Vinir Hlíðarfjalls og Akureyrarbær Samningur um samstarf framlengdur til 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls, samningurinn gildir til loka ársins 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls. Hann gildir til loka ársins 2030. Markmið samningsins er að styðja við frekari uppbyggingu og markaðssetningu Hlíðarfjalls með sölu fyrirtækjapakka til aðildarfyrirtækja.
Áhersla verður lögð á áframhaldandi uppbyggingu snjóframleiðslukerfis, mótun og lagfæringu skíðaleiða, aukinn öryggisbúnað fyrir yngri skíðaiðkendur og markaðssetningu skíðasvæðisins.
Vinir Hlíðarfjalls munu árlega styrkja verkefni sem falla undir markmið samningsins í samráði við rekstraraðila Hlíðarfjalls og Skíðafélagið. Allt að 30 fyrirtæki geta átt aðild að félaginu.
Aðildarfyrirtæki fá meðal annars fjögur vetrarkort, sérstakan fyrirtækjadag í Hlíðarfjalli og sýnileika á svæðinu og í kynningarefni tengdu starfsemi Vina Hlíðarfjalls.
Samningurinn er liður í áframhaldandi uppbyggingu Hlíðarfjalls og styrkir samstarf sveitarfélagsins og atvinnulífsins um þróun skíðasvæðisins á komandi árum.
Nýjast
-
Skrifað undir samning um stuðning Akureyrarbæjar við verkefni Ferðamálafélags Hríseyjar 2026-2029
Í dag var undirritaður nýr samningur um stuðning Akureyrarbæjar við verkefni á vegum Ferðamálafélags Hríseyjar til ársins 2029. -
Vinir Hlíðarfjalls og Akureyrarbær Samningur um samstarf framlengdur til 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls. Hann gildir til loka ársins 2030. Markmið samningsins er að styðja við frekari uppbyggingu og markaðssetningu Hlíðarfjalls með sölu fyrirtækjapakka til aðildarfyrirtækja. -
MýSköpun og Landsvirkjun huga að hátækniframleiðslu við Þeistareyki
Líftæknifyrirtækið MýSköpun ehf. og Landsvirkjun hafa undirritað viljayfirlýsingu um fyrirhugaða afhendingu raforku og nýtingu varma frá Þeistareykjastöð vegna uppbyggingar hátækniframleiðslu á náttúrulegu astaxantíni í nágrenni aflstöðvarinnar. -
55 alþjóðlegir gestir sóttu Staff Weeks um gervigreind við Háskólann á Akureyri
Alls sóttu 55 þátttakendur víðs vegar að úr Evrópu tvær Erasmus+ Staff Weeks við Háskólann á Akureyri í október og nóvember. Yfirskrift viknanna var gervigreind í háskólastarfi og var markmiðið að skapa vettvang fyrir starfsfólk evrópskra háskóla til að miðla reynslu, læra hvert af öðru og ræða tækifæri og áskoranir sem fylgja hraðri þróun gervigreindar. -
World Class kaupir Strandgötu 14 á 685 milljónir
Systurfélag World Class, Í toppformi ehf., hefur fest kaup á fasteigninni sem hýsir líkamsræktarstöð World Class að Strandgötu 14 á Akureyri. Kaupverðið nam 685 milljónum króna, frá þessu segir í frétt í Viðskiptablaðinu. -
Nýsveinar fögnuðu tímamótum í Hofi
Það var góð stund í Menningarhúsinu Hofi á Akureyri 3. nóvember sl. þegar rúmlega 50 nýsveinar tóku við sveinsbréfum sínum. -
Njáll Trausti vill flug frá Akureyri til Kaupmannahafnar
Njáll Trausti Friðbertsson, þingmaður Norðausturkjördæmis, segir mikilvægt að koma á reglulegu áætlunarflugi milli Akureyrar og Kaupmannahafnar. Hann telur slíkt flug geta haft veruleg áhrif á byggðaþróun, atvinnulíf og uppbyggingu heilsársferðaþjónustu á Norður- og Austurlandi. Í Facebookfærslu gerir Njáll Trausti grein fyrir vonbrigðum sínum með að Icelandair hafi ákveðið að hefja flug frá Akureyri til Tenerife í stað Kaupmannahafnar. Hann rifjar jafnframt upp sögu millilandaflugs frá Akureyri til danska höfuðborgarsvæðisins og bendir á að fyrri reynsla af leiðinni hafi verið góð og sætanýting mikil. -
Sviðsstjóri umhverfis- og mannvirkjasviðs Akureyrarbæjar. Böðvar Þórir Kristjánsson ráðinn
Böðvar Þórir Kristjánsson hefur verið ráðinn sviðsstjóri umhverfis- og mannvirkjasviðs Akureyrarbæjar. -
Millilandaflug Tenerife í stað Kaupmannahafnar - eru áherslurnar réttar?
Um leið og ég fagna reglulegu millilandaflugi Icelandair til Tenerife um Akureyrarflugvöll, jafnvel þó það sé bara í nokkra mánuði á ári, þá set ég samt spurningamerki við það.
