Vinnustaðir á Húsavík bjóða upp á íslenskukennslu á vinnutíma
Dóra Ármanns við íslenskukennslu fyrir innflytjendur á Þekkingarneti Þingeyinga á Húsavík fyrir nokkrum árum. Mynd/aðsend.
„Farkennarinn – íslenska á vinnustað“ er dæmi um vel heppnað verkefni sem leitar leiða til að mæta þörfum vinnumarkaðarins og þátttakenda með markvissri og hagnýtri íslenskukennslu. Með stuðningi Norðurþings og eldmóði þátttakenda er verkefnið að skila áþreifanlegum árangri sem nýtist bæði starfsfólki og samfélaginu í heild. Dóra Ármannsdóttir er reyndur íslenskukennari sem heldur utan um kennsluna en hún er í auknum mæli farin að heimsækja vinnustaði í einkarekstri.
Vikublaðið greindi frá því fyrir nokkrum misserum að Norðurþing hafi tekið þátt í verkefninu með því að veita starfsfólki á nokkrum starfsstöðvum íslensku á vinnutíma og nú hafa einkafyrirtæki slegist í hópin en Sjóböðin á Húsavík og veitingastaðurinn Naustið á Húsavík bjóða nú erlendu starfsfólki sínu upp á fyrsta flokks íslenskukennslu með Dóru Ármanns.
Miklar framfarir strax
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið. Hann segir jafnframt að þetta hafi komið til vegna þess að starfsfólk hans hafi verið að bíða eftir íslenskunámskeiði hjá Þekkingarneti Þingeyinga á Húsavík, en að þetta fyrirkomulag að fá kennarann á vinnustaðinn henti mun betur. „Það var vissulega erfiðara fyrir okkur að komast alltaf niður á Stétt. Það er miklu hentugra með þessum hætti þar sem kennari mætir bara til okkar inn á vakt og tekur klukkutíma kennslu í viku,“ útskýrir Ármann og bætir við að starfsfólkið sé himinlifandi með námskeiðið.
„Starfsfólkið er að taka þessu mjög vel og við erum að sjá miklar framfarir hjá þeim nú þegar. Þau eru mikið í því að stúdera ný orð og svona. Maður finnur líka að þau eru orðin miklu öruggari í því að prófa sig áfram með tungumálið. Hluti starfsmanna hefur verið hér á landi í einhvern tíma og kannast orðið við tungumálið en þora ekki að nota það, en það er að breytast hratt núna,“ segir Ármann að lokum.
Nýjast
-
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið. -
Líf í lundum Lystigarðs
130 ár frá fæðingu Jóns Rögnvaldssona -
Innan við helmingur barna með fjölþættan vanda tekur þátt
Samkvæmt skýrslu um þátttöku barna í íþrótta- og tómstundastarfi á Akureyri,- Greining á þátttöku barna með fötlun og aðrar áskoranir í íþrótta- og tómstundastarfi og tillögur að úrbótum. -
Komið að skuldadögum
Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil. -
Spennandi Sæludagur í Hörgársveit
Sæludagurinn er viðburður sem hefur fest sig í sess í Hörgársveit. Upprunalega var um að ræða einn stóran viðburður sem var haldinn ár hvert á laugardegi um Verslunarmannahelgina, en árið 2023 var ákveðið að prófa að skipta deginum upp í tvennt og halda Sæludaginn í júní og fjölskylduhátíð á Hjalteyri um Verzlunarmannahelgina. -
Tvær nýjar sýningar í Safnahúsinu á Húsavík: Út úr skugganum og Bakslag
Á morgun, 20. júní kl. 18:00 opna tvær nýjar sýningar í Safnahúsinu á Húsavík. Þær fjalla báðar um hinsegin sögu, sýnileika og réttindi – hvor á sinn hátt. -
YST er listamaður Norðurþings 2025
Ingunn er fædd árið 1951 á Egilsstöðum og ein af fyrstu íbúum bæjarins. Hún lærði sálfræði á Íslandi og í Gautaborg í Svíþjóð, með sérhæfingu í barna- og fjölskylduráðgjöf. Hún starfaði á því sviði í áratug, fyrst hjá Dagvist barna í Reykjavík, þar sem hún sinnti yfir 30 leikskólum, og síðar sem fyrsti heilsugæslusálfræðingur landsins í Norður-Þingeyjarsýslu.
