Fagnar því að tekin skuli til starfa velferðarstjórn VG og Samfylkingar
Sveitarfélögin og stofnanir þeirra, líkt og rekstur ríkisvaldsins, eru löskuð eftir hrun efnahagsstefnunnar, þar sem eignir hafa rýrnað og tekjustofnar dregist saman. Sveitarfélögin hafa hinsvegar takmarkaða getu til að glíma við afleiðingar efnahagshrunsins og þurfa því aðstoð ríkisvaldsins ef forða á alvarlegum samdrætti í grunnþjónustu.
Í aðgerðum til að draga úr atvinnuleysi er eðlilegt að líta til verkefna hjá sveitarfélögunum og veita fé til viðhalds og nýsköpunarverkefna á þeirra vegum. Jöfnunarsjóð sveitarfélaganna þarf að efla og styðja betur við sveitarfélög með einhæfa tekjustofna og eins þau sveitarfélög þar sem hlutfall barna og unglinga er hátt. Nauðsynlegt er að leggja áherslu á eflingu sveitarfélaga í góðu samstarfi við þau og samtök þeirra. Taka þarf tillit til ólíkra aðstæðna sveitarfélaga um allt land í umræðu um endurskipulagningu verkaskiptingar milli ríkis og sveitarfélaga.
Endurskoða þarf laga- og starfsumhverfi sveitarfélaga frá grunni, sem og tekjustofna þeirra, enda verða þeir að taka mið af raunkostnaði þeirra verkefna sem liggja hjá sveitarfélögunum. Eins er mikilvægt að tekjustofnarnir séu ákvarðaðir með skýrum hætti en ekki háðir ákvörðun ríkisstjórna á hverjum tíma.
Samhliða endurskoðun á starfsumhverfi sveitarfélaga þarf að setja fram tímaáætlun um hvenær viðfangsefni flytjast á milli stjórnsýslustiga. Sveitarstjórnarráð Vinstri grænna leggur einnig áherslu á að lög um sveitarfélög verði endurskoðuð með það að markmiði að skýra heimildir sveitarfélaga til lántöku og heimildir sveitarfélaga til að eiga í félögum og fyrirtækjum, segir í ályktun sveitarstjórnarrás VG.
Nýjast
-
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.