Vilja fá FIFA-minivöll við Grunnskólann í Lundi
Sambærilegur völlur við þann sem vonir standa til að rísi í Lundi í Öxarfirði.
Norðurþing vinnur að umsókn um svokallaðan FIFA Arena-minivöll sem fyrirhugað er að staðsetja á skólalóð Öxarfjarðarskóla í Lundi. Völlurinn yrði 20 sinnum 40 metra gervigrasvöllur með girðingu umhverfis.
KSÍ auglýsti í ágúst eftir umsóknum um þátttöku í samstarfsverkefni sambandsins og FIFA. Sveitarstjórn Norðurþings tók málið fyrir á fundi sínum 20. ágúst og lagði til að sótt yrði um völl með staðsetningu í Lundi.
Stefán Jón Sigurgeirsson, verkefnastjóri á velferðarsviði hjá Norðurþingi, segir FIFA og KSÍ greiða fyrir flutning vallarins til landsins og á uppsetningarstað. FIFA standi jafnframt straum af uppsetningu hans og öllu efni sem til þarf. Norðurþing þurfi hins vegar að útvega lóðina og undirbúa undirlagið.
Enn liggur ekki fyrir hver kostnaðarhlutur sveitarfélagsins verður en unnið er að mati á honum.
Umsóknarfrestur er til 18. september og má búast við að úthlutun fari fram í haust. Verði umsókn Norðurþings samþykkt er stefnt að uppsetningu vallarins árið 2027, að öllum líkindum yfir sumarmánuðina, að sögn Stefáns Jóns.
„Völlurinn mun nýtast á marga vegu fyrir nemendur Öxarfjarðarskóla sem og leikskólann þar,“ segir Stefán Jón og bætir við að völlurinn gæti meðal annars nýst við almenna kennslu, íþróttir, frímínútur og lengda viðveru. Þá gæti hann styrkt starf Íþróttafélagsins Þingeyings og nýst öðrum íbúum til knattspyrnuiðkunar, hreyfingar og útivistar.
Nýjast
-
Vilja fá FIFA-minivöll við Grunnskólann í Lundi
Norðurþing vinnur að umsókn um svokallaðan FIFA Arena-minivöll sem fyrirhugað er að staðsetja á skólalóð Öxarfjarðarskóla í Lundi. Völlurinn yrði 20 sinnum 40 metra gervigrasvöllur með girðingu umhverfis -
Framsýn - Stjórnvöld verið með okkur í liði
Stjórn og trúnaðarráð Framsýnar kom saman til fundar síðasta mánudag. Þar kom fram megn óánægja með fjárlagafrumvarpið er viðkemur sérstaklega auknum álögum á alþýðu landsins og ætlun stjórnvalda að selja byggingar á Húsavíkurflugvelli og veikja þar með stöðu flugvallarins. Eftir góðar og málefnalegar umræður var eftirfarandi ályktun samþykkt samhljóða: -
Áhersla á styttingu og nútímavæðingu þjóðvegar milli Akureyrar og Reykjavíkur
Bæjarstjórn Akureyrar leggur ríka áherslu á að stytting og nútímavæðing þjóðvegarins milli Akureyrar og Reykjavíkur er eitt stærsta og mikilvægasta hagsmunamál bæjarfélagsins til framtíðar litið. -
Timburmenn
Nú þegar rykið er að setjast eftir róstursama kosningabaráttu líður mér eins og ég sé með vott af timburmönnum. -
Bergið eykur þjónustu við ungmenni
Öll tíu sveitarfélögin innan SSNE hafa samþykkt samstarfssamning við Bergið Headspace um aukna stuðnings- og ráðgjafarþjónustu fyrir ungmenni á Norðurlandi eystra. -
Byggðir og bú komin út
Útgáfa bókarinnar Byggðir og bú í Suður-Þingeyjarsýslu, eða Búkollu í daglegu tali, byggir á rúmlega sextíu ára útgáfusögu. Ritið lýsir jörðum, byggingum, búfjárhaldi, ábúendum og sveitum héraðsins og varð frá upphafi fyrirmynd sambærilegra verka um land allt. -
Framtíðin er björt - Þvílík negla!
Skógræktarfélag Eyjafjarðar segir frá þvi á samfélagsmiðlum að nýnemar við VMA, hafi í í gær komið færandi hendi Kjarnaskóg þegar krakkarnir færðu skóginum tvö lautarferðarborð að gjöf . ,,Að eigin frumkvæði lögðu krakkarnir í púkk fyrir efniskostnaði og um 40 nýnemar byggingardeildar sáu svo um smíðavinnu alla, undir styrkri handleiðslu Jóhanns kennara síns ásamt því að færa okkur borðin í Kjarna" segir í áður nefndri frásögn. -
Áforma gagnaver á Bakka fyrir um 120 milljarða króna
Áform um stórt gagnaver á iðnaðarsvæðinu á Bakka við Húsavík voru kynnt á opnum fundi á Fosshótel Húsavík í dag. -
Glæsilegt Filippseyjakvöld hjá starfsfólki ÚA
Um 110 starfsmenn og gestir tóku þátt í vel heppnuðu Filippseyjakvöldi á laugardaginn, sem haldið var á vegum starfsmannafélags Útgerðarfélags Akureyringa (STÚA).
