VMA - Strákarnir í hársnyrtiiðninni
Strákarnir fjórir á annarri önn í hársnyrtiiðn í VMA. Frá vinstri: Baldvin Ari, Natan Nick, Ívar Örn og Alex Þórarinn. Mynd vma.is
Í gegnum tíðina hefur mikill meirihluti nemenda í hársnyrtiiðn verið konur og svo er raunar enn. En karlarnir hafa sótt í sig veðrið í þessum efnum, í það minnsta eru nú fjórir karlar af ellefu nemendum á annarri önn í hársnyrtiiðn í VMA.
Alex Þórarinn Guðbjartsson, sem er frá Bolungarvík en hefur búið síðustu fjögur ár á Akureyri, segir að áhuginn á að læra hársnyrtiiðn hafi kviknað fyrir um tveimur árum. Eflaust hafi þar haft eitthvað að segja að móðir hans er hársnyrtir. Hann segir námið vera fjölbreytt og nemendur fái tækifæri til þess að prófa sig áfram í mörgum ólíkum hlutum.
Natan Nick Sverrisson segir það hafa verið nokkurri tilviljun háð að hársnyrtiiðn hafi orðið fyrir valinu en námið hafi komið sér skemmtilega á óvart, sérstaklega gaman væri að klippa og raka. Natan ólst upp á Blönduósi en hefur undanfarin fjögur ár búið á Akureyri.
Ívar Örn Haraldsson, sem er frá bænum Svarfhóli í Laxárdal í Dalasýslu, segist hafa fengið áhugann á hársnyrtiiðn fyrir nokkrum árum og byrjað að fikta í þessu heima. Í sínum huga hafi ekki verið spurning hvaða nám skyldi velja í framhaldsskóla – og hann sjái sannarlega ekki eftir að hafa valið þessa námsbraut.
Dalvíkurinn Baldvin Ari Ögmundsson segist hafa ákveðið það strax í níunda bekk Dalvíkurskóla að hann ætlaði að læra hársnyrtiiðn. Sjálfur segist hann hafa verið óhræddur að prófa sig áfram í hártískunni, hann hafi í fjögur ár skartað síðu hári, svo hafi hann látið krúnuraka sig – og allt þar á milli. Baldvin segist hafa endanlega sannfærst um að fara í þetta nám eftir námskynningu í VMA. Hann segir námið skemmtilegt og fjölbreytt og nemendur fái að njóta sín í náminu. Strax á þriðju önn byrji nemendur að vinna að hluta til á stofum og fái þá gleggri sýn á starfið og verknámið aukist síðan stig af stigi eftir því sem lengri líði á námið.
Heimasíða VMA segir frá
Nýjast
-
Vélfag leggur fram kvörtun til ESA vegna brota á EES-reglum
Vélfag ehf., í samstarfi við meirihlutaeiganda félagsins, hefur lagt fram kvörtun til Eftirlitsstofnunar EFTA (ESA) með beiðni um hraðaða brotamálsmeðferð gegn íslenska ríkinu. -
Séreignarsparnaðarleiðin fest í sessi
Í síðustu viku var stigið mikilvægt skref fyrir ungt fólk á húsnæðismarkaði. Ákveðið var að festa í sessi heimildina til að ráðstafa séreignarsparnaði inn á íbúðalán og við fyrstu kaup. Þetta er tímabært og skynsamlegt skref, og eitthvað sem Viðreisn hefur lengi talað fyrir. -
VMA - Strákarnir í hársnyrtiiðninni
Í gegnum tíðina hefur mikill meirihluti nemenda í hársnyrtiiðn verið konur og svo er raunar enn. En karlarnir hafa sótt í sig veðrið í þessum efnum, í það minnsta eru nú fjórir karlar af ellefu nemendum á annarri önn í hársnyrtiiðn í VMA. -
MA Góður árangur í stærðfræðikeppni framhaldsskólanema
Þrír nemendur MA komust áfram í Stærðfræðikeppni framhaldsskólanema, sem haldin var 30. september. -
Bókarkynning - Riðið í strauminn með Hermanni Árnasyni
Út er komin hjá Bókaútgáfunni Hólum bókin Með frelsi í faxins hvin – riðið í strauminn með Hermanni Árnasyni, sem Hjalti Jón Sveinsson hefur skráð. Allt hestafólk, hvar svo sem á landinu það býr, kannast við hestafrömuðinn Hermann Árnason á Hvolsvelli. Hann hefur stundað hestamennsku frá blautu barnsbeini og hafa tamning hrossa og meðferð þeirra, auk hestaferða, verið hugsjón hans alla tíð. Sum verkefni hans hafa verið hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi í bókinni og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu. Hér á eftir verður gripið niður í þá frásögn -
Vinnumálastofnun með viðveru á Húsavík
Vinnumálastofnun mun á næstu vikum hafa aukna viðveru á Húsavík. Starfsfólk þeirra mun hafa aðstöðu á Skrifstofu stéttarfélaganna, Garðarsbraut 26, venju samkvæmt. -
Norðurþing - Jólabærinn minn, viltu taka þátt?
Það verður sannkölluð jólastemming í Norðurþingi alla aðventuna! Fyrirtæki, íbúar og stofnanir eru hvött til standa fyrir viðburðum eða uppákomum til að koma íbúum, sem og gestum og gangandi, í jólaskapið. -
Sæfari siglir á ný
Sæfari hefur hafið siglingar á ný milli Dalvíkur og Grímseyjar eftir að hafa verið í slipp allan október vegna viðhalds. Fyrsta áætlunarferðin er í dag, með siglingu til Hríseyjar, og á morgun fer fyrsta ferðin til Grímseyjar eftir hléið. -
Þegar veikindi mæta vantrú
Það er fátt sem reynir meira á mann en að verða veikur, nema kannski að upplifa að manni sé ekki trúað. Þegar líkaminn bregst, en samfélagið virðist efast. Þegar fólk sem stendur í daglegu stríði við orkulítið líf og stöðug hjartsláttarónot finnur að kerfið sér það ekki.
