Húsavík í sviðsljósinu á ný: Heimabær allra í heimi
Húsavík er á ný orðinn kvikmyndabær og fór að taka á sig mynd sem slíkur nú í morgunsárið. Eins og Vikublaðið greindi frá í gær verður söngatriði í tengslum við Óskarstilnefningu lagsins Husavik – My Home Town úr myndinni Eurovision Song Contest: The Story of Fire Saga, tekið upp á höfninni á Húsavík í dag og kvöld. Atriðið verður síðan flutt á Óskarsverðlaunaafhendingunni sem fram fer aðfararnótt 26. apríl að íslenskum tíma; í Hollywood og sjónvarpað um allan heim.
Sjá einnig: Húsavískur stúlknakór syngur á Óskarsverðlaunahátíðinni
Blaðamaður Vikublaðsins var á bryggjunni í morgun og hitti þar starfsfólk í tengslum við framleiðsluna sem var í óða önn við að undirbúa tökur. Að sögn starfsfólksins fer settið að taka á sig mynd nú um hádegið og að tökur myndu hefjast þegar líður á daginn. Þær fara síðan að miklu leiti fram í ljósaskiptunum.
Gríðarlega stórt verkefni
Það er engum blöðum um það að fletta að Húsavík fær gríðarlega landkynningu í tengslum við atriðið ofan á alla þá athygli sem bærinn hefur fengið allt frá því að Netflix myndin var tekin upp.
SJÁ EINNIG: NÝTT „ÓSKARINN HEIM“ MYNDBAND KOMIÐ Í LOFTIÐ
Kristján Þór Magnússon sveitarstjóri Norðurþings lýsti atburðarásinni í aðdraganda þess að verkefnið komst á laggirnar sem ótrúlegri, í samtali við Vikublaðið.
„Í tengslum við gerð „Óskarinn heim“ myndbandanna hafa komist á tengsl við bæði fólk innan Netflix og lagahöfunda lagsins. ÞAð hafa verið mjög góð samskipti í þó nokkurn tíma. Þannig að tengingarnar voru komnar þegar það kom í ljós að Molly gæti ekki flutt lagið með hefðbundnum hætti vegna sóttvarnareglna. Lagahöfundarnir vildu þá strax fljúga Molly Sandén til Húsavíkur og gera þetta hér. Sú atburðarás hófst bara fyrir þremur dögum“ segir hann og bætir við að lagahöfundar hafi frá upphafi lýst yfir ósk sinni um að heimsækja Húsavík við fyrsta tækifæri; og þá með Ósakarsstyttuna í farteskinu ef þeir vinna hana.
Það er ljóst að verkefnið er gríðarlega stórt. Kvikmyndaframleiðsla af þessari stærðargráðu er yfirleitt í fleiri vikur í undirbúningi. Kristján segir að grettistaki hafi verið lyft við að gera þetta á svo stuttum tíma og tekur fram að Örlygur Hnefill Örlygsson eigi mikinn heiður skilið fyrir hans framlag. Örlygur hefur verið í forsvari fyrir „Óskarinn heim“ herferðina og komið á mikilvægum tengingum. Án þeirra væri þetta verkefni líklega ekki að raungerast. Kristján segir jafnframt að aðkoma kvikmyndafyrirtækisins True North sé afar miklivæg en fyrirtækið sér um framleiðslu myndbandsins í samtarfi við Netflix og Örlyg. „Það var mikið gæfuspor að fá True North inn í verkefnið. Þar er fagmennska í fyrirrúmi. Þeim lánaðist strax að koma atburðarásinni í réttan farveg m.a. með tilliti til sóttvarna.“ Molly Sandén, skilaði neikvæðu COVID-prófi áður en hún lagði af stað til til Íslands og aftur við komuna til landsins. Allir sem starfa á tökustað fara einnig í sýnatökur. Molly og aðstandendur myndbandsins sem komu til landsins fóru í svokallaða B-sóttkví eins og aðrir sem starfa að kvikmyndaverkefnum.
Lyftir stemningunni í bænum
Kristján dregur heldur ekkert úr þeim áhrifum sem verkefni af þessu tagi hefur fyrir samfélagið, bæði fjárhagslegan en alls ekki síður félagslegan. „Það leynir sér ekki að þetta er að lyfta upp allri stemningu í bænum,“ segir Kristján. Þar hefur hann lög að mæla og eru Húsavíkingar oðnir mjög spenntir fyrir Óskarsverðlaunaafhendingunni. Búið er að mála rauðan dregill á aðalgötu bæjarins en hún verður skreytt frekar á mánudag áður en dregillinn verður opnaður með formlegum hætti.
SJÁ EINNIG: RAUÐI DREGILLINN KOMINN Á MALBIKIÐ
„Okkur er í lófa lagt að spila vel út þessu og fylgja þessu vel eftir,“ segir Kristján og bendir m.a. á að Heimabakarí muni baka Óskarskökur og að reikna megi með því að sjá alls konar tilboð á veitingastöðum bæjarins í tengslum við hátíðina. „Svo má ekki gleyma því að þetta er heilmikið ævintýri fyrir börnin sem fá að taka þátt í þessu.“
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir