Völuspá, útgáfa sendir frá sér bækur tengdar Eyjafirði
Dagur Austan er ævisaga Vernharðs Eggertssonar er fæddist á Oddeyri, ólst upp á Akureyri en gerðist ævintýramaður á fullorðinsárum - barðist meðal annars í borgarastríðinu á Spáni - var sjómaður, og sigldi um öll heimsins höf, rithöfundur og skáld. Venni var líka utangarðsmaður og fyrstur Íslendinga til að brjótast út af Litla-Hrauni. Þorlákur Axel hefur víða leitað fanga og m.a. verið í sambandi við sagnfræðinga í Kanada, Rússlandi og Danmörku. Hann hefur líka rætt við fjölda fólks er man Venna, þar á meðal börn hans en þrátt fyrir allt sitt lánleysi var Venni í sambúð um tíma. Furðulegt nokk, þá er Dagur Austan fyrsta ævisaga íslensks utangarðsmanns er út kemur hérlendis, einvörðungu byggð á heimildum. Þetta vekur upp spurningar?
Hver er tilgangurinn með slíkum skrifum? Hversu langt á að ganga að nota vitnisburð fólks, til dæmis barna Venna? Viðfangsefnið er jú viðkvæmt; fjallað er um afbrotaferil Venna og drykkjuskap, í bland við ævintýrin sem hann lenti í. Á að segja allt? Fylgdi Þorlákur þeirri stefnu eða hélt hann einhverju fyrir sig, sem hann taldi of gróft eða viðkvæmt fyrir eftirlifendur að lesa um? Þess skal loks getið að Dagur Austan er fyrsta ritið í ritröðinni, Safni til sögu Eyjafjarðar og Eyfirðinga, en þar ræðir um bækur sem eiga að vera allt í senn spennandi, fróðlegar og skemmtilegar - og raunverulegur keppinautur krimmabókanna sem öllu tröllríða um þessar mundir.
Kvistagöt og tréhestar - Eyfirskar kímni- og gamansögur
Því hefur stundum verið haldið fram í fúlustu alvöru að Eyfirðingar séu leiðinlegir og Akureyringar þó allra verstir. Kvistagöt afsannar þessa goðsögn en megintilgangur hennar er að skemmta. Í Kvistagötum er að finna ótal gamansögur af nafngreindum Eyfirðingum en mikið er upp úr því lagt að nafngreina, annars missir frásögnin meira og minna marks. Enda ekki ósatt orð að finna í bókinni.
Þetta er í fyrsta sinn sem sögunum af Matthíasi Jochumssyni er safnað á einn stað, lögmennirnir Ásmundur Jóhannsson Svarti og Árni Pálsson lenda í hremmingum, prestarnir Hannes Örn Blandon og Svavar Alfreð segja hrakfallasögur, Hólmfríður Andersdóttir lendir í einkennilegu umferðarslysi og Bjössi bláþráður er útnefndur stríðnasti Eyfirðingurinn - pólitíkin á fulltrúa í Jóni Má skólameistara, Gísla Braga og fleirum - og þær eru óborganlegar sögurnar af þjóðsagnapersónunum, Gunna Sót, Skapta í Slippnum og Eyþóri í Lindu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.