Símaskráin 2009 komin út – stútfull af fróðlegu efni

26. maí, 2009 - 15:13 Fréttir
Símaskráin 2009 komin út – stútfull af fróðlegu efni
Símaskráin 2009 er komin út - og auk þess að geyma um 320.000 símanúmer er hún full af fróðlegu efni sem getur komið sér vel í dagsins önn. Sem dæmi má nefna kort af öllum landshlutum og götukort af bæjarfélögum, flokkað yfirlit yfir veitingastaði og ýmsar hagnýtar upplýsingar fyrir þá sem eru að skipuleggja ferðalög. T.d. er þar að finna upplýsingasíður um sundlaugar og golfvelli, yfirlit yfir viðburði og bæjarhátíðir um land allt í sumar og ýmsar aðrar hagnýtar upplýsingar.  

Garðarshólmi, myndasaga Hugleiks Dagssonar í Símaskránni í fyrra, vakti mikla athygli og var fyrsta upplag af skránni rifið út á þremur dögum. Áberandi var að yngra fólk sótti Símaskrána í mun meira mæli í fyrra þegar myndasagan spurðist út. Hugleikur var fenginn til að teikna framhaldssögu, sem prýðir Símaskrána í ár, auk þess sem hann teiknaði forsíðumyndina. Myndasagan er óbeint framhald af Garðarshólma, en þar koma fram fleiri nýjar persónur.

Gulu síðurnar eru fremst í bókinni og innihalda yfir 2.000 vöru- og þjónustuflokka. Efnisyfirlit Gulu síðnanna er á ensku og pólsku, auk íslensku. Þar er innskot með veitingastöðum sem flokkaðir eru á handhægan máta, þannig að auðvelt er að fá yfirsýn yfir úrval staða með ítalskan mat, kínverskan, indverskan, heimilismat og skyndibita, svo að nokkuð sé nefnt. Við leit á Gulu síðunum þarf ekki að vita nafn fyrirtækis, heldur er nóg að fletta upp á leitarorði, t.d. læknir, málari, hárgreiðslustofa o.s.frv.

Símaskráin er umhverfisvæn og pappírinn sem í hana er notaður kemur úr sjálfbærum skógum. Blek, lím og pappír, sem notað er í bókina, er að öllu leyti niðurbrjótanlegt og algjörlega skaðlaust náttúrunni. Hvert eintak vegur um tvö kíló og er bókin 1.620 blaðsíður. Hin hefðbundna Símaskrá er afhent án gjalds en harðspjaldaútgáfan kostar kr. 700. Ritstjóri Símaskrárinnar er Guðrún María Guðmundsdóttir.


Á höfuðborgarsvæðinu verður hægt að nálgast Símaskrána í verslunum Krónunnar, Símans, Vodafone og á bensínstöðvum Skeljungs og Olís. Á bensínstöðvunum og hjá Símanum við Ármúla verða einnig móttökugámar fyrir eldri Símaskrár. Á landsbyggðinni verður Símaskráin afhent á öllum afgreiðslustöðum Póstsins þar sem einnig verður tekið við eldri skrám. Ennfremur verður hægt að nálgast skrána í verslunum Símans og Vodafone á Akureyri. Á dreifbýlustu svæðunum sér Pósturinn um að keyra Símaskrána heim til viðtakenda.

Til baka

Nýjast

  • Farsæld í brennidepli – öll eru velkomin! Sjónaukinn 2025

    • 15.05.2025
    Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir.

  • Vel heppnaður Súpufundur atvinnulífsins haldinn á Múlabergi

    • 15.05.2025
    Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.

  • Ársfundur HSN Jákvæð þróun þrátt fyrir áskoranir í rekstri

    • 15.05.2025
    Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.  

  • Auðlindirnar í þjóðareign.

    • 15.05.2025
    Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.

  • Fimm tilboð í göngubrú

    • 14.05.2025
    Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.

  • Feðgar útskrifast með stúdentspróf

    • 14.05.2025
    Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.

  • Nýtt diplómanám við HA fyrir fólk með fjölþættar stuðningsþarfir

    • 13.05.2025
    Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann.

  • Krúttlegasta hjólamót árins haldið á Akureyri á sunnudaginn

    • 13.05.2025
    Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.

  • JÖKLABLÁMI opnun í Verksmiðjunni á Hjalteyri 17 maí 2025, kl. 14:00

    • 13.05.2025
    Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00
Sjá meira