Nemendur við Menntaskólann á Akureyri hanna pizzur – og láta þær gefa til baka
Sprettur-Inn, í samstarfi við Skólafélagið Huginn og Krabbameinsfélag Akureyrar og nágrennis, hefur hrundið af stað nýju samfélagsverkefni undir yfirskriftinni „Sneið fyrir samfélagið“.
Upphaflega var markmiðið að þróa pizzur sem höfða til ungs fólks. Fulltrúar MA komu að þróuninni frá grunni og niðurstaðan varð nýr pönnupizzubotn og þrjár spennandi pizzur sem nú eru komnar á matseðil. Seinna í ferlinu kviknaði sú hugmynd að láta verkefnið einnig leiða til góðs – og varð það grunnurinn að „Sneið fyrir samfélagið“.
Af hverri seldri pizzu renna 600 kr. til góðgerðarmála, nánar tiltekið til Krabbameinsfélags Akureyrar og nágrennis.
Pizzurnar bera nöfnin Businn, Kvos-inn og Skólameistarinn og endurspegla bæði sköpunargleði nemenda og tengingu við skóla- og bæjarlíf.
„Við vildum skapa eitthvað sem tengir saman nemendur og samfélagið á einfaldan og skemmtilegan hátt. Hugmyndin er sú að hver pizza gefi til baka – ein sneið í einu,“ segir Aron Þór Sigurgeirsson, rekstrarstjóri Sprettsins.
„Það er mikilvægt fyrir okkur að taka þátt í verkefnum sem byggja á samstöðu og þátttöku. Hér fá nemendur tækifæri til að skapa eitthvað sem hefur raunveruleg áhrif,“ segir Tinna Kristinsdóttir, fyrir hönd Skólafélagsins Hugins.
Sneið fyrir samfélagið stendur yfir frá 18. mars til 15. apríl, og verða reglulega birtar upplýsingar um framvindu verkefnisins.
Nýjast
-
Fær örmögnun fætur?
15. mars er alþjóðlegur dagur Long Covid. Þá hefur Alþjóðaheilbrigðisstofnunin (WHO) ákveðið að tileinka marsmánuði baráttunni gegn mýtum um Long Covid og skerpa á vitund almennings um þau alvarlegu einkenni sem fylgja þessu ástandi. -
Nemendur við Menntaskólann á Akureyri hanna pizzur – og láta þær gefa til baka
Sprettur-Inn, í samstarfi við Skólafélagið Huginn og Krabbameinsfélag Akureyrar og nágrennis, hefur hrundið af stað nýju samfélagsverkefni undir yfirskriftinni „Sneið fyrir samfélagið“. -
„Brottför kl 12.00" á þriðjudag. Skipstjórinn“
Svona gæti tilkynningin hafa hljóðað, já bara eins og í gamla daga þegar verið var að tilkynna brottför togaranna hér í bæ. -
Færri slys eftir að Vaðlaheiðargöng voru opnuð
„Það er mjög ánægjulegt að sjá að gögn Samgöngustofu sýna skýra fækkun slysa frá því göngin voru opnuð. Eitt af meginmarkmiðum Vaðlaheiðarganga var að bæta umferðaröryggi og þessi þróun bendir til þess að þau hafi skilað þeim árangri,“ segir Valgeir Bergmann framkvæmdastjóri Vaðlaheiðarganga. -
Hollvinir SAk gefa lyflækningadeild fjármuni til minningar um Sólveigu Huldu Valgeirsdóttur
Hollvinir heimsóttu lyflækningadeild í dag og afhentu starfsfólki blómvönd og samúðarkveðju vegna fráfalls Sólveigar Huldu Valgeirsdóttur, fyrrum deildarstjóra lyflækningadeildar. -
Nútímavirðið og fjölbreytni til framtíðar
Hvað tekur við eftir námið? Getur hugmynd orðið að starfi? Og hvernig er hægt að finna sína eigin leið í síbreytilegum heimi? -
Við erum að taka hlutverkin frá eldra fólki
Fólk verður ekki hrumt af því að eldast. Fólk verður hrumt þegar samfélagið tekur frá því hlutverk, tengsl og tilgang. Saga öldrunarþjónustu á síðustu áratugum er að hluta saga um slíkt hlutverkatap. -
Formannaskipti hjá Ferðafélagi Akureyrar
Formannsskipti urðu á aðalfundi Ferðafélags Akureyrar sem haldinn var nýverið. Fundurinn var vel sóttur, en rúmlega 40 manns voru sóttu hann. -
Jana Salóme Ingibjargar Jósepsdóttir leiðir lista VG á Akureyri í komandi sveitarstjórnarkosningum
Í gær, sunnudaginn 15. mars, var framboðslisti Vinstrihreyfingarinnar græns framboðs á Akureyri til sveitarstjórnar samþykktur á félagsfundi.
