„Eldarnir læstu sig um köstinn og stigu hvæsandi til himins“
-
Gamli Eyrarpúkinn heilsar nýja árinu með sínum þriðja pistli um uppvaxtarár sín á Eyrinni
Stóra útihurð barnaskóla Íslands laukst upp og fyrr en varði voru breiðu tröppurnar fyrir neðan eins og straumharður foss þegar við krakkarnir runnum þar niður í gleði okkar. Það var komið jólafrí. Hópurinn skiptist í þrjá meginstrauma þegar tröppunum lauk. Krakkarnir af suðurbrekkunni og innbænum fóru í halarófu suður fyrir skólann. Þau sem komu af norðurbrekkunni skunduðu beint í vestur fram hjá kartöflugeymslunum og við sem vorum af Eyrinni og miðbænum gengum rakleitt til austurs, norðan við kirkjuna. Sjálfur hljóp ég með félögum mínum niður kirkjutröppurnar og óðar kominn á sjálft kaupfélagstorgið þar sem jólastjarnan sveif yfir. Auðvitað var jólaundirbúningurinn ofarlega í huga okkar Eyrarpúkanna þegar við vorum þarna að gluða í jólafríið - en fleira var á dagskránni. Boð hafði komið frá foringjum okkar strákanna á norðureyrinni að tímabært væri að fara að undirbúa brennuna á gamlárskvöld.
Fyrsta verkið var að tryggja okkur þrjár af risastóru trérúllunum sem geymt höfðu rafkaplana og búið var að grafa í götur bæjarins. Rúllurnar stóðu í haugum norðan við Ægisgötu og ekkert sagt við því þó við tækjum þrjár misstórar traustataki í brennuna okkar. Síðan þurfti að finna aflagðan tréljósastaur, spýtnabrak úr fiskhjöllunum sem lá þar víða á dreif og hverskonar tré og pappaafganga úr görðum og skúmaskotum. Að lokum var svo að tryggja okkur einn til tvo nótabáta sem hafði verið lagt og voru kjörinn eldiviður enda gegnsósa af tjöru. Þá þurfti að semja við snillinga eins og Nóa bátasmið að kljúfa þá eftir endilöngu svo við gætum komið þeim á vörubíl sem vinir okkar á Stefni björguðu okkur með. Þegar öllu þessu hafði verið safnað saman í kartöflugörðunum sunnan Slippsins tók við að móta brennuna sjálfa eftir kúnstarinnar reglum.
Í upphafi var grafin tveggja feta djúp hola með sama þvermál og ljósastaurinn. Því næst veltum við stærstu rúllunni á hliðina og stilltum gatið á henni miðri við holuna. Síðan var þrautin þyngri að koma næst stærstu rúllunni upp á þá stærstu en með útsjónarsemi og sameiginlegu átaki tókst það. Fyrst reyndi þó verulega á okkur þegar kom að þriðju rúllunni þarna í kartöflugarðinum. Mikil hróp og köll, svita lagði af hverju enni þessara galvösku púlsmanna, einhver rak við í látunum og allir skellihlógu. Loks tókst að mismuna minnstu rúllunni upp á hinar tvær og stilla síðan allar saman þannig að ljósastaurinn átti greiða leið í gegnum þær allar niður í holuna. Þá var að stafla öllu spýtnabrakinu undir og ofan á rúllurnar og troða blöðum og pappír með úrsmiðsnákvæmni í hverja rifu. Að lokum kom vörubíll með krana á framstuðaranum, hífði byrðingana úr nótabátunum upp á endann, lagði þá varlega að kestinum og myndaði eins konar kápu utan um hann. Þarna var risið mikið og fallegt mannvirki sem við félagarnir gengum til á gamlárskvöld ásamt fjölda manns og kveiktum í öllu saman. Þegar eldarnir læstu sig um köstinn og stigu hvæsandi til himins með svörtum reykjabólstrum og gneistabraki, brostum við stoltir og glaðir af þessu framtaki okkar. Nú mátti nýja árið koma okkar vegna.
Ingólfur Sverrisson
Sjá einnig: Þankar gamals Eyrarpúka ll
Og líka: Þankar gamals Eyrarpúka l
Nýjast
-
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram.
Athugasemdir