Vilji til að efla samstarf Framsýnar og Einingar Iðju
Aðalsteinn Árni Baldursson formaður Framsýnar og Anna Júlíusdóttir formaður Einingar Iðju með hinn fræga hrút Mola á milli sín. Sá býr í fjárhúsinu Grobbholti við Húsavík og er hvers manns hugljúfi. Hann hefur nú öðlast talsverða frægð en búið er að prenta ríflega eitt þúsund boli með mynd af honum og verða þeir til sölu í minjagripaverslunum vítt og breitt um landið í sumar Myndir Aðalsteinn Á Baldursson
Forystuhrúturinn Moli sem býr í góðu yfirlæti í fjárhúsinu Grobbholti ofan Húsavíkur hefur nú unnið sér það til frægðar að mynd af honum hefur verið prentuð á boli. Þeir eru væntanlegir til landsins með vorinu og verða seldir í minjagripabúðum og söluskálum hér og þar um landið. Án efa eiga þeir eftir að vekja mikla athygli.
„Flestir þeir sem eitthvað hafa af Mola að segja heillast af þessum geðþekka hrúti. Það undrar mig ekki, hann er einstakur,“ segir eigandi Mola, Aðalsteinn Árni Baldursson. Hann hefur þó sjálfur ekki neitt með bolasölu að gera, annað en að vera eigandi ljósmyndafyrirsætunnar, en neitar því ekki að hann hlakki til að sjá hverjar viðtökur bolirnir fá í verslunun á komandi sumri.
Forystuhrúturinn Moli á bol
Sumarfrí til að taka á móti lömbum og gestum
Það er mikið um að vera í Grobbholti og nú er sauðburður fram undan í næsta mánuði. Þá hefur Aðalsteinn fyrir sið að taka hluta af sumarfrí sínu, er meira og minna í fjárhúsunum um hálfs mánaðar skeið í maí mánuði. Bæði þarf að sinna sauðburði en ekki síður er mikil eftirspurn eftir að koma í heimsókn í Grobbholt og fylgjast með lífinu þar innan dyra.
„Leikskólabörn á Húsavík hafa um árabil heimsótt mig í fjárhúsin þegar lömbin eru komin og fátt er yndislegra en að fylgjast með börnunum dást að spriklandi sprækum nýfæddum lömbum. Það er mjög gefandi og vel þess virði að verja hluta af sumarfríi sínu í það,“ segir Aðalsteinn.
Yngri og þeir sem aðeins eldri eru njóta heimsókna i Grobbholt
Eining-Iðja á ferðinni
Nú um liðna helgi fékk hann góða gesti í fjárhúsin og talsvert eldri en leikskólabörnin, en stjórn Einingar-Iðju ásamt starfsmönnum félagsins gerðu sér ferð til Húsavíkur. Þeir fór í vinnustaðaheimsóknir í fyrirtæki í bænum og fengu kynningu á starfsemi Framsýnar. Vilji er til þess meðal forsvarsmanna að efla samstarf stéttarfélaganna til góðra verka fyrir félagsmenn.
Eftir heimsókn í Grobbholt var upplagt að skola af sér í Sjóböðunum. Um kvöldið borðaði hópurinn saman kvöldverð frá Golfskálanum á Húsavík og var stjórn og starfsfólk Framsýnar með. Við það tækifæri afhenti formaður Framsýnar, Aðalsteinn Árni, Önnu Júlíusdóttur formanni Einingar-Iðju smá glaðning frá félaginu en hún hefur lengi tekið þátt í störfum fyrir verkalýðshreyfinguna og er nú á sínu síðasta kjörtímabili sem formaður félagsins.
Anna Júlíusdóttir Einingarformaður var leyst út með smá glaðningi en hún hefur tekið þátt í verkalýðsstörfum lengi. Með henni er Aðalsteinn Árni Baldursson Framsýnarformaður.
