Kanna uppbyggingu hreinsistöðvar neðan við suðurbæinn
Þorvaldsstaðagil. Mynd/epe.
Orkuveita Húsavíkur vinnur að kostnaðar- og tæknimati vegna mögulegrar uppbyggingar tveggja eða þriggja þrepa hreinsistöðvar við fráveituútrás í Þorvaldsstaðargili, við sláturhús Norðlenska sunnan Húsavíkur. Niðurstaðan mun ráða því hvort framkvæmdin verður sett á framkvæmdaáætlun ársins 2027 eða 2028.
Verkefnið er liður í langtímaáætlun Orkuveitu Húsavíkur um að efla fráveitumál á starfssvæði veitunnar með hagkvæmum og umhverfislega ábyrgum hætti. Stjórn OH hefur falið Benedikt Þór Jakobssyni, rekstrarstjóra að vinna kostnaðarmat vegna verkefnisins.
Til skoðunar er að reisa tveggja eða þriggja þrepa hreinsistöð við útrás í Þorvaldsstaðagili. Staðsetningin kemur til greina þar sem fyrir er fráveituútrás sem ekki er tengd bæjarkerfinu.
„Markmið Orkuveitu Húsavíkur er að skoða hagkvæmar og raunhæfar leiðir til að mæta framtíðarkröfum um fráveituhreinsun,“ segir Benedikt.
Vinna við matið er enn á frumstigi og því liggur staðfest kostnaðaráætlun ekki fyrir. Ætlunin er að bera saman mismunandi útfærslur áður en ákvörðun verður tekin um framhald verkefnisins og hvort það fari á framkvæmdaáætlun 2027 eða 2028.
Kostnaður, umhverfisáhrif og framtíðarkröfur metin
Ekki hefur verið ákveðið hvort tveggja eða þriggja þrepa hreinsun verði fyrir valinu. Sú ákvörðun mun meðal annars ráðast af kostnaðarmati, tæknilegri greiningu og þeim kröfum sem gerðar verða til hreinsunar fráveituvatns.
Horft verður til stofn- og rekstrarkostnaðar, umhverfisáhrifa og framtíðarkrafna. Samhliða hefur OH unnið að því að draga úr magni óþarfa vatns sem berst inn í fráveitukerfið. Slíkar aðgerðir geta minnkað bæði stofn- og rekstrarkostnað við hreinsivirki.
Útrásum fækkað á Raufarhöfn
Framkvæmdir eru þegar hafnar á Raufarhöfn þar sem fráveitulagnir verða sameinaðar og útrásum fækkað. Að sögn Benedikts er markmiðið að einfalda fráveitukerfið og skapa hagkvæmari forsendur fyrir uppbyggingu og rekstri hreinsivirkja í framtíðinni.
Framkvæmdirnar eru jafnframt hluti af vinnu undanfarinna ára við að halda regnvatni frá fráveitukerfinu, minnka vatnsmagnið sem þarf að meðhöndla og bæta nýtingu innviða.
Nýjast
-
Kanna uppbyggingu hreinsistöðvar neðan við suðurbæinn
Orkuveita Húsavíkur vinnur að kostnaðar- og tæknimati vegna mögulegrar uppbyggingar tveggja eða þriggja þrepa hreinsistöðvar við fráveituútrás í Þorvaldsstaðargili, við sláturhús Norðlenska sunnan Húsavíkur. Niðurstaðan mun ráða því hvort framkvæmdin verður sett á framkvæmdaáætlun ársins 2027 eða 2028. -
Bæjarstjórn Akureyrar kallar eftir auknu fjármagni frá ríkinu
Bæjarstjórn Akureyrar telur að ýmis jákvæð atriði sé að finna í fjárlagafrumvarpi ríkisstjórnarinnar fyrir árið 2027, en kallar jafnframt eftir auknu fjármagni til verkefna sem sveitarfélög bera ábyrgð á. Þetta kom til umræðu á fundi bæjarstjórnar s.l. þriðjudag. -
Frá hugmynd að leik á tveimur dögum
Leikjadjamm verður haldið á Húsavík dagana 18. og 19. september þar sem þátttakendur fá tækifæri til að þróa eigin leik frá grunni. Engin reynsla af leikjagerð eða forritun er nauðsynleg og leikurinn þarf alls ekki að vera tölvuleikur. Að sögn Stefá... -
,,Ekki aðeins spurning um starfsleyfi eða stjórnsýslulega meðferð"
Eins og fram hefur komið lá fyrir í gær niðurstaða Úrskurðarnefndar umhverfis- og auðlindamála um starfsleyfi fiskþurrkunar Samherja á Laugum. Í úrskurðinum kemur fram að felld sé úr gildi ákvörðun heilbrigðisnefndar Norðurlands eystra frá 3. júní 2026 um að gefa út starfsleyfi til Samherja Íslandi ehf. fyrir heitloftsþurrkun fiskafurða á lóð Austurhlíðarvegar 2 á Laugum. Katrín Sigurjónsdóttir sveitarstjóri Þingeyjarsveitar skrifar um málið á heimasíðu sveitarfélagsins,. -
Starfsleyfi fiskþurrkunar að Laugum fellt úr gildi vegna annmarka á málsmeðferð
Úrskurðarnefnd umhverfis- og auðlindamála hefur fellt úr gildi ákvörðun heilbrigðisnefndar Norðurlands eystra um útgáfu starfsleyfis vegna fiskþurrkunar Samherja að Laugum í Reykjadal. Úrskurðurinn byggir á því að við útgáfu starfsleyfisins hafi heilbrigðisnefndin ekki byggt á fullnægjandi gögnum við mat á ástandi fimm vatnshlota í nágrenni við starfsemina. -
Björgunarþyrla á Akureyri – staða máls
Á morgunverðarfundi Kristrúnar Frostadóttir forsætisætisráðherra í flugstöðinni á Akureyrarflugvelli 22. maí 2025 svaraði ráðherra með eftirfarandi hætti þegar spurt var að því hvort það stæði til að staðsetja eina af þyrlum Landhelgisgæslunnar á Akureyrarflugvelli: -
Framtíð endurhæfingar á Norðurlandi
Um áratugaskeið hefur byggst upp öflug endurhæfingarþjónusta á Kristnesi í Eyjafjarðarsveit. Þar hefur orðið til sérhæfð þekking, reynsla og faglegt umhverfi sem hefur þjónað fólki á Norðurlandi og víðar um land. -
Vilja fá FIFA-minivöll við Grunnskólann í Lundi
Norðurþing vinnur að umsókn um svokallaðan FIFA Arena-minivöll sem fyrirhugað er að staðsetja á skólalóð Öxarfjarðarskóla í Lundi. Völlurinn yrði 20 sinnum 40 metra gervigrasvöllur með girðingu umhverfis -
Framsýn - Stjórnvöld verið með okkur í liði
Stjórn og trúnaðarráð Framsýnar kom saman til fundar síðasta mánudag. Þar kom fram megn óánægja með fjárlagafrumvarpið er viðkemur sérstaklega auknum álögum á alþýðu landsins og ætlun stjórnvalda að selja byggingar á Húsavíkurflugvelli og veikja þar með stöðu flugvallarins. Eftir góðar og málefnalegar umræður var eftirfarandi ályktun samþykkt samhljóða:
