips Lake Mývatn valinn besti fisk og franskar staður utan Bretlands
Veitingastaðurinn Fish & Chips Lake Mývatn hefur verið valinn besti fisk- og franskar staður í heiminum utan Bretlands. Staðurinn bar sigur úr býtum í flokki alþjóðlegra rekstraraðila á hinum virtu National Fish and Chip Awards, sem haldin voru í London í gær. -
Samstarfssamningur Háskólans á Akureyri og Drift EA endurnýjaður
Áslaug rektor segir að samvinnan hafi þróast á skemmtilegan hátt, „það hefur verið gaman að fylgjast með aukningu í þátttöku starfsfólks og stúdenta í umræðu um nýsköpun við HA og á þeim frumkvöðlavettvöngum sem í boði eru. Þá hefur nýsköpunastjóri aukið upplýsingagjöf og framboð af viðburðum hvað varðar nýsköpun og frumkvöðlaumhverfið sem hefur komið sér afar vel. Ég hlakka til áframhaldandi samstarfs og þeirra verkefna sem myndast í samstarfinu" -
SAk - Ný þjónusta á Rannsóknastofu í lífeðlisfræði fyrir fólk sem þarf að nota kæfisvefnsvél
Vilji Ragnarsson, líftæknifræðingur, er kominn er til starfa á SAk og mun þjónusta þá sem þurfa að nota kæfisvefnsvél. Hans helsta hlutverk er að sjá um innstillingar á nýjum kæfisvefnsvélum, grímumátun og annað eftirlit. Hann mun starfa í nánu samstarfi við Svefnrannsóknardeild LSH. -
Virkari húsnæðismarkaður á Akureyri en á höfuðborgarsvæðinu
Ný húsnæðisáætlun Akureyrarbæjar gerir ráð fyrir áframhaldandi íbúafjölgun og mikilli íbúðaþörf til næstu tíu ára. Húsnæðismarkaðurinn á Akureyri hefur verið virkari en á höfuðborgarsvæðinu þrátt fyrir að aðgengi fyrstu kaupenda hafi verið minna -
Framboðslisti Sjálfstæðisflokksins á Akureyri við sveitarstjórnarkosningar lagður fram
Tillaga kjörnefndar að skipan framboðslista Sjálfstæðisflokksins á Akureyri við sveitarstjórnarkosningar 16. maí nk. var samþykkt á aðalfundi fulltrúaráðs flokksins sem fram fór í gærkvöldi.