Nýjast
-
Aðalfundur Norðurorku hf. reksturinn gekk vel árið 2025
Aðalfundur Norðurorku hf. var haldinn fyrr í dag, 20. apríl 2026. Eigendur félagsins eru sex sveitarfélög, Akureyrarbær, Eyjafjarðarsveit, Grýtubakkahreppur, Hörgársveit, Svalbarðsstrandarhreppur og Þingeyjarsveit. -
Vilji til að efla samstarf Framsýnar og Einingar Iðju
Forystuhrúturinn Moli sem býr í góðu yfirlæti í fjárhúsinu Grobbholti ofan Húsavíkur hefur nú unnið sér það til frægðar að mynd af honum hefur verið prentuð á boli. Þeir eru væntanlegir til landsins með vorinu og verða seldir í minjagripabúðum og söluskálum hér og þar um landið. Án efa eiga þeir eftir að vekja mikla athygli. -
Frábær mæting á Matarmenningarhátíð Einingar Iðju
Á dögunum bauð Eining-Iðja félagsmönnum sínum á Matarmenningarhátíð í HOFI þar sem félagsmenn frá 12 ólíkum löndum buðu upp á smakk á mat frá sínu heimalandi. -
Frá sigri mannsandans yfir í neyðarástand
,,Ég held ég muni aldrei upplifa þvílíkan sigur mannsandans eins og byggingu þessa hælis “ sagði Guðmundur Björnson landlæknir við vígsluathöfn Kristneshælis 1. nóvember 1927. -
Lyfjaskammtarar í heimahjúkrun hafa sannað gildi sitt
Sjálfvirkir Evandos lyfjaskammtarar í heimahjúkrun hafa verið notaðir hjá Heilbrigðisstofnun Norðurlands, HSN með góðum árangri allt frá árinu 2022. Lyfjaskammtarar styðja við sjálfstæða og lengri búsetu fólks í heimahúsum og hafa sýnt að þeir bæta gæði þjónustu og tryggja einstaklingum örugga og rétta lyfjagjöf á tilsettum tíma. -
Lokaorðið - Til hvers eru vinir?
Í gegnum lífið hef ég kynnst ógrynni af fólki. Stórt, lítið, ungt, gamalt, erlent og innlent fólk hefur ratað inn í líf mitt og sett á það mark. Sumir hafa fylgt mér lengi og aðrir skemur en eiga örugglega eftir að teljast til vina minna um ókomin ár. Á sama hátt og þetta fólk hefur nært mig með vináttu sinni hef ég reynt að gera mitt besta til að endurgjalda það. Einn vinur okkar hjóna kom að máli við manninn minn um daginn. Hann sagði ,, Tryggvi Gunnarsson var að skrifa um mömmu sína í blaðið, getur þú ekki beðið Dillu að skrifa um mig?” -
Svæðisskipulagsnefnd Eyjafjarðar skorar á Vegagerðin að flýta framkvæmdum við hringtorg við Eyjafjarðarbraut eystri
„Fólk er í stórhættu þarna nánast alla daga. Við erum afskaplega óhress með hversu aftarlega í röðinni þessi framkvæmd er og teljum öll rök með því að hefjast handa sem allra fyrst,“ segir Hermann Ingi Gunnarsson oddviti Eyjafjarðarsveitar. -
Sterkari Háskóli, sterkari Akureyri!
Háskólinn á Akureyri er einn sterkasti hornsteinn samfélagsins okkar. Háskólinn hefur ekki aðeins byggt upp öflugt mennta- og rannsóknarumhverfi, heldur hefur hann einnig laðað að fólk til búsetu, styrkt atvinnulíf og aukið fjölbreytni í samfélaginu. -
50 ára afmælisleikar Andrésar andar leikanna á Akureyri - Keppendur hafa aldrei verið fleiri
50. Andrésar andar leikarnir í skíðaíþróttum verða haldnir af Skíðafélagi Akureyrar (SKA) í Hlíðarfjalli við Akureyri dagana 22.-25. apríl 2026
