Viljastyrkur og atorkusemi
Safaa Almamou Mynd vma.is
Þann 19. janúar 2016 lenti á Akureyrarflugvelli hópur flóttafólks, fjórar fjölskyldur frá Aleppo í Sýrlandi. Tvær fjölskyldur búa enn á Akureyri en hinar tvær eru búsettar á höfuðborgarsvæðinu.
Safaa Almamou er ein þeirra Sýrlendinga sem enn búa á Akureyri. Hussein eiginmaður hennar starfar sem pípulagningamaður hjá Áveitunni á Akureyri og eiga þau tvo syni. Omar, eldri sonurinn, var um tíu mánaða gamall þegar fjölskyldan kom til Akureyrar, og yngri sonurinn, Yaaman, fæddist á Akureyri árið 2017.
Þann 19. desember nk., um níu árum eftir að Safaa kom til Akureyrar með eiginmanni sínum og eldri syni þeirra, brautskráist Safaa frá VMA sem sjúkraliði og einnig lýkur hún stúdentsprófi. Hún hóf nám á fjölgreinabraut í VMA árið 2021 og tók skólaárin 2021/2022 og 2022/2023 nokkra grunnáfanga, m.a. íslensku, stærðfræði og ensku, sem undirbúning fyrir sjúkraliðanámið. Sjúkraliðanámið hóf Safaa árið 2023 og er sem fyrr segir að ljúka því með formlegum hætti fyrir jól.
Ótrúlegur viljastyrkur, atorkusemi og dugnaður hefur einkennt nám Safaa í VMA. Það er meira en að segja það fyrir fólk af erlendum uppruna með gjörólíkan bakgrunn og gjörólíkt móðurmál (þ.m.t. ritmál) að skilja og tala íslenskuna eins vel og Safaa gerir.
Fyrst eftir að flóttafólkið kom til Akureyrar frá Aleppo var það í íslenskunámi í Glerárskóla en síðan færðist það niður í SÍMEY – Símenntunarmiðstöð Eyjafjarðar og þar tók Safaa þau fjögur íslenskunámskeið sem í boði voru. Frá byrjun var hún ákveðin í því að læra íslenskuna, bæði rit- og talmál, til þess að geta fótað sig sem best í íslensku samfélagi. Til marks um það þýddi hún yfir á móðurmál sitt arabísku texta dag- og vikublaða og auglýsingabæklinga sem hún komst yfir. Smám saman jókst orðaforðinn í íslensku og skilningurinn á tungumálinu.
Safaa segir það hafa verið stórt skref fyrir sig að fara í nám í VMA – fyrst í undirbúningsáfanga fyrir sjúkraliðanámið sem hafi nýst vel til stúdentsprófs og síðan í sjúkraliðanámið í framhaldinu. Ekki hafi alltaf verið auðvelt að skilja og tileinka sér ýmis faghugtök í námsgreinum í sjúkraliðanáminu eins og t.d. lífeðlisfræði en með mikilli vinnu og ástundun hafi henni tekist að komast yfir ótal þröskulda.
Heimasíða VMA sagði fyrst frá
Til viðbótar við bóklegt nám hefur Safaa verið í starfsnámi á heilbrigðisstofnunum á Akureyri, eins og áskilið er í sjúkraliðanáminu. Sem stendur er hún í starfsþjálfun á lyfjadeild Sjúkrahússins á Akureyri.
Í þrjú ár starfaði Safaa í eldhúsinu í Naustaskóla á Akureyri og hluta þess tíma stundaði hún jafnframt nám í VMA en sl. vetur lagði hún alla áherslu á námið. Þeir uppskera sem sá, nú er í augsýn uppskera þeirrar miklu vinnu sem Safaa hefur lagt á sig í sjúkraliðanáminu/námi til stúdentsprófs í VMA.
Nýjast
-
Viljastyrkur og atorkusemi
Þann 19. janúar 2016 lenti á Akureyrarflugvelli hópur flóttafólks, fjórar fjölskyldur frá Aleppo í Sýrlandi. Tvær fjölskyldur búa enn á Akureyri en hinar tvær eru búsettar á höfuðborgarsvæðinu. -
Kaupmannasamtök Íslands færa SAk rausnarlega gjöf
Kaupmannasamtök Íslands hafa gefið Sjúkrahúsinu á Akureyri (SAk) rafstillanlegan göngustiga að andvirði 2,5 m.kr. Stiginn er staðsettur við skurðdeild í aðalbyggingu SAk. -
Undirritun viljayfirlýsingar um landeldisstöð á Bakka
Sveitarfélagið Norðurþing og Bakkavík landeldi ehf., hafa undirritað viljayfirlýsingu vegna lóðar undir hugsanlega landeldisstöð á vegum Bakkavík landeldi ehf. á iðnaðarsvæðinu á Bakka norðan Húsavíkur. -
Kristján Vilhelmsson framkvæmdastjóri útgerðarsviðs Samherja lætur af störfum
Kristján Vilhelmsson framkvæmdastjóri útgerðarsviðs Samherja hf. lætur af störfum um næstu mánaðamót. Hann gerði stjórn félagsins grein fyrir þessari ákvörðun sinni fyrr í mánuðinum og í dag tilkynnti hann sínu nánasta samstarfsfólki um væntanleg starfslok. Þetta kemur fram í frétt á vef Samherja, www.samherji.is -
Sterk ferðaþjónusta skapar sterkara samfélag
Ferðaþjónustan á Norðurlandi stendur á tímamótum. Aldrei áður hafa tækifærin verið jafn augljós og raunhæf. Ný hótel rísa, fjölbreytt afþreying vex, og heilsársferðaþjónusta er orðin að veruleika. Staðan er gjörbreytt frá því fyrir aðeins nokkrum árum síðan. -
Býr til og selur armbönd til styrktar KAON
Aníta 11 ára er búin að vera gera handgerð armbönd og selja þetta árið, ekkert armband er eins og stundum gert eftir pöntunum, þannig að hvert armband er sérstakt. -
Framsýn þakkað fyrir velvilja í garð HSN í Þingeyjarsýslum
Aðalfundur Styrktarfélags HSN í Þingeyjarsýslum var haldinn á dögunum. Þar var farið yfir rekstur félagsins árið 2024 auk þess sem stjórn félagsins afhenti HSN gjafabréf fyrir þeim tækjum sem félagið hefur fjármagnað fyrir stofnunina. Alls styrkti sjóðurinn HSN fyrir um 14,6 milljónir króna árið 2024 og það sem af er þessu ári hefur sjóðurinn fjármagnað tækjakaup fyrir tæplega 20 milljónir. -
Fallorka og Orkusalan – saman í stanslausu stuði!
Fallorka, sem er dótturfélag Norðurorku, hefur hætt sölu á rafmagni og gert samstarfssamning við Orkusöluna um kaup á allri raforku sem Fallorka framleiðir í virkjunum sínum. Með þessu samstarfi tryggjum við að orkuframleiðslan úr heimabyggð haldi áfram að nýtast samfélaginu, en þjónustan við heimili og fyrirtæki færist nú yfir til Orkusölunnar. -
Fyrsti doktor í hjúkrunarfræði sem útskrifast frá Háskólanum á Akureyri
Akureyri skartaði sínu fegursta þegar Elín Arnardóttir, fyrsti doktor í hjúkrunarfræði útskrifaður frá Háskólanum á Akureyri, varði doktorsritgerð sína við glæsilega og hátíðlega athöfn í hátíðarsal Háskólans föstudaginn 14. nóvember síðastliðinn.
