„Mér finnst haustin æðisleg" Guðrún Kristín Björgvinsdóttir umsjónamaður Lystigarðsins í viðtali við vef Akureyrarbæjar.
Guðrún Kristín Björgvinsdóttir, umsjónamaður Lystigarðsins á Akureyri Mynd Axel Darri
Guðrún Kristín Björgvinsdóttir, umsjónamaður Lystigarðsins á Akureyri, hefur unnið í garðinum í tæp 11 ár. Guðrún, sem elskar haustið, er Akureyringur vikunnar á facebooksíðu Akureyrarbæjar
Guðrún er fædd og uppalin á Dalvík en flutti til Akureyrar árið 1998 til að hefja nám í VMA. „Ég starfaði hjá bænum á sumrin og byrjaði sem sumarblómastelpa. Árið 2000 flutti ég suður í tvö ár til að stunda nám í Garðyrkjuskólanum, en kom alltaf norður yfir sumarið til að halda áfram að vinna í blómunum.“
Lystigarðurinn er vinsæll ferðamannastaður og tekur árlega á móti um 180-200 þúsund gestum. Guðrún segir Íslendinga þó aðeins vera lítinn hluta gestanna. „Við fáum til okkar allar rúturnar, flesta farþega af skipunum og svo líka fólk sem ferðast á eigin vegum. Það koma allir til okkar - en Íslendingar mættu vera duglegri að njóta garðsins.“
Að hennar sögn vekur garðurinn mikla hrifningu hjá erlendum ferðamönnum. „Staðsetningin er mjög sérstök – hann er svona norðarlega á landinu og í brekku, sem er óvenjulegt. Hér er fjöldi stórra, gamalla trjáa, runna, fjölærar plöntur, tjarnir og gosbrunnur. Garðurinn er kannski ekki stór en flóran á þessum litla fleti er ótrúlega fjölbreytt. Fólk á ekki til orð og mér finnst þessi garður það flottasta sem er til. Þetta er algjör paradís.“
Nú þegar haustið gengur í garð tekur Lystigarðurinn á sig nýja mynd. „Mér finnst haustin æðisleg og er alltaf til í hverja árstíð. Á sumrin er mikið að gera en nú róast aðeins. Fallegir litir birtast í reynitrjánum og aspirnar gulna og fella lauf. Á haustin er oft stafalogn hér og svo, þegar fyrsti snjórinn fellur og allt hrímast, verður garðurinn alveg stórkostlega fallegur. Lystigarðurinn er svo mikill kyrrðarstaður - þótt fuglalífið sé rosalegt um þessar mundir. Berin á reynitrjánum eru orðin æt og fuglarnir extra glaðir.“
En á hún sér uppáhaldsplöntu? „Ég fæ mjög oft þessa spurningu,“ segir hún hlæjandi. „Á haustin er það kvöldloginn – það er bara ein slík planta í garðinum. Haustloginn blómstrar í ágúst og september og er mjög fallegur. Annars held ég upp á svo margt og finnst allur gróður æðislegur. Meira að segja lambaklukka, sem telst vera illgresi, hún er mjög falleg.“
Nýjast
-
600Klifur opnar á Akureyri
„Við fengum til okkar yfir 300 manns að klifra um helgina og annan eins fjölda sem kom að skoða aðstöðuna að Dalsbraut 1, Aðstaðan er vegleg og verður stór viðbót í afþreyingu bæjarins,“ segir Katrín Kristjánsdóttir einn eigenda. 600Klifur, ný klifuraðstaða á Akureyri var opnuð um liðna helgi. Aðstaðan er við Dalsbraut 1 þar sem í boði er glæsileg íþróttaaðstaða fyrir börn jafnt sem fullorðna þar sem bæði er hægt að æfa og skemmta sér. Salurinn hefur verið í smíðum síðan á liðnu ári. -
Finnum fyrir ríkum stuðningi í samfélaginu
Opið hús var á dag- og göngudeild geðdeildar Sjúkrahússins á Akureyri í tilefni af alþjóðlegum heilbrigðisdegi og fjölmargir gestir litu við. -
ASÍ - Ályktar um atvinnuástandið á Húsavík
Í ályktun ASÍ sem var að berast er lýst yfir miklum áhyggjum af atvinnuástandinu í Þingeyjarsýslum og skorað á stjórnvöld að koma að málinu af fullum krafti. Framsýn og Þingiðn fagna þessum stuðningi. Ályktunin er eftirfarandi: -
Indversk kvikmyndahátíð á Akureyri um helgina
Indverska kvikmyndahátíðin á Íslandi 2025 teygir anga sína til Akureyrar helgina 18. og 19. október. -
Ávinningur fyrri ára í hættu
Heilbrigðiskerfið okkar er ein af grunnstoðum samfélagsins. Á síðasta kjörtímabili náðust mikilvægir áfangar í að bæta þjónustu en nú horfum við hins vegar upp á fjölmörg merki um afturför, þar sem nýjar ákvarðanir stjórnvalda virðast grafa undan þeim árangri sem náðst hefur. Sérstaklega blasir þetta við á landsbyggðinni, þar sem íbúar utan höfuðborgarsvæðisins eins og á Akureyri og nágrenni finna nú fyrir skerðingu þjónustu og aukinni byrði. -
ÁFALLAHJÁLP ÞJÓÐKIRKJUNNAR
Mig langar á þessu hausti til að minna á áfallahjálp og sorgarstuðning Þjóðkirkjunnar í landinu og minnast sérstaklega á það sem er í boði hér á Akureyri fyrir bæjarbúa og nærsveitir. Frá árinu 2013 hefur verið hér starfræktur hópur sem nefnist Dagrenning og undirrituð haldið utan um en þar hittast foreldrar sem misst hafa börn og veita hvert öðru virka hlustun og jafningjastuðning. -
Bréf frá Stórutjarnarskóla um We-Við-Meie
Í vor fengum við, nemendur í elstu bekkjum Stórutjarnaskóla og Sigríður Árdal og Marika Alavere, styrk úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Markmið verkefnisins var að efla samskipti, samvinnu og sjálfstraust þátttakenda. Kynnast ólíkri menningu og skoða og kynnast náttúrunni og vekja okkur til umhugsunar af hverju við þurfum að hugsa um náttúruna. -
Sameining sparisjóða samþykkt
Hluthafafundir Sparisjóðs Höfðhverfinga hf. og Sparisjóðs Strandamanna hf. hafa samþykkt samrunaáætlun um sameiningu sjóðanna en hún tekur mið af stöðu þeirra í upphafi árs. Jafnframt hefur Fjármálaeftirlit Seðlabankans samþykkt samrunann. -
Hafa foreldrar skoðun á leikskólagjöldum og skráningardögum?
Í október 2023 samþykkti meirihluti bæjarstjórn Akureyrarbæjar að hefja eins árs tilraunaverkefni þar sem fyrstu sex klukkustundir leikskóladagsins urðu gjaldfrjálsar, en áfram greitt fullt gjald fyrir lengri dvöl barna. Samhliða voru teknir upp svonefndir skráningardagar og innleidd tekjutenging leikskólagjalda.