Hér er spurt út í fyrsta kaupfélag landsins
Spurningaþraut #3
- Leikararnir hér að ofan eiga það sameiginlegt að hafa túlkað Roxy í söngleiknum Chicago, önnur á fjölum Samkomuhússins á Akureyri en hin á hvíta tjaldinu. Hvað heita þessar konur?
- „Eigi skal höggva,“ voru lokaorð Snorra Sturlusonar en hver var það sem greiddi honum banahöggið í Reykholti haustið 1241?
- Í síðustu spurningaþraut var spurt um prest og við höldum því áfram; hvað heitir presturinn í hljómsveitinni Ljótu hálfvitarnir?
- Við skulum halda okkur innan fjölskyldunnar en eiginkona þessa prests hefur látið að sér kveða sem leikstjóri, leikari og handritshöfundur m.a. með leikhópnum Umskiptingum. Hún hefur einnig verið umsjónarkona Stundarinnar okkar í Ríkissjónvarpinu. Hvað heitir konan?
- Kaupfélag Þingeyinga er ekki lengur til nema í sögubókum en einu sinni var það eina kaupfélagið sem var til enda fyrsta slíka félagið til að vera stofnað. Við spyrjum því, hvaða ár var Kaupfélag Þingeyinga stofnað? Hér má skeika tveimur árum til eða frá.
- Sýslumaðurinn á Norðurlandi eystra hefur aðalskrifstofu á Húsavík en hver gegnir embætti sýslumanns?
- „Fáir njóta eldanna, sem fyrstir kveikja þá.“ Hver orti?
- Sjónvarpsstöðin N4 á Akureyri hætti rekstri fyrir skemmstu en hver var framkvæmdastjóri félagsins?
- Hvaða ár var Menningarhúsið Hof á Akureyri tekið í notkun?
- Nú skulum við bregða okkur út fyrir landssteinana. Kjarnorkuslysið í Tsjernobyl átti sér stað 26. apríl árið 1986 í Tsjernobyl-kjarnorkuverinu í Úkraínu, sem þá tilheyrði Sovétríkjunum. Sama ár skutu Sovétmenn á loft geimstöð sem starfrækt var til ársins 2001. Hvað hét geimstöðin?
Svör:
Þórdís Björk Þorfinnsdóttir er til vinstri, Renee Zellweger, til hægri lék Roxy á hvíta tjaldinu. 2. Árni beiskur. 3. Sr. Oddur Bjarni Þorkelsson. 4. Margrét Sverrisdóttir. 5. Kaupfélag Þingeyinga var stofnað á Þverá í Laxárdal 20. febrúar 1882. Rétt svar telst því 1880-1884. 6. Svavar Pálsson. 7. Þetta er úr ljóðinu Konan sem kyndir ofninn minn eftir Davíð Stefánsson. 8. María Björk Ingvarsdóttir. 9. Menningarhúsið Hof á Akureyri var formlega tekið í notkun 28. ágúst 2010. Opnunarhátíðin hófst reyndar deginum áður og stóð til þess 29. 10. Mír.
Hér má finna síðustu spurningaþraut #2
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir