Húsvískur stúlknakór syngur á Óskarsverðlaunahátíðinni
Óskarsverðlaunaævintýri Húsavíkur hefur náð nýjum hæðum en eins og lesendur ættu að hafa heyrt er lagið Husavik – My Home Town úr myndinni Eurovision Song Contest: The Story of Fire Saga tilnefnt til Óskarsverðlauna.
Venja er að lögin sem tilnefnd eru til verðlaunanna séu flutt á sviði á hátíðinni sjálfri sem fram fer aðfararnótt mánudagsins 26. apríl nk. að íslenskum tíma. Óvenjuleg atburðarás fór hins vegar af stað fyrir fáeinum dögum vegna hertra Covid-reglna vestan hafs. Söngkonan sænska; Molly Sandén fékk ekki tímabundið atvinnuleyfi í Bandaríkjunum og getur því ekki flutt lagið á sviði eins og til stóð.
Sú hugmynd vaknaði því að flutningur lagsins yrði tekinn upp á Húsavík og myndbandið sýnt á Óskarsverðlaunaafhendingunni.
Kvikmyndafyrirtækið True North framleiðir myndbandið í samstarfi við Netflix og Örlyg Hnefil Örlygsson sem hefur gert garðinn frægan með kynningarmyndböndum fyrir lagið.
Molly Sandén flaug frá Svíþjóð í dag, föstudag með einkaþotu og lenti á Akureyri. Hún fór í sýnatöku sem kom neikvæð út áður en hún ferðaðist til landsins og ný sýnataka fór fram þegar hún lenti á Akureyri.
Tökulið frá True North er komið til Húsavíkur en leikstjórn verður í höndum Egils Arnar Egilssonar sem gengur undir nafninu Eagle Egilsson. Hann er þrautreyndur leikstjóri sem starfað hefur um árabil í Bandaríkjunum og meðal annars leikstýrt fjölda CSI spennuþátta sem nutu mikilla vinsælda fyrir nokkrum árum.
„Þessi atburðarrás hófst fyrir þremur dögum þegar þessi hugmynd var borin upp og síðan hefur allt verið sett á fullt,“ segir Kristján Þór Magnússon, sveitarstjóri Norðurþings í samtali við Vikublaðið og bætir við að hann sé afar ánægður með framvinduna. Hann bendir á að hluti af myndbandinu verði flugeldasýning sem hafi þurft að fá undanþáguleyfi fyrir. Húsavíkingar geti því orðið varir við flugelda frá klukkan 15 á morgun, laugardag og eitthvað fram eftir kvöldi. Tökur fara fram á Hafnarsvæðinu á Húsavík.
Húsvískur stúlkankór syngur í myndbandinu
Ekki er öll sagan sögð því alls 17 stúlkur, 10-11 ára úr 5. bekk Borgarhólsskóla á Húsavík hafa verið valdar til að syngja með Molly í atriðinu. Ekki á hverjum degi sem húsvískur stúlknakór syngur á Óskarsverðlaunahátíðinni sem sjónvarpað er beint um allan heim.
„Ég er bara hoppandi af gleði,“ sagði Ásta Magnúsdóttir í samtali við Vikublaðið en hún er kórstjóri stúlknakórsins. „Ég meina; þetta er Óskarinn,“ bætti hún við og var augljóslega hátt uppi vegna verkefnisins. Hún sagði jafnframt að hljóðupptökur færu fram seinni partinn í dag (föstudag) og svo yrði atriðið kvikmyndað á morgun, laugardag.
Það er deginum ljósara að Húsavík, þessi litli friðsæli bær við Skjálfandaflóa hafi aldrei verið jafn mikið í sviðsljósinu en um þesssar mundir.
Nýjast
-
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.
Athugasemdir