VMA fær Íslensku menntaverðlaunin í flokki iðn- og verkmennta
Að lokinni afhendingu Íslensku menntaverðlaunanna á Bessastöðum. Forseti Íslands, Halla Tómasdóttir, er hér með Ástu F. Flosadóttur aðstoðarskólameistara VMA og Hauki Eiríkssyni brautarstjóra rafiðnbrautar VMA Mynd vma.is
Verkmenntaskólinn á Akureyri (rafdeild) er handhafi Íslensku menntaverðlaunanna í flokki iðn- og verkmennta fyrir sjálfbæra kennslustofu sem rafdeild skólans setti upp fyrr á þessu ári. Forseti Íslands, Halla Tómasdóttir, afhenti verðlaunin á Bessastöðum og Rúv sýndi frá athöfninni í kvöld. Við verðlaununum tóku fyrir hönd VMA Ásta F. Flosadóttir aðstoðarskólameistari og Haukur Eiríksson brautarstjóri rafiðngreina í VMA.
Til þess að afla rafmagns fyrir sjálfbæru kennslustofuna, sem er ein af kennslustofum rafdeildar á B-gangi skólans, var komið fyrir sólarsellum á þaki skólans og einnig lítilli vindrafstöð, í samstarfi við og með stuðningi frá Umhverfis- og orkustofnun.
Auk þessa verkefnis rafdeildar VMA voru tvö önnur verkefni tilnefnd til verðlaunanna í flokki iðn- og verkmennta; annars vegar Menntaskólinn á Ísafirði fyrir hönnun og smíði tímatökuhúss fyrir skíðasvæðið í Tungudal og hins vegar matreiðslumeistararnir Hermann Þór Marinósson, Hinrik Carl Ellertsson, Ragnar Wessman, Sigurður Daði Friðriksson og Ægir Friðriksson fyrir námsefnið Matreiðsla, heildstætt og vandað námsefni fyrir matreiðslunám á framhaldsskólastigi
Í umsögn Íslensku menntaverðlaunanna um sjálfbæru kennslustofuna í VMA segir:
VMA á skilið viðurkenningu fyrir framúrskarandi framlag til iðn- og verkmenntunar vegna frumkvöðlastarfs síns á sviði sjálfbærni, nýsköpunar og hagnýtrar kennslu. Með þróun sjálfbærrar kennslustofu, þar sem sólarsellur og vindorka sjá nemendum fyrir rafmagni til daglegra nota, hefur skólinn skapað lifandi lærdómssamfélag þar sem nemendur fá tækifæri til að tengja nám sitt við raunveruleg verkefni og samfélagsáskoranir samtímans. Verkefnið sýnir skýra framtíðarsýn um hvernig iðn- og verkmenntun getur verið leiðandi afl í loftslags- og orkumálum. Nemendur taka virkan þátt í þróun, rekstri og skilningi á tækninni og öðlast þar með dýrmæta verklega reynslu, ábyrgðartilfinningu og hæfni sem nýtist þeim í framtíðarstörfum. Verkefnið stuðlar jafnframt að jákvæðum skólabrag, auknu samstarfi við atvinnulíf og sterkari tengingu milli menntunar og samfélags. Framlag VMA er bæði frumlegt og áhrifamikið og hefur skólinn með þessu sýnt hvernig skapandi hugsun, fagmennska og samstarf geta leitt til raunverulegra menntaumbóta og orðið öðrum skólum fyrirmynd.
Handhafar Íslensku menntaverðlaunanna árið 2026 eru:
Framúrskarandi skólastarf – Starfsbraut Fjölbrautaskólans í Breiðholti
Framúrskarandi kennsla -
Þróunarverkefni -
Iðn- og verkmenntagreinar – Verkmenntaskólinn á Akureyri
Hvatningarverðlaun -
Þetta er í fjórða skiptið á sex árum sem Verkmenntaskólinn á Akureyri er tilnefndur til Íslensku menntaverðlaunanna en í fyrsta skipti sem skólinn hlýtur þau.
