Birtingur frumsýndur í Samkomuhúsinu
Birtingur eftir Voltaire verður frumsýnt hjá Leikfélagi Akureyrar í kvöld
Leikverkið Birtingur verður frumsýnt hjá Leikfélagi Akureyrar í kvöld, fimmtudagskvöldið 26. febrúar.
Birtíngur, ungur, óspilltur sakleysingi sem gerður er brottrækur frá bernskuslóðum sínum vegna ástar á hinni æðislegu Kúnígúnd, þvælist um heiminn og lendir í jarðskjálftum, stríðum, hýðingum, þrældómi og því skelfingaróhappi að stinga menn á hol. Þrátt fyrir þetta allt reynir hann að tileinka sér þá lífsspeki kennara síns, Altúngu, að allt sé í besta lagi.
Birtingur, eftir Voltaire er ein frægasta háðsádeila sögunnar um stríð, ofbeldi, misskiptingu og óréttlæti heimsins. Hér er líka fjallað um fegurð, hjátrú, valdníðslu og harðstjórn með nístandi svörtum húmor. Allt til að komast að þeirri einföldu niðurstöðu að maður verði að rækta garðinn sinn.
Hér leiða saman hesta sína Bergur Þór Ingólfsson leikstjóri, sem hefur leikstýrt stórsýningum eins og Mary Poppins, Billy Elliot og Bláa hnettinum, og Þorvaldur Bjarni Þorvaldsson tónskáld, sem þekktur er meðal annars fyrir tónlist sína í Ávaxtakörfunni, Benedikt búálfi, Gosa og hljómsveitinni Todmobile, ásamt glæsilegum leikhópi Leikfélags Akureyrar.
Leikarar eru Hjalti Rúnar Jónsson, Hólmfríður Hafliðadóttir, Níels Thibaud Girerd, Sólveig Guðmundsdóttir, Urður Bergsdóttir
Nýjast
-
Ný rannsókn sýnir mun á notkun myndgreiningar hjá unglingum í áverkateymum fullorðinna og barna
Bergþór Steinn Jónsson bráðalæknir og barnabráðalæknir á SAk birti nýlega grein ásamt meðhöfundum frá Mayo Clinic og Children's Minnesota í vísindaritinu Pediatric Emergency Care. Rannsóknin bendir til þess að læknar í áverkateymum fyrir fullorðna noti tölvusneiðmyndir mun oftar en barnateymi þegar þeir sinna unglingum með áverka, þrátt fyrir sambærilegan alvarleika áverkanna. -
Birtingur frumsýndur í Samkomuhúsinu
Leikverkið Birtingur verður frumsýnt hjá Leikfélagi Akureyrar í kvöld, fimmtudagskvöldið 26. febrúar. -
Samfélag sem velur framþróun yfir stöðnun
Benóný Valur Jakobsson skrifar -
Skólastarf Akureyrarbæjar styrkt með farteymi sérfræðinga
Í leik- og grunnskólum hjá Akureyrarbæ starfar öflugt fagfólk sem daglega vinnur gríðarlega mikilvægt starf með börnum og fjölskyldum þeirra. Á undanförnum árum hefur þó orðið sífellt skýrara að sum mál eru svo flókin og krefjandi að hefðbundin úrræði skóla og skólaþjónustu duga ekki alltaf til. Þegar svo er þarf að bregðast við með markvissum og samstilltum hætti. -
Fish & Chips Lake Mývatn valinn besti fisk og franskar staður utan Bretlands
Veitingastaðurinn Fish & Chips Lake Mývatn hefur verið valinn besti fisk- og franskar staður í heiminum utan Bretlands. Staðurinn bar sigur úr býtum í flokki alþjóðlegra rekstraraðila á hinum virtu National Fish and Chip Awards, sem haldin voru í London í gær. -
Samstarfssamningur Háskólans á Akureyri og Drift EA endurnýjaður
Áslaug rektor segir að samvinnan hafi þróast á skemmtilegan hátt, „það hefur verið gaman að fylgjast með aukningu í þátttöku starfsfólks og stúdenta í umræðu um nýsköpun við HA og á þeim frumkvöðlavettvöngum sem í boði eru. Þá hefur nýsköpunastjóri aukið upplýsingagjöf og framboð af viðburðum hvað varðar nýsköpun og frumkvöðlaumhverfið sem hefur komið sér afar vel. Ég hlakka til áframhaldandi samstarfs og þeirra verkefna sem myndast í samstarfinu" -
SAk - Ný þjónusta á Rannsóknastofu í lífeðlisfræði fyrir fólk sem þarf að nota kæfisvefnsvél
Vilji Ragnarsson, líftæknifræðingur, er kominn er til starfa á SAk og mun þjónusta þá sem þurfa að nota kæfisvefnsvél. Hans helsta hlutverk er að sjá um innstillingar á nýjum kæfisvefnsvélum, grímumátun og annað eftirlit. Hann mun starfa í nánu samstarfi við Svefnrannsóknardeild LSH. -
Virkari húsnæðismarkaður á Akureyri en á höfuðborgarsvæðinu
Ný húsnæðisáætlun Akureyrarbæjar gerir ráð fyrir áframhaldandi íbúafjölgun og mikilli íbúðaþörf til næstu tíu ára. Húsnæðismarkaðurinn á Akureyri hefur verið virkari en á höfuðborgarsvæðinu þrátt fyrir að aðgengi fyrstu kaupenda hafi verið minna -
Framboðslisti Sjálfstæðisflokksins á Akureyri við sveitarstjórnarkosningar lagður fram
Tillaga kjörnefndar að skipan framboðslista Sjálfstæðisflokksins á Akureyri við sveitarstjórnarkosningar 16. maí nk. var samþykkt á aðalfundi fulltrúaráðs flokksins sem fram fór í gærkvöldi.
