Fjölbreytt dagskrá á Akureyrarvöku um helgina
Það má segja að Sinfóníuhljómsveit Norðurlands þjófstarti Akureyrarvöku með töfratónleikum í Hofi og eftir að búið er að setja Akureyrarvöku getur fólk m.a valið að læðast um meðal drauga og annarra óhugnalegra vera á Draugaslóðinni í Innbænum eða skella sér á rómantískt bryggjuball á Torfunefsbryggju en á þessum tíma verður hjartað í Vaðlaheiði aftur farið að slá.
Á laugardaginn verður m.a. boðið heim í söng og súkkulaði á Galtalæk og Nostalgíuflipp í Litla Garði á meðan sápukúlur fylla loftið á Barnagaman við Ráðhústorg, flóamarkaðsstemning m.a. í kirkjutröppunum og hægt verður að gæða sér á heilgrilluðu nauti. Myndlistin skipar ætíð stóran sess á Akureyrarvöku og verða án efa margir sem munu ganga fram og til baka Menningarbrautina sem lögð verður í Listagilinu til að sjá sýningar í öllum galleríum og sýningarsölum Listagilsins. Að kvöldi laugardags verður áhersla lögð á einstaka eyfirska hönnun á hinum ýmsu stöðum í miðbænum. Sýndir verða dansar frá Kúbu, Íslandi, Tælandi og nikkurnar þandar með heybagga allt um kring. Sirkus Íslands mætir á svæðið með einstakt sirkusshow og trix sem enginn ætti að reyna heima við!
Á sunnudaginn er upplagt að kynna sér landnámsmanninn Helga magra á fyrirlestri Hólmsteins Snædal og heimsækja svo hið eins árs gamla glaðbeitta afmælisbarn, Menningarhúsið Hof sem verður með opið hús á sunnudeginum og býður upp á afmælisköku, beina útsendingu á þættinum Gestir út um allt á Rás 2 og ýmislegt skemmtilegt. Þetta er aðeins brotabrot af dagskránni, segir í fréttatilkynningu en heildina er að finna á vefnum http://vikudagur.is/www.visitakureyri.is
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