Fyrri tilnefningar eru:
2021 – Hilmar Friðjónsson kennari í stærðfræði og viðskiptagreinum í VMA
2022 - Hársnyrtideild VMA
2023 – Haukur Eiríksson kennari í rafgreinum í VMA
Nýjast
-
VMA fær Íslensku menntaverðlaunin í flokki iðn- og verkmennta
Verkmenntaskólinn á Akureyri (rafdeild) er handhafi Íslensku menntaverðlaunanna í flokki iðn- og verkmennta fyrir sjálfbæra kennslustofu sem rafdeild skólans setti upp fyrr á þessu ári. Forseti Íslands, Halla Tómasdóttir, afhenti verðlaunin á Bessastöðum og Rúv sýndi frá athöfninni í kvöld. Við verðlaununum tóku fyrir hönd VMA Ásta F. Flosadóttir aðstoðarskólameistari og Haukur Eiríksson brautarstjóri rafiðngreina í VMA. -
Skrifað undir samning um stuðning Akureyrarbæjar við verkefni Ferðamálafélags Hríseyjar 2026-2029
Í dag var undirritaður nýr samningur um stuðning Akureyrarbæjar við verkefni á vegum Ferðamálafélags Hríseyjar til ársins 2029. -
Vinir Hlíðarfjalls og Akureyrarbær Samningur um samstarf framlengdur til 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls. Hann gildir til loka ársins 2030. Markmið samningsins er að styðja við frekari uppbyggingu og markaðssetningu Hlíðarfjalls með sölu fyrirtækjapakka til aðildarfyrirtækja. -
MýSköpun og Landsvirkjun huga að hátækniframleiðslu við Þeistareyki
Líftæknifyrirtækið MýSköpun ehf. og Landsvirkjun hafa undirritað viljayfirlýsingu um fyrirhugaða afhendingu raforku og nýtingu varma frá Þeistareykjastöð vegna uppbyggingar hátækniframleiðslu á náttúrulegu astaxantíni í nágrenni aflstöðvarinnar. -
55 alþjóðlegir gestir sóttu Staff Weeks um gervigreind við Háskólann á Akureyri
Alls sóttu 55 þátttakendur víðs vegar að úr Evrópu tvær Erasmus+ Staff Weeks við Háskólann á Akureyri í október og nóvember. Yfirskrift viknanna var gervigreind í háskólastarfi og var markmiðið að skapa vettvang fyrir starfsfólk evrópskra háskóla til að miðla reynslu, læra hvert af öðru og ræða tækifæri og áskoranir sem fylgja hraðri þróun gervigreindar. -
World Class kaupir Strandgötu 14 á 685 milljónir
Systurfélag World Class, Í toppformi ehf., hefur fest kaup á fasteigninni sem hýsir líkamsræktarstöð World Class að Strandgötu 14 á Akureyri. Kaupverðið nam 685 milljónum króna, frá þessu segir í frétt í Viðskiptablaðinu. -
Nýsveinar fögnuðu tímamótum í Hofi
Það var góð stund í Menningarhúsinu Hofi á Akureyri 3. nóvember sl. þegar rúmlega 50 nýsveinar tóku við sveinsbréfum sínum. -
Njáll Trausti vill flug frá Akureyri til Kaupmannahafnar
Njáll Trausti Friðbertsson, þingmaður Norðausturkjördæmis, segir mikilvægt að koma á reglulegu áætlunarflugi milli Akureyrar og Kaupmannahafnar. Hann telur slíkt flug geta haft veruleg áhrif á byggðaþróun, atvinnulíf og uppbyggingu heilsársferðaþjónustu á Norður- og Austurlandi. Í Facebookfærslu gerir Njáll Trausti grein fyrir vonbrigðum sínum með að Icelandair hafi ákveðið að hefja flug frá Akureyri til Tenerife í stað Kaupmannahafnar. Hann rifjar jafnframt upp sögu millilandaflugs frá Akureyri til danska höfuðborgarsvæðisins og bendir á að fyrri reynsla af leiðinni hafi verið góð og sætanýting mikil. -
Sviðsstjóri umhverfis- og mannvirkjasviðs Akureyrarbæjar. Böðvar Þórir Kristjánsson ráðinn
Böðvar Þórir Kristjánsson hefur verið ráðinn sviðsstjóri umhverfis- og mannvirkjasviðs Akureyrarbæjar.
