Bæjarstjórn Akureyrar kallar eftir auknu fjármagni frá ríkinu
Bæjarstjórnin ítrekar áskorun sveitarfélaga á Norðurlandi um að rekstri, uppbyggingu og markaðssetningu Akureyrarflugvallar verði komið fyrir hjá sérstakri stjórn eða félagi. Markmiðið sé að tryggja áframhaldandi uppbyggingu og að flugvöllurinn verði kynntur sem ein af gáttum Íslands. Mynd Ingvar Kristjánsson
Bæjarstjórn Akureyrar telur að ýmis jákvæð atriði sé að finna í fjárlagafrumvarpi ríkisstjórnarinnar fyrir árið 2027, en kallar jafnframt eftir auknu fjármagni til verkefna sem sveitarfélög bera ábyrgð á. Þetta kom til umræðu á fundi bæjarstjórnar s.l. þriðjudag.
Fagnar fjárfestingum en kallar eftir meiri fjármunum
Í bókun bæjarstjórnar er bent á að frumvarpið feli meðal annars í sér fjármagn til stækkunar Verkmenntaskólans á Akureyri, tryggt fjármagn til framkvæmda við nýja legudeild Sjúkrahússins á Akureyri, hækkun menningarsamnings og bætt rekstrarskilyrði fyrir Háskólann á Akureyri.
Bæjarstjórnin leggur þó áherslu á að nægt fjármagn þurfi að fylgja þeim verkefnum sem ríki og sveitarfélög bera sameiginlega ábyrgð á. Sérstaklega er bent á áframhaldandi bil milli tekna og gjalda í þjónustu við fatlað fólk, bæði hvað varðar þjónustu og búsetuúrræði.
Einnig er kallað eftir áframhaldandi eftirfylgni ríkisins með innleiðingu laga um samþættingu þjónustu í þágu farsældar barna. Bæjarstjórnin segir jafnframt að ríkið þurfi að standa við skuldbindingar sínar um fjármögnun þjónustu við börn með fjölþættan vanda.
Flugvöllurinn sagður lykilatriði fyrir atvinnulífið
Bæjarstjórn Akureyrar fagnar boðaðri fjárfestingu í innviðum sveitarfélaga vegna varnar- og öryggismála og bendir á að ýmsir innviðir Akureyrarbæjar tengist þjóðaröryggi með beinum hætti.
Í bókuninni er jafnframt lögð sérstök áhersla á Akureyrarflugvöll. Segir bæjarstjórnin áframhaldandi eflingu alþjóðlegrar fluggáttar á Akureyri vera mikilvæga efnahagslega aðgerð sem geti aukið verðmætasköpun og stuðlað að fjölbreyttara atvinnulífi á svæðinu.
Bæjarstjórnin ítrekar því áskorun sveitarfélaga á Norðurlandi um að rekstri, uppbyggingu og markaðssetningu Akureyrarflugvallar verði komið fyrir hjá sérstakri stjórn eða félagi. Markmiðið sé að tryggja áframhaldandi uppbyggingu og að flugvöllurinn verði kynntur sem ein af gáttum Íslands.
Að lokum hvetur bæjarstjórnin stjórnvöld til að skera ekki niður fjármagn til Sóknaráætlana landshlutanna. Slíkur niðurskurður myndi að mati bæjarstjórnar bitna á verkefnum sem styðja við atvinnuþróun og menningarlíf á Norðurlandi.
Nýjast
-
Bæjarstjórn Akureyrar kallar eftir auknu fjármagni frá ríkinu
Bæjarstjórn Akureyrar telur að ýmis jákvæð atriði sé að finna í fjárlagafrumvarpi ríkisstjórnarinnar fyrir árið 2027, en kallar jafnframt eftir auknu fjármagni til verkefna sem sveitarfélög bera ábyrgð á. Þetta kom til umræðu á fundi bæjarstjórnar s.l. þriðjudag. -
Frá hugmynd að leik á tveimur dögum
Leikjadjamm verður haldið á Húsavík dagana 18. og 19. september þar sem þátttakendur fá tækifæri til að þróa eigin leik frá grunni. Engin reynsla af leikjagerð eða forritun er nauðsynleg og leikurinn þarf alls ekki að vera tölvuleikur. Að sögn Stefá... -
,,Ekki aðeins spurning um starfsleyfi eða stjórnsýslulega meðferð"
Eins og fram hefur komið lá fyrir í gær niðurstaða Úrskurðarnefndar umhverfis- og auðlindamála um starfsleyfi fiskþurrkunar Samherja á Laugum. Í úrskurðinum kemur fram að felld sé úr gildi ákvörðun heilbrigðisnefndar Norðurlands eystra frá 3. júní 2026 um að gefa út starfsleyfi til Samherja Íslandi ehf. fyrir heitloftsþurrkun fiskafurða á lóð Austurhlíðarvegar 2 á Laugum. Katrín Sigurjónsdóttir sveitarstjóri Þingeyjarsveitar skrifar um málið á heimasíðu sveitarfélagsins,. -
Starfsleyfi fiskþurrkunar að Laugum fellt úr gildi vegna annmarka á málsmeðferð
Úrskurðarnefnd umhverfis- og auðlindamála hefur fellt úr gildi ákvörðun heilbrigðisnefndar Norðurlands eystra um útgáfu starfsleyfis vegna fiskþurrkunar Samherja að Laugum í Reykjadal. Úrskurðurinn byggir á því að við útgáfu starfsleyfisins hafi heilbrigðisnefndin ekki byggt á fullnægjandi gögnum við mat á ástandi fimm vatnshlota í nágrenni við starfsemina. -
Björgunarþyrla á Akureyri – staða máls
Á morgunverðarfundi Kristrúnar Frostadóttir forsætisætisráðherra í flugstöðinni á Akureyrarflugvelli 22. maí 2025 svaraði ráðherra með eftirfarandi hætti þegar spurt var að því hvort það stæði til að staðsetja eina af þyrlum Landhelgisgæslunnar á Akureyrarflugvelli: -
Framtíð endurhæfingar á Norðurlandi
Um áratugaskeið hefur byggst upp öflug endurhæfingarþjónusta á Kristnesi í Eyjafjarðarsveit. Þar hefur orðið til sérhæfð þekking, reynsla og faglegt umhverfi sem hefur þjónað fólki á Norðurlandi og víðar um land. -
Vilja fá FIFA-minivöll við Grunnskólann í Lundi
Norðurþing vinnur að umsókn um svokallaðan FIFA Arena-minivöll sem fyrirhugað er að staðsetja á skólalóð Öxarfjarðarskóla í Lundi. Völlurinn yrði 20 sinnum 40 metra gervigrasvöllur með girðingu umhverfis -
Framsýn - Stjórnvöld verið með okkur í liði
Stjórn og trúnaðarráð Framsýnar kom saman til fundar síðasta mánudag. Þar kom fram megn óánægja með fjárlagafrumvarpið er viðkemur sérstaklega auknum álögum á alþýðu landsins og ætlun stjórnvalda að selja byggingar á Húsavíkurflugvelli og veikja þar með stöðu flugvallarins. Eftir góðar og málefnalegar umræður var eftirfarandi ályktun samþykkt samhljóða: -
Áhersla á styttingu og nútímavæðingu þjóðvegar milli Akureyrar og Reykjavíkur
Bæjarstjórn Akureyrar leggur ríka áherslu á að stytting og nútímavæðing þjóðvegarins milli Akureyrar og Reykjavíkur er eitt stærsta og mikilvægasta hagsmunamál bæjarfélagsins til framtíðar litið.
