Zontakonur styrkja Rannsóknarmiðstöð gegn ofbeldi
Styrkurinn afhentur, f.v. Sigríður Sía Jónsdóttir, Sigrún Sigurðardóttir og Sigríður Halldórsdóttir.
Á fundi í Zontaklúbbnum Þórunni hyrnu fyrir skömmu var samþykkt að veita Rannsóknarmiðstöð gegn ofbeldi við Háskólann á Akureyri, 200 þúsund króna styrk. Í samþykktinni er ráðgert að hluti styrksins, eða 50 þúsund krónur, skuli nýttur til að endurhæfa heimasíðu miðstöðvarinnar en hinn hlutinn er eyrnamerktur málþingi á vegum miðstöðvarinnar og Þórunnar hyrnu. Styrkurinn var afhentur í húsnæði Akureyrarakademíunnar í gær. Fram kom í máli Sigríðar Síu Jónsdóttur formanns Þórunnar hyrnu, að helsta fjáröflun klúbbsins væri árleg laufabrauðssala, enda væru þær þekktar fyrir sitt laufabrauð. Sigrún Sigurðardóttir er forstöðukona Rannsóknarmiðstöðvar gegn ofbeldi en Sigríður Halldórsdóttir prófessor við heilbrigðisvísindadeild HA er formaður stjórnar. Einnig er Ágúst Þór Árnason deildarformaður lagadeildar HA í stjórn miðstöðvarinnar.
Sigríður sagði erfitt að koma hlutum í gegn nema með peningum. Þessi styrkur væri því mikill fengur og stór upphæð fyrir miðstöðina. Hún sagði að miðstöðin vildi vinna að því að auka meðvitund um ofbeldi og helst af öllu útrýma ofbeldi.
Hin alþjóðlega Zontahreyfing vinnur að því að bæta stöðu kvenna um allan heim og á síðustu áratugum hefur sérstök áhersla verið lögð á verkefni gegn hvers kyns ofbeldi á konum og stúlkubörnum. Klúbbfélagar í Þórunni hyrnu fagna því heilshugar tilkomu rannsóknarmiðstöðvar á þessu sviði og vænta mikils af starfsemi hennar.
Nýjast
-
Akureyri - Fyrsta skólfustungan að nýjum leikskóla
Heimir Örn Árnason, formaður fræðslu- og lýðheilsuráðs, tók í dag fyrstu skóflustunguna að nýjum leikskóla sem rísa mun við Naustagötu í Hagahverfi á Akureyri. Leikskólinn hefur hlotið heitið Hagasteinn. -
Krabbameinsfélag Akureyrar og nágrenni og Ferðafélag Akureyrar Leið til að njóta náttúru og samveru
Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á tvær göngur í maí og júní. Göngurnar eru fyrir einstaklinga sem greinst hafa með krabbamein og aðstandendur. -
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir.