Formaður bæjarráðs Akureyrar svarar gagnrýni um lóðarskort í bænum
Séð yfir Naustahverfi. Mynd/Þorgeir Baldursson.
Guðmundur Baldvin Guðmundsson, formaður bæjarráðs Akureyrar, fer yfir stöðu mála á lóðum og uppbyggingu íbúða í bænum í færslu á Facebook. Mikið hefur rætt um skort á lóðum en í viðtali við Vikublaðið sagði Sigurður Sigurðsson framkvæmdstjóri SS Byggi að alvarlegur lóðaskortur sé á Akureyri og bæjarfélagið sé að missa fólk úr bænum.
Guðmundur virðist gefa lítið fyrir það.
„Af gefnu tilefni vegna mikillar umræðu um íbúðaskort á Akureyri og vandræði verktaka á að fá lóðir þá er rétt að upplýsa í fáeinum orðum stöðu mála hér í bæ. Eftir nokkur rýr ár í kjölfar hrunsins hafa íbúðabyggingar farið á gott skrið á liðnum árum og frá árinu 2015 hafa að meðaltali 170 íbúðir verið fullkláraðar árlega. Nú liggur fyrir að ríflega 200 íbúðir klárast í Hagahverfi á þessu ári og búast má við að framkvæmdir hefjist við um 180 íbúðir í Hagahverfi á árinu.
Guðmundur Baldvin Guðmundsson
Þá hefur 89 íbúðum verið úthlutað annars staðar í bænum sem fara vonandi í framkvæmdir á þessu ári, þar á meðal spennandi uppbygging við Austurbrú. Þá er ótalið að í haust koma til úthlutunar lóðir í Holtahverfi þar sem um er að ræða tæplega 300 íbúðir þar sem framkvæmdir gætu hafist á árinu 2022. Við gætum því séð yfir 500 íbúðir koma inn í nýjar framkvæmdir á árunum 2021-2023 auk þeirra 200 íbúða sem fullklárast á þessu ári.
Í kjölfarið verður svo komið skipulag fyrir Kollugerðishaga en þar verður framtíðaruppbygging og gert ráð fyrir ríflega 700 íbúðum í fyrri áfanga þess skipulags en um 1300 íbúðum alls.
Það er því óhætt að segja að uppbygging íbúða í bænum hafi verið afar kröftug á síðustu árum og bjart sé framundan,“ skrifar Guðmundur.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir