Gott sumar en breytt mynstur í ferðaþjónustunni
Ferðaþjónustuaðilar sem Vikublaðið ræddi við voru heilt yfir ánægðir með sumarið, Mynd/epe.
Ferðaþjónustusumarið í Þingeyjarsýslum kom að ýmsu leyti vel út, þótt þróunin hafi ekki verið einsleit. Vikublaðið tók púlsinn hjá nokkrum ferðaþjónustuaðilum; Aðsókn að hvalaskoðun hjá Friends of Moby Dick var á pari við metsumarið 2025 og gisting hjá Hótel Skúlagarði kom ágætlega út. Hvalasafnið á Húsavík tók á móti tæplega 25 þúsund gestum yfir sumarmánuðina, en þar varð lítilsháttar fækkun frá fyrra ári.
Svör ferðaþjónustuaðilanna draga upp mynd af breyttu ferðamynstri. Íslenskum gestum fjölgaði bæði hjá Hótel Skúlagarði og Hvalasafninu. Þá fundu Friends of Moby Dick einnig fyrir aukinni aðsókn barnafjölskyldna. Á móti hafði samdráttur í komum skemmtiferðaskipa greinileg áhrif á gestafjölda Hvalasafnsins og við Dettifoss fækkaði gestum um 19 prósent fyrstu átta mánuði ársins.
Horft er til lengra ferðamannatímabils og nýrra tækifæra. Hvalaskoðun er þegar í boði frá Húsavík í tíu mánuði á ári, Skúlagarður hyggst laða fleiri gönguhópa að Gljúfrastígnum og bæði Friends of Moby Dick og Hvalasafnið binda vonir við að aukið millilandaflug um Akureyrarflugvöll geti styrkt vetrarferðamennsku á svæðinu.
Í Vikublaðinu sem kom út í gær fimmtudag má lesa ýtarlegri viðtöl við ferðaþjónustuaðila.
Nýjast
-
Gott sumar en breytt mynstur í ferðaþjónustunni
Ferðaþjónustusumarið í Þingeyjarsýslum kom að ýmsu leyti vel út, þótt þróunin hafi ekki verið einsleit. -
Málþing um einhverfu fullorðinna - hvað þarf að breytast?
Á málþinginu verður fjallað um stöðu fullorðins einhverfs fólks, geðheilbrigðisþjónustu og stuðningsúrræði. Sjónum verður beint að faglegri þekkingu, opinberum úttektum og tillögum til úrbóta, auk reynslu einhverfs fólks og aðstandenda. -
Næstu skref tekin í stækkun verknámshúss VMA
Inga Sæland, mennta- og barnamálaráðherra, og Berglind Ósk Guðmundsdóttir, bæjarstjóri Akureyrarbæjar, undirrituðu í dag viljayfirlýsingu um stækkun verknámshúss Verkmenntaskólans á Akureyri (VMA). Með yfirlýsingunni tekur Akureyrarbær að sér umsjón með undirbúningi og framkvæmd verkefnisins. -
Fá 12 mánaða viðbótarfest til að hefja framkvæmdir við Naustagötu
Meirihluti skipulagsráðs Akureyrarbæjar hefur samþykkt að framlengja frest N13 fasteignaþróun ehf til framkvæmda við lóð númer 13 við Naustagötu. Um er að ræða lóð fyrir verslun- og þjónustu sem fyrst var auglýst árið 2017 en ekki hefur enn tekist að laða að starfsemi í væntanlegt hús. Að mati skipulagsráðs er mikilvægt að á lóðinni byggist upp starfsemi sem nýtist hverfinu en undirbúningur þarfnist tímafreks undirbúnings. -
Hvers konar Ísland viljum við byggja?
Dómsmálaráðherra hefur nú sett breytingar á kosningakerfinu á dagskrá. Tillögur starfshóps ráðherra, sem birtar voru í gær, miða að því að hvert atkvæði vegi sem jafnast, óháð búsetu. Það er mikilvægt lýðræðislegt markmið og ég ber virðingu fyrir því fræðafólki sem sat í starfshópnum. En þegar við breytum kosningakerfinu erum við ekki aðeins að ákveða hvernig atkvæði eru talin. Við erum líka að móta hvernig ólíkir landshlutar tengjast löggjafarvaldinu og hvernig pólitískt vald dreifist um landið og um leið þá hvernig ólíkir landshlutar upplifa inn hlut í stjórnarháttum og stjórnsýslu. -
Samningur milli Reita og FSRE um hjúkrunarheimili á Akureyri
Framkvæmdasýslan – Ríkiseignir (FSRE) hefur samþykkt tilboð Reita í uppbyggingu hjúkrunarheimilis á Akureyri og aðilarnir gert með sér samning um verkefnið. Tilkynnt var í júní fyrr á þessu ári að FSRE hefði metið tilboð Reita hagstæðast með tilliti til verðs og afhendingartíma. Hjúkrunarheimilið verður byggt upp við Þursaholt 6, verður um 9.100 fermetrar að stærð og mun rúma 140 íbúa. -
Kanna uppbyggingu hreinsistöðvar neðan við suðurbæinn
Orkuveita Húsavíkur vinnur að kostnaðar- og tæknimati vegna mögulegrar uppbyggingar tveggja eða þriggja þrepa hreinsistöðvar við fráveituútrás í Þorvaldsstaðargili, við sláturhús Norðlenska sunnan Húsavíkur. Niðurstaðan mun ráða því hvort framkvæmdin verður sett á framkvæmdaáætlun ársins 2027 eða 2028. -
Bæjarstjórn Akureyrar kallar eftir auknu fjármagni frá ríkinu
Bæjarstjórn Akureyrar telur að ýmis jákvæð atriði sé að finna í fjárlagafrumvarpi ríkisstjórnarinnar fyrir árið 2027, en kallar jafnframt eftir auknu fjármagni til verkefna sem sveitarfélög bera ábyrgð á. Þetta kom til umræðu á fundi bæjarstjórnar s.l. þriðjudag. -
Frá hugmynd að leik á tveimur dögum
Leikjadjamm verður haldið á Húsavík dagana 18. og 19. september þar sem þátttakendur fá tækifæri til að þróa eigin leik frá grunni. Engin reynsla af leikjagerð eða forritun er nauðsynleg og leikurinn þarf alls ekki að vera tölvuleikur. Að sögn Stefá...
